1 Corintios 11:10 - Sharanahua: Diospan Tsain

¹⁰ Ascacun nocofunufoan ainfo iquintiro. Ainfofoanri aton funu nicacointirofo. Ascashu icoinra huafo ichanainno ainfoan ahuun maiti nutatiro ahuun funu nicacoinshon ismashquin. Man asca huaiton Diosin oinmati afu nai muran icafoan oinquin yoitiro isca huaquin, —Diosin yononi cuscan nan na ainfoan ahuun funu nicashara. Nanfin sharacoinquin, —ishon yoitirofo.

1 Corintios 11:10 Referans Kwoze

Hebreos 1:14

Ascano Upa Diosin nan ahuun oinmati afu nai muran icafo yononi noco cushusharanonfo. Ratoranfoan Jesús ifoancanashu afu ipatirofo. Diosin yononi nanfo ahuun oinmati afu nai muran icafoan ato cushusharanonfo.

Mateo 18:10

Facufohuunoa isca huaqui shinanyamacahuun, “Na facucai ahuamaran,” ishon atohuunoa shinanyamacahuun. Un mato cayacafi yoi Upa Diosin ahuun oinmatifoan facufo cushusharafafainmisifo. Nan oinmatifori Upa Dios fu ifafaincani.

Génesis 20:16

Ascashon Abimelec Sara yoini isca huaquin, —Un min ochi pui ichapa inain. Ascan nantifiton tapitiro mincai ahua chaca huama. Tapitirofo nocofunu futsan mi fu icama, —ishon yoini.

1 Corintios 11:11

Ascashon Diosin noco onihuani ainfofo yafi nocofunufo yopanonanonfo.