Yogikoneatimogetunkanirira Joan 16:19 - Iriniane Tasorintsi

¹⁹ Ogatyo okenake otsiraagetanake Vavironia visaenkavagevetacharira, otsiraagetanake okotareagetanake mavati, aikiro magatiro pankotsipage timagetatsirira kipatsiku otuagetanake, pairatama tsonkagetaka. Tera imagisanteronika Tasorintsi ikañovageigara Vavironiakunirira ikisashitantasanoigakaririra yatsipereakagavageigakarira.

Yogikoneatimogetunkanirira Joan 16:19 Referans Kwoze

Yogikoneatimogetunkanirira Joan 18:5

Pairotari yovetsikagisevageigakero posantepage terira onkametite. Naro gara nomagisantiro, yogavisavageiganakerotari ikañovageigakara, onti nonkisashiigakempari maganiro.

Yogikoneatimogetunkanirira Joan 18:10

Intsarogavageiganaketyo kara garatyo yaiñonitakotumaigaro onti impampogiaigakero parikoti ganiri imaigiri Tasorintsi iriroegi, inkantaige: “¡Maikaniroro viroegi timantaigarorira Vavironia visaenkavagevetacharira! Tainasano pinakotapanuti patirosanotyo kutagiteri apaiventashivageiganakempi ikisashiigakempira.”

Yogikoneatimogetunkanirira Joan 17:18

Ogari pogereantatsirira pineakerira maika onti okantakotake Vavironia gaveaigakeririra maganiro koveenkariegi kipatsikunirira.”

Yogikoneatimogetunkanirira Joan 18:21

Impogini noneiri isaankariite Tasorintsi gaveavagetatsirira inoshikakero mapu kañomataka omarane tonompurontsi yovuokaatakero omaraaniku nia inianake ikanti: “Ario onkañotagakenkani Vavironia visaenkavagevetacharira ompegakenkani gara oneimataagani.

Yogikoneatimogetunkanirira Joan 18:2

Impo ikaemanake ikanti: “¡Maika mataka pogereaigaka maganiro Vavironiakunirira! ¡Itovaigavageigavetakatyo kara shintavageigacharira visaenkavageigatsirira, kantankicha maika pogereasanoigaka irirokya timaigaatsi kara kamagarinipage intiegiri posante ivashinitagapage, intiegiri aikiro maganiro aragetatsirira ivegagapagerira ipinkagetaganirira!

Yogikoneatimogetunkanirira Joan 17:5

Antari otamakoku aityo otsirinkakotunkani ovairo okanti: “Vavironia pairorira avisaenkavageti shintoigarorira pogereantaigatsirira, aikiro shintaenkagetarorira magatiro posantepage ovegagapagerira”, kantankicha tera ogotenkani tatoita okantakotake.

Yogikoneatimogetunkanirira Joan 11:8

Onti irinoriantaigakempa avotsi Jerosarenkutirira, ariotari kara Jerosarenku ikentakotunkaniri Itinkamiegi. Ogari Jerosaren okantaganira Soroma aikiro Ejipito onti onkantakera ario onkañotanakempa irorori omposantegisetanakempara.

Yogikoneatimogetunkanirira Joan 17:1

Impogini ipokashitakena paniro isaankariite Tasorintsi pagoigavetankicharira isokantaigakarorira itsimaenka Tasorintsi ikantapaakena: “Taina noneakagagetakempirora onkisashivagetakenkanira pairorira opogereanti piriniatantagetakarorira omaraapageni nia.