1 Pedro 3:11 - Sharanahua: Diospan Tsain

¹¹ Ahuara chaca huaifo muran foyamacahuun mato chaca huamatirofoquin. Ascatamarocon futsafo shara huafafaincahuun. Futsafo fu fasi isharapaicoincahuun. Fochishmanantanancaquima. Maton nomuran tsii huatanancahuun.

1 Pedro 3:11 Referans Kwoze

Mateo 5:9

Ascan tsoan nan noicasmatanainfoan ato raunan huaino afanan rau huantananfo. Nan cuscarafo Diosin yoiquin, isca huaqui, “Min uhuun facuran,” ishon ato yoiaino fasi unimacoinshcani.

Salmos 34:14

Ahuara chaca potacahuun. Ascatan futsafo sharahuacahuun. Futsafo fu isharapaicain fochishmanantananyamacahuun.

Hebreos 12:14

Ascacun fochishmanantananpaitamarocon nantifi yorafo fu isharapaifafaincahuun. Ascatari Jesús cuscara shara ipaifafaincahuun. Ascan tsoa Jesús cuscara shara iyamaino nantocai nocon Ifo oinnacama.

Romanos 14:19

Ascacun icoinra huaa futsafo ya icoinsharacahuun. Jesushuunoa shinanmatanancahuun a cuscara shara iishcaquin.

Colosenses 3:15

Ascacun Cristo nicacoinsharacahuun maton ointi sharamanocai man fochishmanantanantiroma. Ascatamarocon ahuunoashu isharacoincain ahuun yora fusti cuscara man itiroquin. Ascacun Upa Diosin mato catonni ahuunoashu isharacain futsafoqui man shinanchacanonma. Ascaquin man Upa Dios yoitiro isca huaquin, —¡Aicho! Upa Diosin min uhuun ointi shara huashoran, —ishon yoifafaincahuun.

Romanos 14:17

Ascano shinancapon. Non pifain aqui ayafain non huatocai nocon nomuran noco shinansharamatiroma. Upa Diosin noco iquinano non ahuun Yoshin Sharahuunshon Jesús cuscara isharacain nocon ointi non unimacointiro.

Romanos 12:18

Nantifi yorafo ya rafupaisharacahuun. Man asca shara huapaifiaino futsan matofu isharapaiyamainocai matohuun nuama.

3 Juan 1:11

Uhuun yorashtan, Diótrefes chaca huamisi cuscan ahuun caotamarocon ahuara shara fustisi min huapaitiro. Tsoan shara huamisi nan Diospan yora. Ascan tsoan chaca huamisi Diosquiri shinanmisima.

Santiago 4:17

Ascashon ratoran futsan Diosin amapaiyai cuscan tapifiashon futsa ashosharayamaino nantofin chaca huaiquin.

Hebreos 13:16

Yoiquin asca huatan yora futsafohuun ointiaquimayamacahuun ato shara huashquin. Ascan Jesushuunshon man yorafo shara huafain man aya cuscan futsan yopaiton man inanquin. Asca huaquifin man Dios unimamacointiroquin.

1 Timoteo 6:18

Ato yoihuu futsafo fasi shara huafafainonfo. Yopaifo ato fishcoyamafain unimacoincai ratoran shafatan ato cashman inansharanonfo.

Gálatas 6:10

Ascan ahuuscaraifoan oinquin nantifi shara huafafaincahuun. Finonmafain Jesús icoinra huafo shara huafafaincahuun.

Gálatas 5:22

Ascafiacai Diosin Yoshin Shara noco Ifo icaino non chaca huatamarocon non ahuunshon futsafo noicointiro unimacoincain ointi isharacain ahuara ahuuscarafiaino non shinanchacatama tunufain futsafohuun ramapaimisi icain shara huapaimisi icain yoia cuscacoin amisi icain.

Romanos 8:6

Diospan Yoshin Shara nocon nomuran iquinano nocon ointi fasi unimacointiro. Ascashu non Upa Dios fu ipasharatiro. Asca ratoranfo chacapan aton ifo icaino Diosihuunoa shinansharatiroma. Aton nomuran shinanchacamisifo Upa Dios noicasmaifoan. Ascan ato yonomapaiyai cuscan nicacasmamisifo. Chaca shinancaquin Diosin tsain nicatirofoma. Nicayamashu Upa Dios fu ipatamarocon omitsiscapanacafo.

Romanos 7:21

Ufi amisi. Un sharapaifiaiton chacapan ua amaquiri shinanmapai un shara shinanonma. Un ascamisi.

Romanos 5:1

Upa Diosin nocon Ifon Jesucristohuunshon noco rau huaa nocomaqui afanan iquima no fu ipashquin. Ascano nan icoinra huashu non afu isharapacutiro.

Juan 17:15

Uncai mia yocama mai anoshon min icari min ato ihuinon. Ascatamarocon un mia yocain nuno mai anoshon min ato cushushara nan yoshin chaca Satanás ato ahuusca huanonma.

Mateo 6:13

Satanás yoshin chacapan noco chaca huamapaifiaiton nocoqui cumatima huahuu. Nansca huaquin,” ishon cuficahuun ato huani.

Mateo 5:45

Diosin fari onihuani yora sharafo yafi chacafori chashashonon. Nanscarifi huaquin Diosin oirifi onihuani nan yora sharafo yafi chacafori ato onihuashoni. Diosifin nan tanaifo yafi a chaca huaiforifi ato shara huamisi. Ascacun marifi nanscarifi huacahuun a mato shara huaifo yafi mato chaca huaifori shara huacahuun. Asca huaifin marifi man Diospan facucoinfoshon futsafori man ato ismatiro.

Salmos 37:27

Ascan futsafoan mato chaca huamapaiyaino atomaquinoashu foriscatacahuun chaca huashquima. Chaca huatamarocon futsafo shara huashohuun. Ifo Diosihuunoashu man ascaitofin ahuun mai ari man a fu isharapacunacaquin.

Romanos 7:19

Un sharapaiyai cuscan atama un chaca huamisiquin. Un chaca huapaiyamafiaquin un amisi.

Lucas 6:35

Ascacun un mato yoi. Mato noicasmaifo atohuun noicaquin ato shara huacahuun. “Ato ahuara inanyoshon ua nasoimaran,” ishon shinanchacayamacahuun. Mato nasoyamafia, “Nanscanonran,” ishon yoicahuun. Man ascacoinnashu Upa Dios ari man nocoaiton matoqui unimaqui ahuara fasi sharacoin mato inanshquin. Diosi nai muran isharacointsia. Diosin nantifi yorafo shara huaa. Tsoan “¡Aicho! Upa Diosin,” huayamafiaifoan nanfohuunri fasi noi. Yora chacafohuuri noi. Marifi nanscarifi aquin man futsafo ismatiro man Diospan facufo.

Lucas 6:9

Ascaiton Jesús ato yoini, —Un mato yocain. ¿Moisés yononi cuscan tunutitian non shara huatiro iyamarai non chaca huatiromun? ¿Ascayamarai non futsafo nimatiro iyamarai non namatiromun? —ishon ato yoini.

Marcos 14:7

Yora ahuuomafo matofu ipanacafo. Ratoran shafatan man ato shara huashotiro. Ascafia un nuno matofu ipanacama man ua shara huanon.

1 Pedro 3:12

Ascashu man isharaiton oinquin Upa Diosin matoqui fasi unimaicain mato cushusharashquin. Ascashon man ahuara yocaiton mato nicatiro. Man yocai cuscan mato ashoshquin. Ascan tsoan chaca huamisicun Upa Diosin ato nicaima ato shatumashquin,” ishon huani.