1 Corintios 10:20 - Sharanahua: Diospan Tsain

²⁰ Ma. Anorima. Jesús icoinra huamafoan Diosicoin inantamarocon ahuara futsa ramihuacashon tushu inanpaicaquifin yoshin chaca inanpaicaniquin. Nanscacucai un mato yoshin chaca ya imapaima.

1 Corintios 10:20 Referans Kwoze

Apocalipsis 9:20

Atirificai afohuunoashu nayamafiacani aton chaca shatuafoma Upa Dios tanashcaquin. Ascatamarocon yoshin chacafo tanamisifo cuscan shatuyamafain oro iyamarai cuno oshopa sharashta non cuno futsan ahuun anu bronce non toquiri non ihuirifi ramihuafo. Ascafia nanfoancai ahua oinyamafain nicatirofoma raquiri cahuascatirofoma, —Naan nocon Dios. Non ahuun noiran, —ishon yoimisifo cuscan shatuafoma.

2 Corintios 4:4

Nanfofin yoshin chaca Satanás aton ifoshofin ato yonomisiquin. Ascashon aton nomuran fufopomua cuscara ato huamano tsain shara Jesushuunoa tapinonfoma. Jesús ato oinmapai arifi Apa Dios cuscaracoin icoinra huanonfo. Nan tsain fasi shara iconcoinfiacun Satanás ato fusho cuscara huama aton nomuranshonri icoinra huanonfoma.

Mateo 4:9

Ascashon yoini, —Oinpon Mian ratoconun mai chachishon ua yoiquin, “Minfin uhuun Ifoquin,” mian huaitofin nan na maitio un mia inantiroquin, —ishon yoiaiton.

Gálatas 4:8

Man iscapaoni Diosicoin tapiyoashuma. Ahuarafo diosicoinmafiacun nanfoan aton yonomati man ipaoni.

Apocalipsis 2:14

“Nanscara shara. Ascafia ahuara fustirasi man chaca huamisi cuscan un mato yoi man afanan asca huanonma. Shinancapon. Ahuuscashomain Israelifo non chaca huamatiroquin ishon niaifo Balac nan nocofunu Balaam yocani. Ascaiton Balaam nan yosini. Ascacun nan Balac Israelifo chaca huamani aton ahuinma chotamafain ainfofori aton funumafoya ato imani. Ascashon nan ua icoinra huamafoan ahuara futsafo rami huacashon nocon Diosiran ishon tushu inanmisifo. Nan tushu Israelifo atofu ichanancashon nan piinifo. Nanscarifiaquin matofu ichananmisi atirifi nan Balaam chaca yosini cuscan nanfoanri natian nansca huacani.

Apocalipsis 2:20

“Ascashon man ato shara huamisi. Ascafia ahuara futsan man chaca huamisi cuscan un mato yoi man afanan asca huanonma. Nan ainfon Jezabel ipaoni cuscara matofu ichananmisiton yoimisi isca huaquin, ‘Unfi Diosin tsain mato yoitiroquin,’ ishon mato yoifiamisi nantocai uhuun tsaincoin yoimisima. Aafin chanimisi. Ascashu nan ainfo fasi chacacoin. Mato amaquiri yosimisi. Ascafiaitocai ahuun tsain man shatumamisima. Ascashon ua yonoshomisifo paramisi aton ahuinma chotanonfo. Nanscarifi huaquin ainfofo aton funuma chotamamisi. Ascashon mato yoimisi isca huaquin, ‘Ahuara futsa non rami huanon nocon dios inon. Nan non tushu inanon. Ascano marifi man atofu ichananshon nan tushu man pitiroran,’ ishon nan ainfoan mato chaca yoimisi.