1 Pedro 5:8 - Sharanahua: Diospan Tsain

⁸ Masharo fonainquin cahuancacaiquin ahuarafo funafoanfafainni piishquin. Nanscarifiai nan nocon noicasmamisi yoshin chaca Satanás cahuancacaini tsoan Diosihuunoa shinanyamaifo ato chaca huamafain ato omitsiscamashquin afanan Diosihuunoa shinanonfoma. Ascacun oinfain. Ahuara chacahuunoa shinanyamacahuun. Upa Diosin mato shinanmapaiyai cuscan nan fusti shinancahuun Satanás mato chaca huamanonma.

1 Pedro 5:8 Referans Kwoze

Efesios 6:11

Un ahuara futsahuunoa un mato yoi man tapisharanon. Ranushumuafo aton niaifoan ato yonotiro itisharanonfo futsafoan ato ahuusca huanonfoma. Ascashon nan yopaifo cuscan ato inantiro. Aton ashi yafi piafo non ahuun cuno maiti inanfain ahuun cuno shofucumuti sahuufain ahuun cuno sapa ponutamucai ashin iquinonma. Nanscarifi aquin Upa Diosin mato inanpaiyai cuscan nantifi ficahuun yoshin chaca Satanás mato chaca huamapaiyai cuscan aashquima.

Santiago 4:7

Ascacun Upa Diosin mato yoimisi cuscacoin acahuun. Nan yoshin chaca Satanás mato amapaiyai cuscan nicayamacahuun. Ascashon yoiquin isca huacahuun, —Satanás, Jesucristo uhuun Ifoquin. Umaquinoashu catahuun, —ishon yoicahuun man asca huaino matomaquinoashu ichoriscatanon.

Efesios 4:27

Man sinai unuyamacaiyaiton Satanás mato yonotiro. Man sinafiai matsiriscaitocai mato chaca huamatiroma.

1 Pedro 1:13

Ascan maton nomuran cayacafi shinansharacahuun. Jesucristo oaitian Upa Diosin mato shara huashoshquiai cuscan itisharacahuun mato yoini cuscan fiishcaquin. Ascacun ahuara futsan shinanyamacahuun. Afin mato amapaiyai cuscan fustisi shinancahuun.

1 Pedro 4:7

Ascacun tsain futsari un mato yoinon. Shinancapon. Nantifi manifoti man cuyoti chaima. Ascacun cayacafi shinansharacahuun. Ahua chaca shinantamarocon Upa Diosin mato shinanmapaiyai cuscan nan fusti shinancahuun. Ascashon Upa Dios cufifafaincahuun.

Lucas 21:36

Ascacun itisharayanan Upa Dios cufifafaincahuun omitsiscaitian ahuun curushhuunshon mato amapaiyai cuscacoin huashcaquin. Ascashu man chipo uqui nocoaitian un matoqui unimatiroran, —ishon Jesús ato yoini.

Lucas 22:31

Asca huatan Jesús Pedro nan ahuun anu futsa Simón yoini, —Simón, Satanás Dios yocashon mia chaca huamapai. Umaqui mia imapaiquin.

Tito 2:12

Ascano nan tsain non icoinra huaiton nocorifi tapimai non afanan Diosimaisi inonma. Ascashocai non chaca huapaoni cuscan non afanan atiroma. Ahuaraton noco shinanchacamapaiyai cuscacai non afohuunoa shinantiroma. Ascatama ahuara ahuuscarafiaino non isharatiro. Natian Upa Diosin noco amapaiyai cuscan fusti non atiro.

Apocalipsis 12:12

Ascacufin man nai muran Dios ari icafo unimacahuun. Nan icoinra huafoan Jesushuunshon man Satanás finoncoian. Ascashon Satanás nai muranshon man potafo. Ascafia nan mai ano icafoqui man nocoa. ¡Ohuashta! Mai anoafo yafi unuhuan anoafori fasi omitsiscashcani. Satanás man tapia ahuutianran Jesús mai ano nocoriscashon omitsiscapanacafo muran a potashquin tsoa afanan chaca huamanonma. Nanscara man tapiashu Satanás fasi sinacoinquin nantifi manifoti ato omitsiscamapai Jesús fu ipanonfomaran,” ishon yoia.

Juan 8:44

Nanfin maton upa Satanasquin. Ascan maton upan apaiyai cuscan marifi man huapaiquin. Aafin taui rutumitsamisi ipaoniquin. Iconcai yoimisima. Atocai ahuara icon yoimisima. Ahuun nomuran chani fusti shinantiro. Nanscashori chani fusti yoitiro. Afin chanimisicoinquin. Chanimisifoan aton apacoin.

Mateo 13:39

Ascan nan mau ifo noicasmamisi nanfin Satanasquin. Ascan nan fana fiaifotianhuunoafi nan manifoti cuyotirohuunoaquin. Nan fana fimisfofin Diospan oinmatifo afu nai muran icafo.

Apocalipsis 12:9

Ascacun Miguel futan Diospan oinmatifoan ato nai muranshon mai ano potani. Nan famanhuan cuscara nan rononhuan shuni ahuun anu futsa Satanás nantifi manifoti ato parafafainmisi.

Mateo 24:42

Ascacun itisharacahuun. Un maton ifofiacucai marifi man tapiama ahuutiamain un afanan matoqui oshquicain. Un mato yoimisi cuscan nanscacoin acahuun.

Apocalipsis 20:10

Ascatan nan yoshin chaca Satanás nanton yorafo fuparapaimitsamisicoin Upan Diosin chi urumanhuan muran pota. Nanno omitsiscapanaca. Nannori nan yoina pofu cuscara yafi a futan yonopaoni, —Unfin mato Dioshuunoa yoimisiquin, —ishon yoifiamisishaquin Satanashuunoa ato yoimisi. Fasi paramitsamisicoin. Nan rafu non fusti chi urumanhuan muran omitsiscapashquin. Isin muuquin unupacunacafoma.

Lucas 21:34

Ascacun oinfain. Un matoqui nocoriscatashquin. Man itisharayamano ahuarafo ahuuscarai futsui. Ascacun ahuara chaca huayamacahuun. Paunyanan monofafainyamacahuun. “¡Ohua! Un ahuuscarairan,” ishon shinanfafaiyamacahuun. Nanscafin nan ua icoinra huamafofo aaquin. Afo itisharafomano un nocoriscatashquin. Afo icai cuscan ayamacahuun. Oinfain. Masharo nicatsashu cunu muran iquitiro cuscan ayamacahuun.

Tito 1:8

Ascatamarocon iscara cushumisi itiro. Yora shara huashopaimisi icain ahuara sharafo fustisi noifain ahuara ahuuscarafiaino shinanchacatama shinanshara fustimisi icain isharashu Jesús cuscara Diospan tsain shara fusti tanafain. Ascano ahuara amaquirifo futan chacafoan ahuun nomuran shinanchacamapaiyai cuscan atamarocon nan Diosin amapaiyai cuscan fustisi amisi. Nanscarafo cushumisi shara itiro.

2 Timoteo 4:17

Asca huafiaifoanno nocon Ifo ufu ica. Ahuun curush ua inan un fasi chai ahuun tsain shara uhuun caifoma un yoiaiton cayacaficoin nicasharanonfo. Ascashon nocon Ifoan ua numani masharofo muran ua potanonfoma.

Tito 2:6

Ascatari pushcofori tapimasharahuu ahuara ahuuscarafiaino shinanchacatama shinanshara fustinonfo.

Tito 2:2

Ascashon nocofunu iyoafofo yosihuu isca huaquin. Ahuara ahuuscarafiaino shinanchacatama shinanshara fustifain isharafo cuscan futsafoan atohuunoa yoisharatirofo icain ascashon cayacaficoin Diospan tsain tapicoinshon icoinra huacoinnafo icain futsafohuun noicoinfain ascatan ahuara chaca finoin omitsiscafiashon tunucoinonfo. Nannori nocofunu iyoafofo yosihuu.

1 Timoteo 2:15

Ascafiacun ainfofoan facu caiyaintian isin muyotiro. Ascafiashon Jesús icoinra huashon noifain a cuscara shara icanashu Dios fu ipatirofo.

Apocalipsis 20:2

Tsomashon nan famanhuan cuscara achia. Diosin mai oni huataima nan rononhuan iyopaoni. Paramitsamisicoin. Naanfin yoshin chacacoin Satanás. Achishon cuno pononun nusha.

Tito 2:4

Ascashon shomayafori yositiro aton funufo yafi aton facufori noisharanonfo.

1 Timoteo 3:11

Aton ahuinfori isharacoinmisi icain yoiti huamitsapaimisi iyamacain paunmisiricai itiroma. Ahuara shara futsa aquifin Jesushuunshon asharamisi itiroquin.

1 Timoteo 2:9

Ainfofori un yoisharapai non ichanaintian isca huaquin shinanonfoma, —Uhuun saya sharashtacoin sahuufain fusoqui cunucain uhuun foo shara huafain nantififain ua oinonforan, —ishon ascacaquin man icai cuscan matohuunoa futsafo shinansharamapaiyamacahuun.

Mateo 4:1

Ascano Jesús Diosin Yoshin Sharapan tsoa istaipama ano iyoni. Nannoshon nan yoshin chaca Satanás cuarenta oshatan chaca huamapaifafainni.

1 Timoteo 3:2

Nan nocofunu cushumisi shara fusti itiro. Ascano ahuara chaca ahuunoa shinainfocain cushumisi itiroma. Ahuin fusti ya icain pau fuchipaimisi iyamacain ahuara ahuuscarafiaino shinansharamisi icain ahuara shara fustisi shinanpaimisi icain ahuun pushu muran yora iquimasharamisi icain futsafo Diospan tsain tapimasharatiro icain.

Mateo 25:41

Ascashon nan ua icoinra huamafo tiri futsa niafoan un ato yoiqui isca huashquin, “Manfin ua chaca huamisiquin. Un fonainfiaitocai man ua pimamisima. Un nomiaitoricai man ua ahuara ayamamisima. Un matoqui nocofiaitocai ua oinyamafiamisishaquin man ua pimayamafain un sahuutiromafiacuri man ua sahuumamisima. Un isinincaitoricai man ua cushumisima. Ua cunu muran iquimanafoanno cai man ua oincamisima. Ascacun umaquinoashu fotacahuun. Nan yoshin chaca Satanás yafi afu yoshin chaca futsafo Upa Diosin ato chi urumanhuan itishara huashoan nannori mato potai. Nannoashu nanfoya man omitsiscapashquin,” ishon un ato yoiaiton.

Mateo 4:11

Asca huaino Satanás Jesusmaquinoashu caino Diosin ahuun oinmatifo afu nai muran icafo aqui fotonifo pimashcaquin.

Daniel 6:24

Ascan niaifo Darío yononi niaifo patasharinoafoan Daniel chaca huamisifo cuscan nanscarifi aquin aton ainfofo non aton facufori achicashon masharofoan aton quini muran ato potanifo. Ascaiton nantia nan masharofoan quini muran ato potapacuaifoan ichoinacahuatan maiqui nocoataima ato mocoqui futsanifo. Nantifi ato piquin cuyonifo. Ato ahuashtacai tsoan tushu huanima.

Marcos 4:15

Ushufo fai nushmancayan pacua puiyafoan samamashta piinifo. Nanscarifiai Diosin tsain yoimisiton aton nomuran nanupaifiai aton nomuran fai curush cuscaracoin. Ascan Satanás ato tsain futsa yoiquin afanan Diosin tsain nicanonfoma ahuun ointi muran funomana.

2 Corintios 2:11

Non ascainocai Satanás noco fuparatiroma. Ascatan non asca huayamaino nocohuunoashu nan nocofunu funoi omitsiscacuana. Satanás noco amaquiri shinanmapai nan nocofunu rau huanonma. Non rau huayamaino fasi omitsiscatiro.

Apocalipsis 12:10

Ascatan oi uhuapa nai murannoa un nica. Isca huaquin yoiaiton, “Nan yoshin chaca Satanás nai muranshon man potafo. Nanton Dios ano cashon Jesús icoinra huafohuunoa tsain chaca yoi isca huaquin, ‘Mia icoinra huafoan fasi chaca huaran,’ ishon nocohuunoa shafatifi yafi yamutifiri yoifafaini. ¡Aicho! Ascafia natian Upa Diosin Satanás ahuun curush man shatumacoinna afanan nan yoshin chaca nocon ifo inonma. Ascan ahuun Facu nan nocon Numamisi Cristo afincoin nantifi man ato isma ato iquishquin. Ascacucai afanan Satanás Jesús icoinra huafoan aton ifo itiroma.