1 Corintios 8:2 - Sharanahua: Diospan Tsain

² Ascan tsoan shinanquin isca huai, —Unfi ahuamamishti tapisharaquin, —ishon anori yoifiaquicai atirifi ahua tapiataima.

1 Corintios 8:2 Referans Kwoze

1 Corintios 13:12

Fuisiti matacoiannocai nocon fuso cuscaracoin non ointiroma. Nanscarifiai natian Jesús icai cuscacoincai non onancoiantaima. Chipo aqui nocoshon ahuun fusocoin non oincointiro. Nantiantari aficoinmain ua onancoiaintofin urifi un onancoinyaino.

1 Corintios 3:18

Mafiri paramuyamacahuun. Icoinra huamafoan ahuara tapiafo cuscaraca marifi man tapishara. Anori shinanyamacahuun. Icoinra huamafoan shinanqui isca huafo, —Nan Jesús icoinra huafoan fasi amaquiri shinanfo. Fasi nison cuscaracoinforan, —ishon nocohuunoa yoimisifo. Matohuunoa anori shinanfiaifoanno Diosin mato cayacafi shinansharamapaiyai cuscan man shinantiro.

Gálatas 6:3

Ascano futsan yoiquin —Unfin fasi sharaquin. Uncai tsoa futsa yopaima ua Dios cufishonon, —ishon shinain. Nan cuscara yoracai ahuama. Afiri paramui.

Romanos 11:25

Uhuun yoramishtichin, tsain futsanhuunoa man shinanmisima un mato tapimai maton nomuran man shinanon. Nan tapianshu cacapaimisi man inonma. Icon natian uhuun caifo Israelifoan aton ointi curushu Diospan tsain shara Jesushuunoa nicacasmacani. Ascafia uhuun caifomafoan ahuun unutaqui Jesús icoinra huaifoan Upa Diosin ahuun yora imashquin. Nantianricai afanan uhuun caifoan nicacasmamisi ishcanima. Ascano nantifi Israelifoan Jesús icoinra huaifoan Upa Diosin ato numai ahuun yorafo inonfo. Nannori nocon shuni Isaías cununi isca huaquin, “Nocon Numamisi Sión ano icaquin. Afin Israelifo numai oi afanan chaca huanonfoma.