Mateo 8:31 - Iriniane Tasorintsi

³¹ Impogini yogari kamagarini timaguigakeririra inianiaiganakeri Jeso ikantaigiri: —Poneagaigakenarika onti pintigankaigakena nontimaguigakerira shintori.

Mateo 8:31 Referans Kwoze

Marokoshi 5:12

Iniitaiganaatyo kamagarini ikantaigi: —Atsi ario pintigankaigakena nontimaguigakerira shintori.

Yogikoneatimogetunkanirira Joan 12:12

¡Maikari maika shineiganakempakario viroegi timaigatsirira enoku! Kantankicha viroegi timaigatsirira kipatsiku ontiri omaraaniku nia ¡maikanirorotyo pantsipereavageigake!, iatashiigakempitari kamagarini. Tera maani inkisavagetempa kara ineaketari gara samani yatsipereakagaigimpi, panikyatari inkisashitakenkani irirori.”

Marokoshi 5:7

Impo irirori inianakeri kamagarini ikantiri: —¡Kontetanae, pakuanaeri yoga! Iniamatanaketyo irirori imaraenkarikatyo kara ikantiri: —¡Eeee! ¡Jeso, Itomi Tasorintsisanorira timatsirira enoku, arionena gara tyara pikantana! Atsi garatyo patsipereakagana. ¡Tsarogakagavagetenakario!

Mateo 4:24

Impo yogaegiri timageigatsirira parikotipageku Suriaku ikemakoiganakeri yovegantagetaira nerotyo yamageigapaakeneri maganiro mantsigaigankitsirira. Iriroegi iposanteivagetanakatyo kara ikonogaka yatsipereintevageigaketyo kara. Pashini onti ikamakamaigi, pashinikya ishinkogiseigaka, kantankicha irirori yovegageigairi maganiro. Aikiro yoneaganontaigakari itimaguigakerira kamagarinipage.

Mateo 7:6

“Gara pikenkitsatimoigiri Iriniane Tasorintsi samatsanaigirorira garira onti inkisaigakempi.

Mateo 8:30

Ario inaigake kara shintori isekatavageigakara itovaigavagetiratyo kara.

Mateo 8:32

Ikanti Jeso: —Nanityo piaige. Igenanekyatyo ikonteigapanuti iokaiganairi itimaguigavetakarira irirokya iatashiigavetaka shintori. Iroro itimaguigavetapaakarira ogatyo ikenaigake ishigaiganaka otseraaku yanonkaiganaka iokaavioigaka pokorom pokorom pokorom, ipogereaigakatyo maganiro.