1 Corintios 7:39 - Sharanahua: Diospan Tsain

³⁹ Ascatan tsain futsari un mato yoi. Ahuun funu naamanocaiyainfoan funu unutiroma futsa fu fiananshquin. Ascashu funu naano futsa fu fuchinanpai afu fianantiro. Ascafiacun ainfoan Jesús Ifo huashon nocofunun a Ifo huacuma fitiroma.

1 Corintios 7:39 Referans Kwoze

1 Corintios 7:10

Ascan natian un funuyafohuunoa yafi ahuinyafori un mato yoisharapai. Ufi un mato yonoima. Nocon Ifohuunshon un mato yonoi isca huaquin, —Ainfoancai funu unutiroma. Fununricai ahuin unutiroma. Ascashon funun unuano afanan futsa fu fianantiroma. Afanan funucoin aqui nasoano shara itiroran, —ishon un mato yoi.

1 Corintios 7:15

Ascashon nocofunun Jesús icoinra huayamacun ahuinin icoinra huashon unupaicoinquin unutiro. Capaicoinyaiton ato nitu huayamacahuun. Catanon. Man nitu huaino fucashni tapitiroquin. Nanscarifiaiyainfoan Jesús icoinra huayamacun funun icoinra huashon unupaicoinquin unutiro. Capaicoiainton nitu huayamacahuun. Catanon. Man nitu huaino fucashni tapitiro. Diosin noco catonni nocon nomuran ahuashtaton fucash huatamarocon nocon ointi noco imasharacointiro.

1 Corintios 7:38

Ascan nan ainfo tsoacai afu iyomisima nan nocofunu finquin shara huaa. Asca aquin nan ainfo fucai tsoa afu iyomisima nocofunu fiananyamafi nanscaquirocofin fasi shara huaquin ahuun Ifo Jesús yonoshoquin finacointiro.