1 Juan 2:19 - Sharanahua: Diospan Tsain

¹⁹ Nan yorafoan no futan Cristohuunoa nicayofiapaonishaquin noco potafo. Ascaifoan non tapitiro no futan Cristo icoinra huacoinmisima. Noco potafo. Ascaiton non tapitiro afocai no fu Cristo yorama.

1 Juan 2:19 Referans Kwoze

Hechos 20:30

Mato muranshonri mafin ranan chipo Diosin tsain iconquin amaquiri yoitirofo aton tanamisi inonfo.

1 Corintios 11:19

Man shinanraca, —Nan man fochishmanantananquin man tapitiro ratofoanmain cayacafi shinancanicai, —ishon man shinan. ¡Ohuashta! Anorima. Man fasi amaquiricoin shinan.

Judas 1:19

Nan cuscara nocofunufoan mato pashcanan huapaimisifo. Ahuara chacafo fusti fuchipaicaquin. Ascarafo fucai Diospan Yoshin Shara icama.

Lucas 8:13

Ascan nan toquiri camaqui mai ichapama cuscan nanscarifiai yorafoan Diosin tsain nicaquin tau huai unimacoinyofiashu ahuara ahuuscaraino samamashta cachiquiri huatiro. Nanfoan Diospan tsain icoinra huaqui chai huashoma ahuara chaca finonquin samamashta Dios cachiquiri huatirofo.

Hechos 15:24

Man non nica futsafo noco anoashu mato ano foitaucashon mato yoicaquin maton nomuran fucashmana. Non ato nichiama. Mato yoia cuscan noncai ato yonoama.

2 Timoteo 2:19

Ascafia Diosin tsain iconcoin. Toquirininhuancai tsoan rafutiroma. Diospan tsain nanscarari tsoancai fiananan huatiroma. Icon yoimisi cuscan nannoricoin. Toquirininhuanqui yora cunuacai tsoan soatiroma. Nanscarifiai Diospan tsain cununi isca huaquin, —Nocon Ifoan ahuun yorafo onancoian. Ascano ahuun yoracoinfoan chaca huamisifo cuscan potatiroforan, —ishon cununi.

Hebreos 10:39

Nanscarafoan Jesús cachiquiri huacoincanashu omitsiscapanacafo muran focani. Ascan noncai ascaima. Ascatama non Jesús icoinra huacoincun noco numa non afu ipanon.

2 Timoteo 2:10

Ascashon Diospan tsain nicasharatirofo. Ascaifoan atorifi Diosin catonshquin. Ascacufin nuno cunu muranshon un tunuicain futsafoan Jesucristo icoinra huanonfo afu ipashcaquin.

Romanos 9:6

Upa Diosin noco yoisharayoni cuscan uhuun caifo Israelifoan icoinra huayamafiaifoan ahuun tsain iconcoin. Ahuun yorafo yoiyoni cuscan ashquiquin. Ahuun yorafo shara huafiainocai atirifi Israelifo Diospan yorama.

Juan 4:14

Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.

Salmos 37:28

Nan futsafo shara huamisifofin nocon Ifo Diosin atohuun noicoinquin. Nan ato yoia cusca huamisifocun ato potashquima. Ascashon ato cushupacunaca. Ascan chaca huamisifocai nocon Ifo Diosin aton cushuima. Nanfofin aton facufoya cuyoshquicaniquin.

Judas 1:1

Uhuun yoramishtichin unquian Judas un mato cunu fomai. Unfin Jesucristo ahuun yonomatiquin. Un Santiago ahuun ushto. Nocon Upa Diosin matohuun noiquin mato catonni. Ascan nocon Ifo Jesucristo mato cushufafaini.

2 Timoteo 3:9

Nan Janes futan Jambres ato amaquiri chaca yosipaiyaifoan tapinifo. Nanscarifi aquin nan chaca huamisifoan ato parapaiyaifoannori tapishquicani. Ascashon tapitirofo nanfoan afi ipaitsicoin shinanmisifocun. Ascacun, —Ahua tapiafomaran, —ishon atohuunoa yoishquicani.

Juan 15:2

Manfin uva ahuun poyan futsan cuscarafoquin. Rato poya futsanmain fimiomafoquin Uhuun Upa nanfo poshtushon potashquin. Ascafia poyan futsa fimiafo aton tushpa futsafo chacamishti poshtutiro poyan sharafo mutininon fimi sharashquin.

2 Juan 1:7

Ascan tsain futsari mato yoi. Fuparapaimitsamisi manifoannati pashcanain futsucani, —Jesucristo nan Diospan Furun apa ariashu mai ano oni nocofunucoin ishquin, —ishoncai yoipaicanima. Ascarafoan mato fuparapaimisifo Cristo noicasmafain icafo.