Ascano ato yoiqui anaititan Diosin Yoshin Sharahuunoashu unimacoinquin Apa Dios yoiquin isca huani, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapisharafoma nan facu cuscarafoqui. Ascashon nanfoan un ato isma cuscan yafi un ato yoiai cuscan ua icoinra huafo. Nanfofin min ato tapimanaquin. Icon, Upan, minfin nanscara fuchipaiquin, —ishon apa yoini.
1 Corintios 1:21 - Sharanahua: Diospan Tsain21 Tsoanshtacai aton shinanpan Dios onantirofoma. Diosin fustitofin nantifi tapisharacoianquin. Icoinra huamafoan yoiquin isca huafo, —Jesús icoinra huafoan ahuunoa yoiafo fasi amaquiriran, —ishon yoifiafo Diosin nocon chaca soashona non afu nipanon nonfin icoinra huaicai. Gade chapit la |
1 Corintios 1:21
28 Referans Kwoze
Ascano ato yoiqui asca huatan Jesús apa cufini, —Upa Diosin, min fasi sharacoin. Nantifi nai murannoafo futan mai anoafoan aton Ifofin minquin. Ascano nan mapo sharayafo yafi cunu tapiafocai min tsain shara min ato tapimanama. Ascafia nan cunu tapiamafiashon un ato isma cuscan un ato yoiai cuscan ua icoinra huafo. Nanfofin min ato tapimanaquin.
Upa Diosin shinanquin tau huani cuscan nocon Ifo Jesucristohuunshon ani. Natian Jesús icoinra huafohuunshon niaifofoan nai muran icafo futan ahuun oinmatifo nan a fu nai muran icafoanri ato tapimashquin. Ascan nicacashon yoishquin isca huaquin, —¡Aicho! Nocon Upa Diosin aca cuscan fasi sharacoin. Arus fusti nantifi tapicoian. Nanton ahuamamishti huatiroran, —ishon yoishcani.
Ascafiainfono nan icoinra huafoti Diosin noco catonni. Israelifo yafi mani futsafo Cristohuunshon nocon chaca soashonano non afu ipanon. Non tapia Cristohuunshon Upa Diosin ahuamamishti huamisi. Ahuun curushhuunshon noco numani. Atofin nantifi tapicoianquin. Cristohuunshon noco numani non afu nipanon.
¡Aicho! Nocon Dios fasi sharacoin. Nantifi yorafohuun ramapai unupacunacama. Aafin apaiyai cuscan tapicoianquin. Nantifi tapicoian inonpacoai cuscan tapifain aafin noco ashoai cuscan tapicoian. Ahuun nomuran yorafohuunoa shinain cuscan non tapipaifiaquicai tsoanshta tapitiroma. Aaton acai cuscan tsoan tapitiroma.
Ascashon Jesús ato nashoni nicacani a icoinra huaamafoan isca shinancani, —¿Tsoanco icoinra huatiromun Jesús ihui coyan iquinanqui noco nashoni nocon chaca soashoshquin? Na tsaincai ahuama, —ishon yoicani. Ascashu nanfo funocoincani. Omitsiscapanacafo muran focani. Ascan nonfin icoinra huaicai. Ascano noco nimapacunaca non afu ipanon. Diosin ahuun shinanhuunshon Jesús noco nashoni nocon chaca soashoshquin. Ahua futsacai noco nimapacutiroma non afu ipanon.
Anori ifiainfoanno non isca huamisi, —Jesucriston ihui coyan iquinanqui noco nashoni nocon chaca soashoshquin, —ishon non yoimisi. Ascafiacun uhuun caifo Israelifoan yoiquin isca huaafo, —Ihui coyan iquinanqui mastancai nocon Cristo itiromaran, —ishon shinancani. Israelimafoan Cristohuunoa nicacani aqui cashupaicani, —Tsoancai nanscara icoinra huatiroma. Futsan noco nashoni nocon chaca noco soashoshquin, —ishon yoimisifo.
Icoinra huamafoan yoiqui isca huafo, —“Jesucristo noco nashoni,” ishon noco yoifiacaquin fasi amaquiricoin icoinra huafo. Yora mapo sharayatoncai anori shinantiroma, —ishon icoinra huamafoan yoimisifoquin. Anori yoifiafono Diosin ahuun shinanhuunoashu Jesucristo noco nashoni. Diospan ahuun shinancai a icoinra huamafoan aton shinan cuscarama. Atonfin fasi cayacafi shinanmisiquin. Icoinra huamafoan yoimisifo isca huaquin, —Non fasi tapicoianran, —ishon yoifiacaquicai icon yoicanima. Fasi amaquiri shinancani. —Non ahuamamishti huatiroran, —ifiamisishacaquin afocai afin numatiroma. Ascafiatan aforicai afin chaca soamutirofoma. Upa Diosin fustiton ahuamamishti huatiro.
Nanfoan shinancai man ahuama. Ascafia Diosin mato catoan tapicanashu chipo rafipaitirofo. Shinanfo isca huaquin, —Nonfin ahuamamishti huatiroquin. Jesús icoinra huafoan futsa futsa huaquin shinantiroforan, —ishon shinanfo. Ascatari yoiafo isca huaquin, —Non shinantiro cuscacai afoanri shinantirofoma, —ishon yoiafo. Anori shinanfiacashon chipo tapitirofo Dioshuunshon non ahuamamishti huatiro cuscan. Tapicanashu rafipaitirofo.
Ascano ratoranfon Diospan Yoshin Shara atofu iyamaino nanfoanfin Diosin Yoshin Sharapan yoia cuscan nicacasmacani. Ascashu iscatirofo, “Tsoantsi nan tsain icoinra huaiquin. Nan tsain fasi amaquiriran,” ishon shinancani. Diosin Yoshin Sharapan shinain cuscacai tsoan tapiama. Nanscacun atofu iyamainocai yoia cuscan tapiafoma. Diosin Yoshin Shara fustiton ato tapimatiro.
Nonfin Cristo fu rafumisi. Ascacun noco isca huamisi, —Nanfoanfin fasi amaquiri shinanmisifoquin. Mutsisipamaforan, —ishon nocohuunoa icoinra huamafoan yoimisifoquin. Asca matohuunoacai yoiquin asca huamisifoma. Matohuunoafin man shinanquin isca huaquin, —Non fasi tapicoian. Nofifin non isharamisiquin. Tsoan noco finontiromaran, —ishon maton nomuran man shinanmisiquin. Man non tapia non Jesús maisishocai non ahua huatiroma. Ascafia man shinanquin isca huamisi, —Ufifin un ahuara huatiroquin, —ishon man shinanmisiquin.
Un caiantaima Upa Diosin ua fasi ramapaiquin ua catonni un ahuun yonoshomisi inon. Upa Diosin ua yoimamapaiyai cuscan uhuun caifoma un ato Furun Jesucristohuunoa tapimanon. Uncai nocofunu futsa fu tsainnima ua tapimanon. Upa Diosin afin ua catonnitian un Jesús fu rafumisifo ari catama. Unrocon Arabia mai ano cani. Nannoashu un chipo Damasco pushurasi ano nasoni.
Ascano Upa Diosin afi apaiyai cuscacai tsoa tapimayonima. Ascafia noco tapimana nocohuun ramapaiquin nocoqui Cristo nichini. Ascano Upa Diosin afi shinanyoni cuscan Furun Cristo nan nichipaiyaitian afanan nichishquin nantifi ahuun yorafo nai murannoafo yafi mai anoafori ato ichanan huashquin Cristo arus fusti aton Ifo inon.
Diospan nai oinmatifoan ato yoini cuscan nicacasmaifoan ato onaintimani. Nanscarifi huaquin Furun nan nocon Ifo Jesús noco yoini cuscan non nicayamacaiyaiton mimacai huaquin noco onaintimashqui. Ascan nantorifi yoini nocohuunoashu chipo nashquiai. Ascashon noco chaca soashonano non afu ipanon. Ascano yoiaiton nicacashon afu rafumisifoan nannori noco tapimani.
Ascan non ahuunoashu Apa Dios fu ipapaiyaiton nocohuunshon Apa Dios yoifafaini isca huaquin, —Upa Diosin, un ato nashoni aton chaca soashohuun. Ascashon mi ano ato imahuu, —ishon nocohuunoa Apa yoishquin. Ascatan nocohuunoa Apa yoia cuscan nanscacoin noco huashoshquin non afu ipanon. Ascaicai non funopacunacama.
Afin mato amapaiyai cuscacai nancairocon shinantama nan mafi ranan man apaiyai cuscan fustisi man shinanmisiquin. Ascaquicai man Dios noicoianma. ¿Man tapiamamun nan icoinra huamafoan fuchipaiyaifo cuscan marifi man fuchipaya. Ascaqui man Dios noicasmamisi itiro? Asca man icoinra huamafo cuscara icashufin Diosin noicasmamisi man itiroquin.
Piblisite