1 Juan 4:8 - Sharanahua: Diospan Tsain

⁸ Upa Diosin noimisiquin. Ascan tsoan Dios noiyamaquin onancoiantaima.

1 Juan 4:8 Referans Kwoze

1 Juan 4:16

Ascan noco noicoiainton non mumisi. Natianri noco noiyaiton non icoinra huatiro. Diosin nantifihuun noimisiquin. Tsoan afu rafushon futsafori noicoinmisi. Ascarifiai Upa Diosin afu rafupacunaca.

Salmos 86:15

Ascafia mincai ato cuscarama. Minfin yorafohuun ramapaicoinquin. Min ato shara huamisi. Mincai funa sinamisima. Nantishotapiquin nocohuun noicoin. Min yoiain cuscan huamisi. Mincai noco potamisima.

1 Juan 4:7

Uhuun yoramishtichin, Upa Dioshuunshon non yorafo noitiro. Ascashu non noinanoncahuun. Tsoa Diospan facuashu afu rafui. Ascanshon futsafo noicointiro.

2 Corintios 13:11

Uhuun tsain unutaqui un mato yoisharapai. Jesús cuscara shara fusti ipaicahuun. Ua nicasharacapun. Nannorisi shinancahuun. Isharacahuun. Man ascaino Diosin matohuun noicoincain mato imasharanon. Ascashon maton ointi unimamanon matofu ishon.

Salmos 86:5

Un mia chacahua cuscan mian rauhua. Min fasi shara. Tsoan mia cufiain min fasi atohuun noiquin.

Efesios 2:4

Non nocon chaca shatuataima non Diosimaqui ifiano Upa Diosin nocohuun fasi noicoincain nocohuun ramapai. Nan Cristo afanan funimani cuscan ahuunshon nocori funimatiro non afu funi cafiscashu non afu nipanon. Non ahuara shara huaa rafanancai noco numaima non omitsiscapanonma. Diosin afin nocohuun ramapaicain noco cashman numa. Ascashon nocon chaca soashona non afu nipanon.

1 Juan 1:5

Ascan Diospan Furun yoini cuscan nicashon non mato yoi. Noco isca huani, —Farin chashainocai faquishtiroma. Nanscarifiai Diosin shara fustisi icanocai ahua chaca afu itiromaran, —ishon noco yoini.

1 Juan 3:6

Tsoan afu rafushocai chaca huafafaintiroma. Jesushuunoa tapiama. Ahuunoa onancoiantaima.

1 Juan 2:9

Ascafia ratoran yoran yoiquin, —Un Jesushuunoashu shafacafi icaran, —ifiatan yora noicasmashu aacai shafacafi icama. Atoncai Diosin tsain nicacoiantaima.

1 Juan 2:4

Futsan shinanquin isca huatiro, —Un Jesús fu rafuiran, —ifiatan yoitimacoin. Ahuun tsain nicacasmai. Nan cuscara yorafin chanimisiquin. Jesús icon yoimisi cuscan ahuun nomuran nanucoianma.

Hebreos 12:29

Ascan man man tapiari nocon Diosin nan chi urumanhuan cuscara. Ascan tsoan ahuun tsain shara cachiquiri huacoincun Diosin ato chi urumanhuan muran potashquin amurannoashu omitsiscapanonfo.

1 Juan 3:10

Ascan ratofomain Diospan facufo iyamarai Satanás ahuun yorafoquin non tapitiro. Tsoa Diosin yoia cuscan aimacai ahuun facu itiroma. Tsoan futsafo noiamacai arifi Diospan facu itiroma.