1 Corintios 6:17 - Sharanahua: Diospan Tsain

¹⁷ Ascafiatan tsoan nocon Ifo fu rafuaino nan rafu fusti cuscara itiro. Diosin Yoshin Shara ahuun shinanpan ahuun nomuran nanumashquin.

1 Corintios 6:17 Referans Kwoze

Gálatas 2:20

Nocon Ifo Cristo ihui coyan iquinanqui mastafoanno nani cuscan urifi un afu naa cuscaracoin ini. Ascacucai natian un ipaoni cuscan un afanan aima. Un Jesús icoinra huataima un ipaoni cuscacai un afanan aima. Cristo Diospan Furunmun ua noicoin afin ipaiyai cuscan ua nashoni. Ascacun un icoinra huaino natian Cristo unfu rafucacaini a cuscara ua imashquin.

1 Corintios 12:13

Cristo fustifiano nonfin nantifi ahuun caya cuscarafoquin. Atirifi non Israelifo non mani futsafori non nocofunufoan aton oinmatifo non atirifi nocofunufoan tsoa aton ifoma icaino. Nan non Cristo icoinra huafoti Diosin Yoshin Sharapan nocon ointi noco fianananhuano Cristo ahuun yorafo non itiroquin. Non ahuun caya cuscara. Ascafia Diosin Yoshin Sharahuunshon nan icoinra huafoti ahuun cayacoin cuscara noco ima.

Juan 3:6

Futsafin futsa cainmatiroquin ahuunfin canon. Nanscarifi aquin Diospan Yoshin Shara fustiton nocon cainma futsatiroquin. Norifi non ahuufin canon.

Efesios 5:30

Ascan nonfin ahuun yoraquin. Upan Diosin Furun cushua cuscan huafain nocorifi Furunmun cushusharamisi.

Filipenses 2:5

Ascashon nocon Ifon Jesucristo shinain cuscan marifi nannori shinancahuun.

Romanos 8:9

Ascafia mancai aton cuscarama. Chaca afanan maton ifoma. Diosin ahuun Yoshin Sharafin mato fuqui. Nantofin mato yonomisiquin. Ointiaquimayamacahuun. Tsoan Jesús ahuun Yoshin Shara fu iyamaino ahuun yora itiroma.

1 Corintios 6:15

¿Man tapiamamun non Cristo icoinra huashu non ahuun yoracoin? Non Jesús ahuun yora mumacoin cuscara. Ascano non ainfo furoma chotashu Cristocai afin aca shinantsan non huamatiro. Asca huapayamacahuun.