Mateo 25:10 - Iriniane Tasorintsi

¹⁰ Kantankicha iroro oaigavetanakara ompunaventaigemera mataka gonketapaaka gankitsinerira tsinane. Ogari makoigankitsirira oaseitete okiaiganake tsompogi otentaigakarira, oga okenake ashitanunkani shitakomentontsi.

Mateo 25:10 Referans Kwoze

Irokashi 13:25

Impoginitari inkaviritanake shintarorira ivanko irashitakero sotsimoro. Viroegi terira pinkiaige paratinkaigake sotsi poenenkaigavetakemparotyo shitakomentontsi pinkaemaiganakera: ‘Notinkamii, shireakoigena.’ Kantankicha irirori inkantaigempityo: ‘¿Tyampatyora piponiaigakara viroegi?, teranika naro shintaigempine.’

1 Perero 1:13

Irorotari nonkantantaigakempirira maika pisuretasanoigakemparora tyara pinkantaigakempa pinegintetasanoigakempara pishintsitashiigakerora magatiro terira onkametite, aikiro pisuretakotasanoigakemparora tyara inkantaigakempi Tasorintsi inkavintsajaigakempira impogini impigaatera Jesokirishito.

Mateo 24:44

Irorotari nokantantaigakempirira pinkantakanira pinegintevageigakempa pogiaigavaerira Kañotasanotakaririra Matsigenka impigaatera, gatanika pogoiginika tyati impigantaempa, ontitari katsiketyo inkomutagaigapaempi.

Yogikoneatimogetunkanirira Joan 22:20

Yogari gikoneagetakerorira magatiro oka ikanti: “Jeeje, nompigaate shintsi.” Ario onkañotakempa. Amen. ¡Tainapage, Notinkami Jeso!

Mateo 25:6

Impo onigankigitetanakera okemaigutatyo okaemunkanira: ‘¡Pokapaake gankitsinerira tsinane! ¡Piaigekario pintonkivoaigavakemparira!’

2 Timoteo 4:8

Irirori inti Joesesanorira, katinkatari yogagetakero magatiro ikantakera tyara inkantakenkani paniropage matsigenka. Ineakena nokematsatasanotakerira irorotari maika yogiakagakena matsairintsi iramatsaitakenara impogini, kantankicha gara paniro naro yamatsaiti, irimaigakerityo aikiro maganiro giasanoigavakeririra impigaatera.

Yogikoneatimogetunkanirira Joan 1:7

¡Atsi geka, maika pokapaake Kirishito ikenantapaakarora menkori! Ineaigavakeri maganiro, irimaiganakempatyo kentakotagantaigavetakaririra ineaigavaerityo iriroegi aikiro. Maganiro timaigatsirira kipatsiku ineaigavakerira inkaemavaitaiganake intsarogavageiganakera. Arioniroro onkañotanakempa maika. Amen.

Korosakunirira 1:12

pinkantaigakerira Tasorintsi pishinevageigaka, pogoigaketari yogavisaakoigakempi kameti pintentaigakempariniri maganiro kematsatasanoigiririra inkavintsajaigakerira impogini anta enoku garira otimumati terira onkametite.

Mateo 7:21

“Antari impogini irapatoitaigakerira Apa maganiro kematsaigiririra impegakempara Igoveenkariegite, gara itimimoigiri yogaegi maganiro kantaigavetakenanerira: ‘Notinkami, Notinkami.’ Intaganityo timimoigakerine vetsikaigakeronerira ikogagetakerira irirori.

Mateo 24:42

“Irorotari nokantantaigakempirira pinkantakanira pogiaigavaeri Pitinkami, tera pogoigenika tyati impigantaatempa.

Mateo 24:43

Atsi sureigemparatyo, intimera pashini shintankicharira ivanko irogotemera tyatirikara iripokantakempa koshinti, ¿matsi ario irimagake? ¡Garatyo imagi! Ontityo inkireaventakero iaraki ganiri ikoshitagani.

Irokashi 12:35

“Viroegi pinkañoigakemparira nampiriantsiegi yogiaigavairira shintaigaririra iatakera ineerira pashini iamigote iragakera tsinane. Yovetsikashiigavaari iripokaera, yogimorekageigake mechero yogiaigakerira inkaemapaakera irashireakoigavaerira.

Yogikoneatimogetunkanirira Joan 19:7

Tsame pairora ashinevagetasanoigakempa ankantaigakerira: ‘Vinti pairorira pikametitasanoti’, ataketari agapaaka kutagiteri iragantakemparorira Ovisha igashigane, matakatari vetsikakovagetaka.