1 Pedro 5:3 - Sharanahua: Diospan Tsain

³ Ascacun ichananfoan ato niaifo cuscara iyamacahuun. Ato yonoyamacahuun nan mafin man apaiyai cuscan arifi huanonfo. Ascatama ato Jesushuunshon ismasharacahuun matohuun caononfo. Man ascaino arifi Jesús cuscara inonfo.

1 Pedro 5:3 Referans Kwoze

2 Tesalonicenses 3:9

Diospan tsain yononi isca huaquin, —Nan mato Diosin tsain yoimisifo yopaifo cuscan ato inancahuun, —ishon cununi. Ascan un mato yocapaiquin iconcoin un mato yocacuana. Ascafia non mato oinmasharapaiquicai non mato ahua cashman yocamisima.

Filipenses 3:17

Uhuun yoramishtichin un Jesús tana cuscan marifi uhuun caocahuun. Non icai cuscainfori oincatan nanfohuuri caocahuun.

2 Corintios 1:24

Un mato asca huapaitama urocon mato unimamapaisharai. Uncai maton ifo ipaima man mantsi a icoinra huayamacun. Icoinra huashon man man Jesús tanashara. Ascacun un mato futan Jesús yonoshopai man mimacai unimanon.

Tito 2:7

Tito mirifi ato ismasharahuun nantifi min acai cuscan shara fustisi huahuu. Min ascaino minhuun caononfo. Min ato yosiaitian cayacaficoin shara ato yosihuu arifi isharanonfo. Ato yosiyanan cashuyamahuu. Cashutama ato yoicoinhuun.

1 Timoteo 4:12

Timoteo icoinra huaa futsafo ato ismahuu min Jesushuunshon ato yoisharafain mirifi isharacain min Jesús icoinra huashon atohuun min noitiro. Ascacun ahua chaca huapaitama Jesús cuscara isharahuu. Pushcofiashu min ascaitocai mihuunoa tsoa ahua chaca yoitirofoma.

Hechos 20:28

Diospan Yoshin Shara matori yonoa Jesús icoinra huafo yoisharanon. Ascan oinfain. Isharacahuun. Diospan yorafo cushusharacahuun. Jesús ato nashoaino ahuun imi foni ahuun yorafo inonfo.

Filipenses 4:9

Ahuara un mato yoia cuscan huafain un mato tapimana cuscan huacahuun. Ascashon ahuara futsan un acaiton man oian cuscan macafiri acahuun. Man ascaiton oinquin Diosin maton nomuran isharamatiro. Ascashu matofu ipashquin.

2 Corintios 4:5

Ascan noncai nofiri nocohuunoa non mato yoimisima. Ascatamarocon non mato yoimisi Jesucristo maton Ifo inon. Noco Ifocun non ahuun noishon a yonoshosharapai. Ascan nonfin maton oinmati cuscaraqui Cristohuunoa mato tapimashquin. Nannori non mato yoimisi.

1 Corintios 11:11

Ascashon Diosin noco onihuani ainfofo yafi nocofunufo yopanonanonfo.

1 Pedro 2:9

Ascafia Diosin noco catonni ahuun yorafo non inon. Afin niaifocoinquin non yonoshotiro futsafori cufishoshquin Jesushuunoa ato tapimashquin. Noco a cuscara sharacoin imaino non ahuun yoracoinfo itiro. Ascashon ahuunoa futsafo yoisharashquin. Non faquish muran ica shinantsa apaoni. Ascafia afincoin noco catonni ahuun yoracoinfo non inon afu shafacafi shara ipashquin.

1 Corintios 3:9

Manfin Diosin ahuun mau cuscaraquin. Ahuun pushu cuscararifi. Mau ifo fustifiano futsafoanrifi yonoshotirofoquin. Aafin maton ifoquin. Nonfofin ahuun yonomatifoquin a futan non mato yonoshotiro. Nanscarifiai pushu ifo fustifiano futsafoanri yonoshotirofo. Nanscarifiai manfin Diosin ahuun mau cuscaracoinquin. Ahuun pushu cuscararifi. Diosin fustifin maton Ifoquin. Nonfofin ahuun yonoshomisifoquin. Noco yonoa cuscari non maton nomuran non mato shinansharamatiro ahuun tsain man tanasharanon.

1 Corintios 3:5

Ahuuscaimun atirifiton man isca huaquin, —Non Pablo yafi Apolos tanairan, —man ica. Apolos fucai un ahuama. Nonfin nocon Ifo Diosin ahuun oinmatiquin. Nocohuunshonfin man Jesús icoinra huaniquin. Diosin noco catonni noco yonomapaiyai cuscan noco yonoshquin Furunhuunoa man tapinon.

Juan 13:15

Un mato oinmana un aca cuscari marifi man anon. Ua cuscara icahuun.

1 Tesalonicenses 1:7

Asca huacanashu nantifi icoinra huafo Macedonian anoafo non Acaya anoafori man ato oinmashara matohuun caotiro nocon Ifo Jesús tanasharanonfo.