1 Juan 2:17 - Sharanahua: Diospan Tsain

¹⁷ Ascafia ahuara chacafo cuyoi futsui. Ahuara chacafo yorafoan fuchipaiyaifo cuscari nanfori cuyoi futsui. Asca Diosin noco amapaiyai cuscashu nanfo Upa Dios fu ipashquicani.

1 Juan 2:17 Referans Kwoze

Mateo 24:35

Ascaino nai yafi mai cuyoshquin. Uhuun tsain cayacafi iconcoin fiananancai apanacama. Un mato yoiai cuscacoin aashquin.

Romanos 12:2

Ahuarafoan Upa Diosimaqui mato imapaiyaifo cuscan atama shinan futsancahuun Diosin mato imapaiyai cuscan aashquin. Man shinanpaoni cuscan afanan shinanyamacahuun. Natian Diosin maton nomuran shinan futsama sharapaiyai cuscan shinancahuun. Man ascaquin man tapitiro Upa Diosin mato imapaiyai cuscan sharacoin. Mato imapaiyai cuscan man aino matoqui unimacointiro. Ahua futsacai man yopatiroma.

1 Corintios 7:31

Nocon Ifo Jesús otichaima. Ascacun nuno mai anoshon yonosharafafaincahuun man yopai cuscan fiishcaquin. Ascashon mafo fustisi shinancaquima. Nocon Ifocairocon finonmafain shinancahuun. Nantifi mai anoafo icai cuscan cuyoshquin. Nanscacufin Jesús shinanquin non finatiroquin noco yonopaiyai cuscan ashquin.

1 Pedro 4:2

Anori shinanquicai man afanan chaca shinainma Upa Diosin mato amapaiyai cuscan fustisi man huapaitiro.

Hebreos 10:36

Ascan Diospan tsain cununi isca huaquin, “Jesús oti chaima. Matoqui samamashta nocoshquin. Nantonfin afin tapiaquin ahuutianmain nocoqui ooshquicain. Ascashu oicai ichaipacushquima,” ishon cununi. Ascacun man Jesús tanasharai cuscan omitsiscafiaqui tunucahuun. Unupaiyamacahuun Diosin mato amapaiyai cuscan ashon nan mato yoiyotiani cuscan man fiishquin.

Marcos 3:35

Uhuun Upa Diosin ato amapaiyai cuscan afofin uhuun ushtofo cuscara non uhuun chicofo cuscarafo non uhuun uhua cuscarafoquin, —ishon Jesús ato yoini.

1 Pedro 1:5

Ascan non icoinra huacun Upa Diosin ahuun curushhuunshon noco cushusharafafaini Jesús oaitian. Nantianri noco imashquiai cuscan nantifi noco inanshquin ahuashtacai non funoshquima.

1 Tesalonicenses 4:3

Ascano noco Upa Diosin mato a cuscara shara imapaia man maton ahuinma fu iyamacain ainfofori aton funuma fu inonfoma. Ascan man ascaino nan Jesús icoinra huayamafain Dios onanmisimafoan chaca huamisifo cuscacai huatamarocon nan Diosin yononi cuscan maton ahuin fusti fu man isharatiro.

Juan 4:14

Ascafia tsoan na unu un ato ayamacai afanan nomipacunacama. Iconcoin na unu un inanquin a muran unu tsosi shara fuchoi cafiscai. Ayashu nan unuhuunoashu ipasharacointiro, —huaiton.

Mateo 7:21

Ascano atirifiton ua Ifo huafiashucai uhuun Upa Diosin ato amapaiyai cuscan amisifoma. Nan cuscarafo Upa icari nocotirofoma. Nan uhuun Upa nai ari icaton afi ato amapaiyai cuscan huamisifo nanfo fusti uhuun Upa ari nocotirofo afu nipashcaquin.

Santiago 4:14

Ascafiashocai man tapiama funamanrimain ahuuscataniquin. Nan man cainitian yafi man naitian nishfo cuscara. Man oinfiaino samamashta yamafoaintiro. Nanscarifiai mancai chai nipatiroma.

Juan 6:58

Afanan un mato yoi. Nocon shunifoan nan tushu ahuun anu manán piinifo. Nan pifiapaonishacaquin nai cuyonifo. Ascan Upa Dios ariashu un matoqui oni. Unfin ahuun tushucoinquin. Tsoan ua piashucai nanacama. Uhuunoashu nipasharatiroquin, —ishon Jesús ato yoini.

Mateo 21:31

¿Ascan rato ahuun facu rafu nan apa yoia cuscacoin animun? —ishon Jesús ato yocaiton. —Nan iyoaran, —ishon cumaifoan. Afanan ato yoini, —Un mato icon yoi. Nan yora chacafo niaifo pui fishomisifo yafi ainfo furomafoanri ua icoinra huacanashu nanfo Diosin nantifi iquinai ano iqui tautirofo. Ascan mancai ari iquitiroma.

1 Tesalonicenses 5:18

Ahuara ahuuscarafiaino yoiquin isca huacahuun, —¡Aicho! Upa Diosin, min ufu icacainiran, —ishon yoicahuun. Manfin Cristo Jesús icoinra huamisiquin. Ascan Upa Diosin nannori mato shinanmapai. Man asca huaiton Diosin fuchipai.

Colosenses 4:12

Epafras matofu iyopaoniton arifi mato yoisharapai. Nanrifi nocon ifo Jesucristo ahuun oinmati. Ascashon nanton mato Upa Dios cufishoqui isca huafafaini, —Upa Diosin min ato amapaiyai cuscan nantifi ato amahuu ahua futsa shinanonfoma. Ascashu min Furun Jesús ointi cuscara shara inonfo, —ishon nannori un mato Upa Dios cufishoquin huafafaini.

Colosenses 1:9

Ascacufin nan un matohuunoa nicaquin tau huaitian natianri un mato Upa Dios cufishoquicai unumisima. Ascacun un mato cufishoquin isca huafafaini, —¡Aicho! Upan Diosin, Colosas anoafo min Yoshin Sharahuunshon min ato tapimapaiyai cuscan huafain ato tapimahuu. Min ato tapimanai cuscan aton nomuranshon tapicoinfain mia tanasharanonfo, —ishon un mato cufishomisi.

Juan 7:17

Tsoan Diosin yoia cuscan apaiquin afi tapitiroquin ufi shinain cuscan un mato yosi iyamarai Upa Diosin afi ua shinanmanaino un mato yosia.