1 Corintios 10:10 - Sharanahua: Diospan Tsain

¹⁰ Ascashon nanfoanri tsain chipuriaifoan Diosin nai oinmatinin atirifi ato namani. Ascacun oinfain marifi tsain chipuyamacahuun matori onaintimanonma.

1 Corintios 10:10 Referans Kwoze

Números 16:41

Nansca huafiacatan iyoconaino afanan Israelifoan Moisés yafi Aarónqui tsain chaca huanifo isca huaquin, —Nan man rafutafin Ifo Diospan ahuun yorafo rutuaquin, —ishon yoinifo.

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Filipenses 2:14

Ascacun Diosin mato amapaiyai cuscan fusti huacahuun. Nantifi man acai cuscan huaquin tsain chipufain fochishmanantananyamacahuun.

Éxodo 12:23

Man asca hua nocon Ifo Diosin nan imi oinquin ahuun oinmati a fu nai muran icaton yoitiro isca huaquin, “Egipcio ato furun iyoafofo namaitian Israelifo aton pushufoti finonhuun aton furun iyoafofocai namashquinmaran,” ishon Diosin ahuun oinmati a fu nai muran imisi yoishquin.

Judas 1:16

Nanfoanri tsain chipumisifo icain futsahuun ahuara chaca nuutapaimisifo. Nan chaca huapaiyai cuscan fusti tanafafainmisi icain afiri yoimusharamisifo. Ascacanashu cacapaimisifo icain futsahuunoa tsain shara yoiamafiaquin futsa cuncun huapaimisifo, “Ua shara huanon,” ato huamapairan, —ishon Enoc huani.

Éxodo 15:24

Ascano nantifi Israelifo Moisésqui fasi sinacoincaquin aqui tsain chipunifo. Ascashon yoinifo, —¿Natianmun non raquia unu ayaicain? —huanifo.

Hechos 12:23

Herodescai, —Un Diosinma. Dios fustifin shararan, —inima. Asca huaifoannocai Diosin oinmatinin afu nai muran ica yonoa isinin imariscatani. Noinmanhuarasi ahuun shaqui muran fospitanaino nariscani.

Apocalipsis 16:1

Ascatan Dios icaricoian oi ashcafinin un nica. Diosin oinmatifo nan siete afu nai muran icafo ato yoia isca huaquin, —Diosin a nicacasmamisifo mai ano icafo atoqui sinaquin nan tutsofo ahuara chacafo fospihuamua atoqui ocacahuun, —ishon ato yonoa.

Hebreos 11:28

Ascan Egipto anoashu Israelifo foataima iquisi Diosin Moisés yoiquin tau huani isca huaquin, —Min caifofo yoihuu chashohuanun facu rutunonfo. Ascashon ahuun imin aton pushuti ahuun caincaiti ocuma rafu yafi amanaonri raishaquin futsanonfo. Man asca huacun Diospan nai oinmatinin Egipciofoan aton facu iyoafofo namaitian mato facufo finonmanon nanonfoma, —ishon Diosin yoini. Ascacun Moisés arifi nan Diosin yoiaiton nica cuscan icoinra huashon ahuun caifo Israelifo yononi. Ascanocai Israelifoan facu iyoafofo fustishta naanima.

Números 16:11

Ascafia nan Aaróncai ahuama. Man shinan nan man potapai. Man Aarón potapaifiaquicai man potaima. Ascatamarocon nan nocon Ifo Diosi man potapairan, —ishon Moisés ato yoini.