1 Pedro 2:17 - Sharanahua: Diospan Tsain

¹⁷ Ascacun nantifi yorafohuun shinansharacahuun. Nantifi Jesús icoinra huafo noicoincahuun. Diosihuunoa shinancahuun isca huaquin, —Un Dios noicoinquin ua yonopaiyai cuscan un nicapaicoin. Uncai yoitima ipaima ua onaintimanonma, —ishon Diosihuunoa anori shinancahuun. Mato niaifofo nicacasmaquima ato nicasharacahuun.

1 Pedro 2:17 Referans Kwoze

Romanos 12:10

Nan man icoinra huafoti noinancahuun. Maton yoracoinfo man noimisi cuscan huafainri futsafo ya noinancahuun. Yoinansharatanancahuun.

Romanos 13:7

Man ato nifian cuscan inancahuun. Atohuunoa shinansharafain yoisharacahuun.

1 Pedro 5:5

Nanscarifiai pushcofoan iyoafofo nicasharacahuun mato yoiaifo cuscan aashcaquin. Pushcofoan iyoafofoya shara huatanancahuun. “Upa Diosicai cacapaimisifo cuscara tapipaima. Ascashon nan cacapaimisifo ato onaintimashqui. Ascan nan tsii huatananmisifofin shara huashoshquiquin. Nan cuscarafohuun Upa Diosin atohuun ramapaiquin ato shara huashofafainshquin,” ishon Diospan tsain cununi.

Hebreos 13:1

Manfin Cristo ahuun yorafoquin. Ascashu noinanfafaincahuun.

Filipenses 2:3

—Ufin un apaiyai cuscan fustifin un huaicain. Ascan futsafoan apaiaifo cuscacai un shinanpaima. Ascano un acai cuscamun futsafoan uhuunoa shinansharapainonforan, —icashu cacapaimisi iyamacahuun. Anori itamarocon futsafohuunoa shinansharacahuun. Ascashon atohuunoa yoiquin isca huacahuun, —Nanfoanfin ua finontirofoquin. Ascan uncai ahuama. Jesús fustiton ua imasharatiroran, —ishon futsafo finonmapaiyamacahuun.

1 Pedro 1:22

Man non Jesús icoinra huashon ahuun tsain iconcoin cununi cuscari man nicacoinmisi. Ascashu man a cuscara shara imisi man icoinra huaa futsafori noicoinmisi. Fomanonantama noinainshara finacoincahuun.

Éxodo 20:12

Maton upa yafi mato uhuari nicasharafain ato sharahuashofafaincahuun. Atohuunoari shinansharafain atohuunoa yoisharapacucahuun. Man ascaiton oinquin nan mai nocon Ifo Diosin mato inain man ano ipashquinon.

1 Timoteo 6:1

Ascan tsain futsa afanan un mia tapimanon. Nan yonomati Jesús icoinra huafoan aton ifo yonosharashofain ato nicasharacoinon. Asca huaifoan oinquicai icoinra huamafoan atohuunshon Diosqui shinanchacatirofoma. Ascashon non Jesushuunoa yosimisi cuscan shinanchacanonfoma.

2 Corintios 7:1

Uhuun yoramishtichin Upa Diosin noco nannori yoiyotiani cuscan shara. Ascashu non isharanon. Nantifi nocon chaca non shatunon. Ahuarafoan nocon caya iyamarai nocon nomuran noco chaca huamatiro nanfo non shatucoianshu nan cuscara shara non itiro. Non Upa Dios noicoianshu a cuscara shara fusti non ipainon.

Mateo 22:21

—Niaifo Cesarinnaran, —huaifoan. —Ascan Cesarinacun nan inancahuun. Ascan Diosinacun Diosiri inancahuun, —ishon ato yoiaiton.

Efesios 5:21

Cristo nicasharapaifain mafi rananri nicanonancoincahuun. Nantifi icoinra huafo ya asca huatanancahuun.

Juan 13:35

Man noinainno nantifi yorafoan tapitiro man ufu rafuaiton man uhuunshon tapishara, —Jesús noco huani.

1 Samuel 15:30

Afanan Saúl yoini, —Mun tapia un chaca hua cuscan. Ascafiacun uhuun yorafoan aton niaifo patasharinoafo non nantifi nocon yorafoan ointaifin u fu capun min Ifo Diosi cufishquin uhuunoa shinansharanonfo, —ishon Saúl yoini.

Génesis 42:18

Osha rafu non fusti finontan ato caimani. Ascashon ato yoiquin isca huani, —Un mato yoiai cuscan man ai man nitiro. Urifi un Diosiqui musui.

Génesis 22:12

—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.

Génesis 20:11

Ascashon Abraham cumani, —Un shinanquin isca huaita, “Nunoashucai tsoa Diosqui ratuima. Ahuunoacai shinanfoma. Ascan uhuun ahuin fu ipaiyaifoan ua rutushcani,” ishon un shinan.

1 Pedro 2:13

Nocon Ifoan apaiyai cuscan nantifi niaifofoan mato yonoaiton nicasharacahuun. Niaifocoin nicasharafain niaifo patasharinoafori nicasharacahuun. Nanfo Upa Diosin nichini chaca huamisifo onaintimatan a nicasharaifo aton yoisharanonfo.