1 Corintios 3:17 - Sharanahua: Diospan Tsain

¹⁷ Diosin icanocai ahua chaca itiroma. Mato fu ipashquin Diosin mato catonni ahuun yorafo man inon. Nan icoinra huafoti ato imasharai. Ascan futsan ato amaquiri yoiaiton Diosin copiqui ato onaintimashqui.

1 Corintios 3:17 Referans Kwoze

Éxodo 3:5

—Nanno nitunhuun. Afanan nii cuyamamishti shocoa chaimashta oyamahuu. Unfin nunoquin. Mincai ua cuscara sharama. Ascacun min sapato pucahuu un mia yoinon.

Génesis 28:17

Fasi ratucoinni. —Nuno fasi sharacoin. Diosin icanocai ahuara chaca itiroma. Nuno Upa Diosin ahuun pushu cuscaran. Nunoashu nocon Ifo Diosi icano non nocotiroran, —ishon yoini.

1 Corintios 3:16

¿Asca man tapiamamun man Diosin pushu cuscaracoin? Ahuun Yoshin Shara matofu ica.

1 Corintios 3:18

Mafiri paramuyamacahuun. Icoinra huamafoan ahuara tapiafo cuscaraca marifi man tapishara. Anori shinanyamacahuun. Icoinra huamafoan shinanqui isca huafo, —Nan Jesús icoinra huafoan fasi amaquiri shinanfo. Fasi nison cuscaracoinforan, —ishon nocohuunoa yoimisifo. Matohuunoa anori shinanfiaifoanno Diosin mato cayacafi shinansharamapaiyai cuscan man shinantiro.