1 Corintios 10:13 - Sharanahua: Diospan Tsain

¹³ Satanás mato chaca huamapaiyai cuscacai marus fusti man mumisima. Man muai cuscari nantifi icoinra huafoan man mumisi. Ascafiacun Diosin mato yoimisi cuscan man icoinra huatiro. Matori cushusharatiro man chaca huanonma. Satanás mato chaca huamapaiyai cuscan Dioshuunshon mato atima huatiro man chaca huanonma. Ascashori Diosin mato tapimai ahuuscashomain man chaca huanonma.

1 Corintios 10:13 Referans Kwoze

2 Pedro 2:9

Nanscarifi aqui nocon Ifoan ahuun yora sharafotisi numatiro ahuarafoan noco chaca huamapaifafainnai cuscan non anonma. Ascashon nan chaca huamisifori ato onaintimashqui ahuun unutaqui ato omitsiscapanacafo muran potashquin afanan ariashu funonfoma.

2 Timoteo 4:18

Nanscarifi aquin ua chaca huafiaifoan nocon Ifoan nantishotapiquin ua cushusharashquin. Ascashon ahuun unutaqui a icano ua iyoshquin ahuun yorafo fu un isharapacunon. Non ahuunoa yoisharapacunon. Nanscari inon.

2 Tesalonicenses 3:3

Ascafia nocon Ifo no fu icacaini. Ascashon nocon yoimisi cuscan noco huashoshquin. Nan yoshin chaca Satanás noco omitsiscamapaifiaiton nocon Ifoan noco mutsismafain noco cushusharafafaini.

Hebreos 12:4

Curushcain maton nomuranshon man chaca shinanquin man potapaifafainmisi ointiaquimashon chaca huashquinma. Man asca huafafainaino Jesucristo nocohuunoashu naani noco chaca soashoshquin. Ascan mancai ascamisima. Ascatamarocon shafatifi curushcain man chaca shatufiashucai Jesús ini cuscan tsoa nataima.

1 Tesalonicenses 5:24

Diosin mato catonni man icoinra huanon. Diosin noco ahuara yoiai cuscacai noco paratiroma. Noco ashoshquin.

Lucas 22:46

Atoqui nocoshon oian oshafoan ato yoini, —Ahuuscain Upa cufitama man oshariai. Ascaquima Upa cuficahuun yoshin chacapan mato chaca huamapaiyai cuscan huashcaquima. Ua potashquimari cuficahuun, —ato huani.

Daniel 3:17

Noco chii urumanhuan muran potacun nocon Diosin nan non ashomisi cuscan noco numatiro. Niaifon, min niaifofiacun min noco asca huapaiyai cuscan nocon Diosin noco numashquin.

2 Corintios 1:10

Ascashu non fasi omitsiscai nacuafiaiton Upa Diosin noco numani. Afananri noco numashqui. Man non icoinra huacun noco numafafainshquin. Noco nansca huaino icoinra huaa futsafoan nocohuunoa shinanquin isca huashcani, —¡Aicho! Upa Diosin, min Pablo yafi afu rafumisifo min nica ato numashqui. Min fasi sharacoinran, —ishon ichapafoan Upa Dios cufishcani.

Apocalipsis 3:10

Ascano omitsiscafiai un mato yonoa cuscan funaquima man tunucoinmisi. Uhuun tsain nicafain ua tanasharashori man ua cachiquiri huamisima. Ascacun chipo nantifi yorafo manifoti anoashu fasi omitsiscaifotian ratofomain Diospan ahuun yoracoinfoquin tapishcani. Ascashu nantifi icoinra huamafo omitsiscaitian un mato cushusharashquin nanfo omitsiscai cuscan man omitsiscanonma.

Apocalipsis 2:10

“Ascano inon pacoai cuscan un mato yoiyonon. Satanás atirifi mato cunu muran iquimashquin manmain ua cachiquiri huamainquin tapipai. Ascacun ahuutiaran man omitsiscashquiain cuscan ratuyamacahuun. Ua cachiquiri huatamarocon isca huaquin shinancahuun, ‘Ua rutufiaifoannocai un ratuima. Ua chaca huafiainfoanri un tunucointiro. Uncai uhuun Ifo potapacunacama. Ascacun uhuun Ifo un tanaqui finacoinfafaini,’ ascashu man naiton un mato nimapacunaca man ufu ipanon.

1 Pedro 4:19

Ascacun Diosin mato yonoai cuscan omitsiscafiacaquin shinanchacayamacahuun. Nanton mato onihuaniquin. Ascacun nan yoiquin isca huacahuun, —Upan Diosin min ua amapaiyai cuscan shara fustisi un huapai. Mirus fustifin min ua yonotiroquin, —ishon Dios yoicahuun. Ascashu isharafafaincahuun. Nantofin mato yoimisi cuscacoin huamisiquin.

1 Juan 1:9

Ascatamarocon nocon chaca non yoiaiton Upa Diosin yoini cuscan noco rau huatiro. Non chaca huamisi cuscan afanan Upa Diosin shinantiroma Furumun noco nashoni nocon chaca soashoshquin. Upa Diosin sharacoinshon noco yoini cuscan nanscacoin huai. Nantifi nocon chaca noco soashotiro non chaca huamisima cuscara non inon.

1 Corintios 1:9

Upa Diosin mato catonni Furun nocon Ifo Jesucristo fu man rafunon. Upan noco yoia cuscan man aicain.

Hebreos 11:11

Diosin Abraham yoini isca huaquin, —Min ahuin Sarapan chipo furonanfacu nanushquin. Ahuunoashu min funafo ichaparasi iishquiran, —ishon yoini. Nannori yoifiano Abraham anifoshta ahuin yoshafoshta toosma ini. Ascacun Abraham ahuun nomuran shinanquin isca huani, —Upa Diosin ua yoiyoni cuscan ua ashoshquin. Nantonfin nan yoia cuscacoin huamisi, —ishon Abraham Dios icoinra huani. Ascashu ahuin Sarapan facu caianno Abraham facuya ini.

Hebreos 10:23

Ascan non yoiquin isca huamisi, —Jesús uhuun Ifo. Upa Diosin noco yoiyotiani cuscan noco ashoshquiran, —ishon non yoimisi. Nan iconcoin. Ascacun ahua futsa shinanyamacahuun. Nan fustirocon shinanfafaicahuun.

Lucas 11:4

Nan noco chaca huaifoan non ato rau huaa cuscan huafain nocon chacafori noco rau huashohuun, Upan. Satanás yoshin chacapan noco chaca huamapaifiaiton nocoqui cumatima huahuu. Nansca huaquiquian,” ishon Jesús ato yosini.

Hebreos 6:18

Diosin nocon icoinra huamapaiquin nannoricoin noco yoiyoni. Ascacun non tapitiro nan shinain cuscan Diosin nannoricoin noco yoiaiton. Man non tapia Diosincai chanitiroma. Noco yoiyoni Furun nocoqui nichishquin noco numanon. Ascacun non icoinra huatiro nan yoiyotiani cuscan Furunmun noco numano non afu ipanon.

Salmos 124:7

Puiya trampa muran iquiashu caicaintiro cuscan norifi non samamashta carisca noco noicasmamisifoan noco ahuusca huanonma. Nan trampa cuscaran chacanaino non ichoa.

Éxodo 3:17

Nan min shunifo inonpacoai cusca un yoiyoni nan omitsiscaifotian un mato Egipcio mai anoshon mai futsa yora futsafo nanno icafo ari un ato iyoi cairan huani. Nan maifin Cananeofo non Hititafo non Amorreofo non Ferezeofo non Heveofo non Jebuseofo nan mai ano icafo. Nanno mai fasi sharacoin. Nanno yonofo foaisharacain tushu sharacoin futsa futsatapafo icain fona ichapa fata sharaforan,’ ” ishon yoini.

Apocalipsis 19:11

Ascatan uhuun namapan ointsa ua oinmana cuscan afanan un mato tapimai man tapinon. Upa Diosin nai muran icanoa un oian. Fupoti fupumua pushu muran non ointiro. Nanscara Upa Diosin icari un cayacafi oian. Nanno caballo oshopa un oian. Nan caballo camaqui tsaoaton ahuun anu ichapa. Ahuun anu rafuhuunoa mato yoinon. Yoia cuscan acoinmisi. Ascan ahuun anu futsan Iconmisi. Nanton iconcoin yora chacafo onaintimai. Nan Diosin tsain nicacasmamisifo ato potashquin omitsiscapanacafo muran.

Lucas 16:26

Mia ari capaifiaicai non ahuuscashu catiroma. Mirificai min ahuuscashu nuno nocoqui otiroma. Manhuanhuan rafutan noco naquihua. Tsoan finontiromaran,” ishon Abraham yoiaiton.

Hechos 27:44

Atirifiri ihui sapafo yatacanashu maiqui nocotacahuun. Ahuara futsafo shasho muran nonotiro nonofaifafaincahuun mai ano nocosharashcaquin, —ishon ato yononi. Ato yonoa cuscan nanscasi anifo. Nantifi cusumun nocosharai futsunifo.

Mateo 6:13

Satanás yoshin chacapan noco chaca huamapaifiaiton nocoqui cumatima huahuu. Nansca huaquin,” ishon cuficahuun ato huani.