1 Corintios 1:28 - Sharanahua: Diospan Tsain

²⁸ Ascafiacatan shinancaquin isca huafo, —Afocai sharamafinquin non ato oinpaimaran, —ishon matohuunoa yoifiaifono Diosin mato catonni. Mancai ahuashtamaran mato huafiaifono Diosin mato catoan man ato oinmanon afocairoconfin ahuamaquin.

1 Corintios 1:28 Referans Kwoze

Romanos 4:17

Nannori Diosin tsain cunushoni isca huaquin, —Manifoti min aton upa cuscara. Un mia imashquinran, —ishon Upa Diosin Abraham yoiyoni. Abraham tau huaquin Upa Dios icoinra huani. Ascan norifi non chipo icoinra huaashu nocon upa cuscara itiroquin. Upa Diosin noco oin non Abraham ahuun facufo cuscaracun. Diosin yora nacun funimatiro ninon. Icataima rufofo Upa Diosin yoiqui tau huani.

Apocalipsis 18:17

Fasi isharafiamisishacaquin samamashtacoin nantifi man funoafo. Afanan aton pushurasi yamai. Man coi cuyoi futsua. ¡Ohuashta!” ishon nan inanmitsamisifoan yoishquicani. Nanscarifiai nan shashohuan ifofo non amuran fomisifo non shashohuanun camisifo pui fiishquin afoanri fasi shinain. Babilonia coaiton chaicushon oincani manocani fasi uaicani. “¡Ohuashta! Rato pushurasi futsancai Babilonia cuscarama. Nanno fustishon shashoan ifofoan pui ichapa fiafo. Ascanfiacanashu samamashtacoin nantifi man aya cuscan man funoaforan,” ishon shashoan yonomisifoan yoishquicani.

1 Corintios 2:6

Ascan Diospan tsain nicasharaifoan man tapiafo non Diospan Yoshin Sharahuunshon cayacaficoin yoiaiton. Ascan futsafoanri cunu tapisharafiashon Diosin shinain cuscacai tsoa anori shinainma. Aton shinanpancai non mato yoiama. Aton niaifofoan shinainfo cuscaricai non mato yoiama. Ascashufi afo funocaniquin. Nan shinainfo cuscan man cuyoi futsui. Ipaitsi shinancani.

Salmos 32:10

Ascan tsoan Ifo Diosi chaca huamisishaquin fasi omitsiscashquiquin. Asca tsoan nocon Ifo icoinra huatan a fu icacainaifin atohuun noiquin unupacunacamaquin.

2 Corintios 12:11

Nan yora ahua tapiamafoan yoitiro cuscan un mato rama yoia. Un mato anori yoifiafin matohuun nuaquin. Asca ufiri yoimuisharatama mancairocon uhuunoa yoisharafin shara icuanaquin. Nan futsafoan mato paran. —Nonfin Jesucristo fu rafumisisharaquin, —ishon mato parafiamisifo man ato icoinra huamisi. Ascan uacaifin man icoinra huaquin finacaitiroquin. Un ahuamafiacucai afoan ua finoncoianfoma.

1 Corintios 1:20

Ascan cunu tapisharafiacashon Diosin shinain cuscacai huacanima. Nanfofin Diosin atoti oinmaniquin amaquiri shinainfo cuscan. —Nonfin ahuamamishti tapisharaquin, —ifiaifoan Diosin ato ismai afoancai ahuashta tapiafoma.

2 Tesalonicenses 2:8

Chipo nan nocofunu chacacoin Satanashuunoashu yonomisi nocoshquin. Ascaiton nocon Ifo Jesús ahuun tsainman rutushon omitsiscapanacafo muran potashquin.

Hebreos 2:14

Ascano facufo namiyacain imiya. Nanscarifiai Jesús arifi noco cuscara yoracoin cainni. Yoracoin cainnishaquin noco naashoni afanan Satanás noco ifo iyamacain noco namapacunonma. Nocohuunoashu Jesús naitian Satanás ahuun curush shatuni afanan noco ahuusca huanonma.