1 Corintios 14:1 - Sharanahua: Diospan Tsain

¹ Ascan Diosin noco noiai cuscan huafairi futsafohuun noifafaincahuun. Nancairocon fuchipaicahuun ascashcaquin. Ascashon Diosin Yoshin Sharapan futsa futsa huaquin mato yonopaiyai cuscan nanfori fuchipaicahuun. Diospan Yoshin Sharahuunshon nan Diosin yoia cuscan fasi fuchipaicahuun icoinra huaa futsafo yoishcaquin.

1 Corintios 14:1 Referans Kwoze

1 Corintios 14:39

Ascacufin, uhuun yoramishtichin man ichanain anoshon Diosin tsain ato yoipaicahuun. Nan fasi shara. Ascafia futsan tsain futsaman Diospan Yoshin Sharahuunshon mato yoipaiyaiton shatumayamacahuun.

Hebreos 12:14

Ascacun fochishmanantananpaitamarocon nantifi yorafo fu isharapaifafaincahuun. Ascatari Jesús cuscara shara ipaifafaincahuun. Ascan tsoa Jesús cuscara shara iyamaino nantocai nocon Ifo oinnacama.

1 Timoteo 4:14

Ichananfo ato cushumisifoan mia manmanshon cufishonaifono nantianri Diosin mia amapaiyai cuscan mia ashoni min icoinra huaa futsafo tapimasharafain min ato cushusharanon. Ascan Upa Diosin mia cashman tapimani cuscan huafain futsafori shara huashofafainquin shatuyamahuu.

1 Corintios 16:14

Ahuarafo man acai cuscan nanfohuun noiquin ashosharacahuun.

1 Corintios 12:1

Uhuun yoramishtichin natian ahuara futsa un afanan mato yoisharapai. Nan non ahuarafo Diosin Yoshin Sharahuunshon non atirohuunoa un mato tapimai. Nanfohuunoa iconcoin man tapinon.

1 Corintios 13:13

Ascashon non Dios icoinra huai cuscacai cuyopacunacama. A icoinra huashucai non amaqui ipanacama. Nanricai cuyopacunacama. Nan rafu sharacoinfia Dioshuunshon non futsafo noicoiainno nancaifin shara finacaiaquin. Nanricai cuyopacunacama.

1 Tesalonicenses 5:20

Futsafoan Dioshuunshon mato yoiaiton, —Nanton yoiai cuscacai ahuamaran, —ishon shinanyamacahuun.

1 Timoteo 6:11

Ascafia Timoteon Upa Diosin mia catonni min ahuun yora inon. Ascacufin nanfoan pui fusti yafi chaca fustisi shinanfo cuscan shinanyamahuu ato cuscara ishquima. Ascatamarocon Upa Diosin mia imasharapaiyai cuscan nan fusti fuchipaihuu. Ascashu Jesús cuscara shara ipaicain a icoinra huafain Dios yafi futsafori noicoinhuun. Ascashon ahuara ahuuscarafiaino Jesús icoinra huashon min tunutiro. Ascatan nantifi yorafohuun ramapaihuu.

1 Corintios 14:37

Ratoranfo man futsan yoiquin man isca huatiro, —Non Diospan tsain yoimisi ascayamarai non Diospan Yoshin Sharahuunshon icoinra huaafo non ahuara ashotiroran, —man icun. Nanscarifi aquin man tapitiro nan nafo un mato cunushonai cuscan nocon Ifoan mato yonoi.

1 Timoteo 5:10

Ascan funuoma isharamisi futsafoan ahuunoa isca huaquin yoitiro, —Nan ainfo funuomaton futsafo shara huafafainiran, —ishon ahuunoa yoifain ahuun facufo tapimasharamisiran huafain futsafo ahuun pushu ano nococun ato shara huamisi icain Jesús icoinra huafo shara huafain futsafoan ahuara chaca finoan atori shara huamisi icain futsafo ato shara huamisicain ascara funuomafo ichananfoan ato cushusharatiro.

Efesios 1:3

Non Cristo ahuun yoracun Upa Dios icarishon a cuscara shara noco imano ahuun ahuara sharafoti nocori inanshquin. Ascano nocon Ifo Jesucristo Apa Dios non yoinon, —Upa Diosin min fasi sharacoin. Non mia aicho huairan, —ishon non yoinon.

1 Corintios 12:31

Ascacun Diosin mato imapaiyai cuscan huafain nan icoinra huaa futsafo man shara huafafainon. Diosin Yoshin Sharapan noco amapaiyai cuscan nanfo fuchipaicahuun. Ascan nanfo sharafia un ahuara fasi shara finacaia natian un mato yoinon. Ua nicasharacahuun fasi shara finacaia Diosin noco imapaiyai cuscan huafain un mato tapimanon.

3 Juan 1:11

Uhuun yorashtan, Diótrefes chaca huamisi cuscan ahuun caotamarocon ahuara shara fustisi min huapaitiro. Tsoan shara huamisi nan Diospan yora. Ascan tsoan chaca huamisi Diosquiri shinanmisima.

2 Pedro 1:7

Ascatari nantifi yorafo shara huafain ato oi tsii huashon ato noifafaincahuun.

Romanos 12:6

Upa Diosin nocohuun noiqui cashman noco imapaiyai cuscan non ahuunshon futsafo ashosharatiro. Noco imapaiyai cuscacai non ascarafosima. Upa Diosin man atirifi catoan ahuun shinanhuunshon icoinra huaa futsafori ahuun tsain yoinon. Mato catoncun man icoinra huashon mato yoia cuscan futsafori ahuun tsain yoicahuun.

2 Timoteo 2:22

Ascan pushcofoan chaca huapaimisi cuscan mirifi asca huayamahuu. Nan chacafo huaifoan oin atomaquinoashu ichoriscatahuun chaca huashquima. Chaca huapaiquimarocon iscarafo fuchipaihuu. Jesús cuscara shara ipaiquin nan icoinra huafain futsafo noicoinfain isharacoinhuun. Futsaforifi Jesús aton chaca soashona aton nomuranshon shinansharaifoan Diosin tanasharapaiyaifo. Nanscarafo fu rafuhuun.

Romanos 9:30

¿Ascano afohuunoa non raquiri yoitiromun? Nan Israelifoanmacai aton chaca shatucasmamisima Upa Diosin icoinra huashquin aton chaca soashonon. Ascafia natian atirifoan Jesús icoinra huaifoan Upa Diosin aton chaca soashona a cuscara shara inonfo.

Romanos 14:19

Ascacun icoinra huaa futsafo ya icoinsharacahuun. Jesushuunoa shinanmatanancahuun a cuscara shara iishcaquin.

1 Samuel 10:5

Nan min ato anoashu cai min nan Diosi ahuun mai Gabaa ano min nocoshquin. Nanno Filisteofoan aton ranushumuafoan cushumisi ano. Min nocoaiton Diosin tsain yoimisifo nantian miqui nocoshcaniquin. Machi mamaquinoashu aton manutifo manuyanan fotoshcani. Nan manutifo ahuu anufo futsan salterio manufain panderofo manufain shaintifo manufain arpafo nan guitarra cuscaran manucani. Diospan tsain yoifocani.

1 Corintios 13:2

Diosin futsafo yoipaiyai cuscan un tapicoinshon yorafoan ahuara tapipaifiaquicai tsoan tapiamaifoan un tapishon un fasi Dios icoinra huaquin finacoian un na machi shucucaitahuun un huaino shucucaitiro un asca huafiashocai un futsafo noiyamainocai nancai uhuuna ahuama.

1 Corintios 14:22

Ascashon tsainmansicai a icoinra huaafo non ato yoima Diosin ahuamamishti huatiro cuscan tapinonfo. Ascatamarocon icoinra huamafo non ato yoitiro Diosin ahuamamishti huatiro cuscan huafain tapinonfo. Ascatan ichanancashon futsan aton tsainman Diosin tsain yoiaino nanfin man icoinra huafoansi Diospan Yoshin Sharahuunshon nicasharatirofoquin. Ascan nan icoinra huamafoancai tsoan nicasharataicanima.