1 Samuel 10:6 - Sharanahua: Diospan Tsain

⁶ Nantian nocon Ifo Diosin ahuun Yoshin Shara mia inanfain nantian ahuun curushhuunshon mia iquini. Ascano min futsafo futan minrifi min Diospan tsain yoishquin. Nocon Ifo Diosin Yoshin Shara mia fiananan huai minrifi nan futsafo cuscaran min inon.

1 Samuel 10:6 Referans Kwoze

1 Samuel 10:10

Ascano Saúl yafi ahuun oinmati Gabaa mai ano nocoquin oianfo Diospan tsain yoimisifo atoqui funifo. Nantian Diospan Yoshin Sharapan Saúl iquinain cuscan nantian arifi Diosin tsain yoini.

Números 11:25

Ascatan nocon Ifo Diosin nai coinmanhuan muran fotoni. Ascashon Moisés yoiaitian nan Diosin ahuun Yoshin Shara Moisés ya rafumamisi cusca huaquiri nan setenta niaifo patasharinoafo ahuun Yoshin Shara ato ya rafumani. Ascano nantifi nan setenta niaifo patasharinoafoan Diospan Yoshin Shara aton nomuran ato shinanmana cusca yoinifo. Nanscara yoiquin fusti huanifo.

1 Samuel 16:13

Nicatan Samuel moi masho murannoa shuni fitan ochifoan ointaifi chipocuton ahuun anu David ahuun mapofuchi shuni ocaino samamashta Diospan Yoshin Shara Davidqui nocoriscatan ahuun curush inanni. Shafatifi Diospan Yoshin Shara David fu rafuni ahuun curush shara inanni. Asca huatan Samuel afanan ahuun pushu Ramá ano nasoni.

Mateo 7:22

Ascacun Upa Diosin nantifi icoinra huamafo onaintimaitian nantianri yora ichapaton ua yoiqui isca huashcani, “Ifoshta, shinanhuun. Non min anuhuunshon non yorafo mihuunoa tapimamisi. Min anuhuunshonri yoshin chacafo non futsafomaquinoa potamisi. Min anuhuunshonri tsoan atiroma cuscan non huapaoni. ¿Iconmamun, Ifon?” ishon yoishquicani.

Números 11:17

Ascano un matoqui fotoshquin mato yoishquin. Nan Uhuun Yoshin Shara mi fu imisi cusca huaquin un ato furi uhuun Yoshin Shara rafumani. Ascano nanfoan mi futan min yorafo ashoshquin mincai afanan mirus fusti ato yonoima.

Números 11:26

Ascano nantiacai niaifo patasharinoa rafu pano pushu ichananti ano fonifoma. Nan rafutan aton anu Eldad yafi Medad. Nan rafutan Diospan Yoshin Sharahuunshon nan niaifo patasharinoa futsafoan yoiaifotiancai nan rafu ato fu ano inima. Ascafia nan ahuun caifo icano nan rafutari Diospan Yoshin shara aton nomuran shinanmanai cusca arifi yoinifo.

Números 11:29

Ascafiaiton Moisés Josué cumani, —¿Min shinan urus fusti un Diospan Yoshin Sharahuunshon yorafo yoipaimun? Ma. Nocon Ifo Diosin ahuun Yoshin Shara nantifi nocon caifoya rafumapainon ahuun tsain noco yoinonfo, —ishon Moisés cumani.

1 Samuel 10:9

Nannori yoiaiton nicain Saúl cani Diosin ahuun nomuran natian fianananrisca huani ahuara shara fusti huanon. Ascano nan Samuel yoia cuscan nanscaracoin nan shafata finonni.

1 Samuel 11:6

Nannori nicatapaiyaino Saúl Diospan Yoshin Shara nantian a fu rafutapaiyaino ahuun curushhuunoashu fasi ahuun nomuran sinacoinni.