Yogikoneatimogetunkanirira Joan 14:7 - Iriniane Tasorintsi

⁷ ikantaigiri: “Maika pinkatsaigeri Tasorintsi, aikiro pinkantaigakerira: ‘¡Pairo pagaveavageti!’, gapaakatari inkantantaigakemparira tyara inkantaigakenkani paniropage matsigenkaegi. Pintigeroaventaigakemparira, intitari vetsikagetirorira inkite, kipatsi, omaraani nia ontiri okonteagetira niapage.”

Yogikoneatimogetunkanirira Joan 14:7 Referans Kwoze

Yogikoneatimogetunkanirira Joan 15:4

Notinkami, ¿tyampatyora intimera kara garira ipinkatsatimpi? ¿Tyampatyora intimera kara garira ishineventimpi? Panirotari pikantara viro pikametivagetira tera pinkañovagetumatempa. Iripokashiigakempityo maganiro matsigenkaegi intigeroaventaigakempira inkantaigakempira ishineventaigakempi. Ineaigakempitari pikatinkatagagetakerora magatiro.”

Yogikoneatimogetunkanirira Joan 11:18

Ikisaigavetakempityo kipatsipagekunirira kantankicha maika gapaaka kutagiteri pinkisantaigakemparirira iriroegi. Pinkisaigakeri aikiro kañovageigacharira kamaigavetankicharira pinkenkiagaigakerira yovetsikagisevageigirira. Irirokya pomperaneegi kamantakoigimpirira onti pogishineaigakeri. Ario pinkañotagaigakempari aikiro maganirosano kematsatasanoigimpirira pinkatsaigimpirira. Aikiro gapaaka pimpogereaigakerira maganiro tsipereakagavageigakaririra timageigatsirira kipatsiku pokavokiigakerira morekariku.”

Yogikoneatimogetunkanirira Joan 4:11

“Notinkami Tasorintsi, pairo pikametivageti, noshineventantaigakempirira. Pikoveenkavageti, aikiro pairo pagaveavageti, nopinkatsatantaigakempirira. Virotari vetsikagetakerorira magatiro timagetatsirira, virotari kogankitsi povetsikagetakerora.”

Yogikoneatimogetunkanirira Joan 11:13

Ogatyo onkenake ontininkanakempa kipatsi ontuagetanake 1/10 pankotsipage Jerosarenkutirira inkamaigake 7,000 matsigenkaegi. Yogari aiñokyarira irinaigae intsarogavageiganake ovashi inkantaiganake: “¡Pairo ikoveenkavageti Tasorintsi timatsirira enoku!”

Yogikoneatimogetunkanirira Joan 18:10

Intsarogavageiganaketyo kara garatyo yaiñonitakotumaigaro onti impampogiaigakero parikoti ganiri imaigiri Tasorintsi iriroegi, inkantaige: “¡Maikaniroro viroegi timantaigarorira Vavironia visaenkavagevetacharira! Tainasano pinakotapanuti patirosanotyo kutagiteri apaiventashivageiganakempi ikisashiigakempira.”

Yogikoneatimogetunkanirira Joan 16:9

Tyarikarorokarityo yatsipereavageigaketyo kara, kantankicha teratyo irapakuimaigero yovetsikagisevageigakera posantepage terira onkametite ariompatyo yovashigaiganakarori. Aikiro teratyo impinkatsatumaigeri Tasorintsi onti yovosanteaiganakeri ineaigavetakatyo iriro vetsikimotantankitsi tsipereakagantankitsirira.

Yogikoneatimogetunkanirira Joan 4:9

Antari ikantaigakera maika, yogaegiri 24 inampinaegi Koveenkari ogatyo ikenaigake yompatakaventaiganakari, intitari pirinitantakarorira ipirinitantarira koveenkari, aikiro inti Koveenkari ikantakanirira itimi. Inoshikaigakeri iramatsaireegi yogaigakeneri ivonkititakera ikantaigiri:

Iritigankaneegi Jeso 14:15

—¿Antari gara pikañoiga maika? Naroegiri ariotyo nokañoigakempi viroegi, matsigenkatari nonaigake. Onti nopokashiigake nonkenkitsaigakempira pokaiganakeriniri pipegaigavetarira pitasorintsite kogapage irirokyaniri pinkematsaiganake Tasorintsisanorira vetsikagetakerorira inkite, kipatsi, omaraani nia intiri maganiro timantagetarorira.

Yogikoneatimogetunkanirira Joan 19:5

Impogini nokemi onianunkani oponiaenkatantakaro ipirinitantarira Tasorintsi okantagani: “¡Pishineventavageigakemparira Tasorintsi maganiro viroegi iromperaneegi pinkatsaigiririra! ¡Maganirosanotyo pinkantaigakeri pairo ikametitasanoti!”

Yogikoneatimogetunkanirira Joan 8:10

Impo itivotanakera pashini ogatyo ikenake yashirianaka imarane impokiro iponiaka enoku, imorekatsantsaaenkatanake ikañotanakari katsivorerini yashiriagutanakaro 1/3 niapage ontiri okonteagetira nia itsitokaagetanakero.

Irokashi 17:18

¿Panirosano ipigaara yoka terira iriro jorio inkantakerira Tasorintsi ishineventakari ikavintsaavagetakerira?

Yogikoneatimogetunkanirira Joan 18:19

Ogatyo inkenaigake intiaitaiganakempa kipatsi igitoku iriragatsikaiganakemparora inkaemaiganakera inkantaige: “¡Maikaniroro Vavironia visaenkavagevetacharira! Irorotari timakagaiganakeri igorikite shintaigacharira ivito opunaventagetunkanira posantepage oshineventagetaganirira. ¡Tainasano onakotapanuti, maika pairatama pogereaigaka maganiro timantaigarorira!”

Yogikoneatimogetunkanirira Joan 18:17

¡Tainasano onakotapanuti, maika atake otsonkagetanaka magatiro!” Ario inkañoigake maganiro tsitigeigirorira pitotsipage omarapageni, intiegiri kenantaigarorira intiegiri marineroegi intiegiri aikiro maganiro tavageigatsirira omaraaniku nia irontainaiganakemparo.

1 Perero 4:7

Maika panikya aganakempa inkisashitantaigakemparirira Tasorintsi maganiro terira inkematsaigeri. Nonkantantaigakempirira pinegintevageigakempara pishintsitashiigakerora magatiro terira onkametite omirinkara piniaigakeri Tasorintsi.

Mateo 25:13

“Irorotari maika nonkantantaigakempirira pinkantakanira pinegintevageigakempa, tera pogoigenika tyatirikara impigantaatempa Kañotasanotakaririra Matsigenka.