Iritigankaneegi Jeso 21:11 - Iriniane Tasorintsi

¹¹ Irirori iponiaka Joreaku onti ipokashitake ineaigakitenara. Impo yaganakeri isuntoratsate Pavoro yogusotanaka igitiku ontiri irakoku ikanti: —Ikanti Isure Tasorintsi: ‘Ario inkañotagaigakeri jorioegi Jerosarenkunirira irogusoigakerira shintaririra yoka isuntoratsate impo iramaiganakeri inkisaigakerira terira iriroegi jorioegi.’

Iritigankaneegi Jeso 21:11 Referans Kwoze

Iritigankaneegi Jeso 21:33

Yogari itinkami soraroegi yaiñonitapaakari Pavoro yagapaakeri yogusotagantakeri piteti karenatsa. Impo ikantaigiri kisaigakeririra: —¿Tyani yoga? ¿Tatoita pikisaviigakeri?

Iritigankaneegi Jeso 20:23

Intagati nogotake ikamantakenarira Isure Tasorintsi, ikantakenatari omirinka tyarika kara noatakera nonkenkitsavagetakera irashitakoitakena, aikiro iratsipereakagavageitakena,

1 Perero 1:12

Kantankicha yogari Tasorintsi ikantaigakeri gara ineaigiro iriroegi ontsatagakenkanira magatiro ikamantakogeigakerira, intiegitari neaigakerone impogiiganankitsinerira. Irorotari maika ikenkitsatakoigakerira kenkitsatimoigakempirira ikamantaigakempira tyara ikanta Tasorintsi yogavisaakotantira, irirotari gaveakagaigakeri Isure Tasorintsi poniankicharira enoku. Yogari isaankariite Tasorintsi ikogaigavetaka irogotasanoigakeromera magatiro oka ikenkitsatakoigakerira.

Evereoegi 10:34

Pitsarogakagaigakari yashitakoigunkanirira, aikiro yagapitsaitakempirora pashintagetarira pishinevageigakatyo, pogoigaketari impogini piaigakera enoku pinkantakani pintimaigake anta ganigera patsipereimaigai.

Evereoegi 3:7

Irorotari otsirinkakotantunkanirira ikantakerira Isure Tasorintsi ikanti: “Maikari maika pinkemaigakerira Tasorintsi iriniaigakempira,

2 Timoteo 2:9

ovashi natsipereaventavagetakero yashitakoviitakenarora yogusoitakenara ikañotagavageitakena gantatsirira. Kantankicha ogari Iriniane Tasorintsi garatyo ogipegumatagani, ariompatyo ontivarokakovagetanakempari.

Epesokunirira 6:20

Tasorintsi itigankakena nonkenkitsavagetakera, irorotari yashitakoviitakena yogusotantaitakenaro karenatsa. Piniaventaigakenara kameti nonkenkitsatakovagetakeroniri Niagantsi Kametiri ganiri notsarogaventiro.

Epesokunirira 4:1

Naro nokenkitsatakovagetakeri Atinkami, irorotari yashitakoviitakena. Maika nonkantaigakempi pinegintevageigakempara kameti pogishineaigakeriniri Tasorintsi kogakagaigakempirira okyara pinkematsaigakerira.

Epesokunirira 3:1

Narori aiñona aka yashitakoitakena, onti yashitakoviitakena ineaigakenara napijorioegitene nopiriniventaiganakempira viroegi intiegiri aikiro maganiro pitovaireegi terira iriroegi jorioegi nokenkitsatimovageigakerira nokamantakotakerira Jesokirishito.

Iritigankaneegi Jeso 28:25

Impo iriroegi ineaigakera tera inkemavakagaigempa ovashi iaiganai. Yogari Pavoro ikantaigavairi: —Arisanoniroro ikantasanoti Isure Tasorintsi pairani iniakagakerira kamantantatsirira Isaiashi, impo irirokya kantaigakeri yashikiiganakairira ikanti:

Iritigankaneegi Jeso 28:20

Irorotari nokaemashiigakempi maika kameti noneaigakempiniri noniaigakempira. Naro onti nokañoigakempira viroegi nogiakera aganakempara kutagiteri iraniantaiganaemparira kamageigankitsirira, irorotari pineantaigakenarira maika yogusoitakena karenatsaku.

Iritigankaneegi Jeso 28:17

Impo omavatanakara kutagiteri yogari Pavoro ikaemakagantaigakeri itinkamiegi jorioegi timaigatsirira kara ikantaigiri: —Noshaninkaegi, tera tyara nonkantumaigeri atovaireegi, aikiro tera nogagumatero ikantaiganakerira yashikiiganakairira pairani, kantankicha iriroegi yagaigakena Jerosarenku impo ipimantaigakena yamaiganakenara iromanoegi.

Iritigankaneegi Jeso 26:29

Ikanti Pavoro: —Ariorika maika ontirika impogini naro nokogavetaka pinkematsatakerira, kantankicha gara paniro viro pikematsati, inkematsaigaketyo aikiro maganiro kemisantaigakenarira maika inkañoigakenara naro, kantankicha gara yogusotagani karenatsaku.

Iritigankaneegi Jeso 24:27

Ario ikañotakero maika ovashi avisavagetanake piteti shiriagarini. Impogini irirokya pugairi Poroshio Peshito. Yogari Perishi ontitari ikogakera irogishineaigakerira jorioegi nerotyo tera irapakuaeri.

Iritigankaneegi Jeso 22:25

Iroro yogusoigavetakarira impasaigakerimera inianake Pavoro ikantiri inampina itinkami soraroegi aratinkankitsirira kara: —¿Matsi pagaveake pimpasatagantakerira iromano ipugamentavintsatirira Sesa tekyara inkogakotagantasanotenkani kameti ogotakenkaniri arisanorika yovetsikake terira onkametite ontirika tera?

Iritigankaneegi Jeso 16:6

Impogini yogari Pavoro intiri Surashi ikogaigavetaka inkenkitsaigutemera Ashiaku, kantankicha yogari Isure Tasorintsi tera inkoge, nerotyo ikenantaiganakarira Pirijiaku ontiri Garashiaku

Iritigankaneegi Jeso 13:2

Impogini yapatoitaigaka iriroegi tera isekatumaigempa, onti ipiriniventaigake iniaigakerira Atinkami. Impo ikantaigiri Isure Tasorintsi: “Nokogake pampakuaigakerira Saoro intiri Verenave nontigankaigakerira inkenkitsaigakerora Niagantsi Kametiri, irorotari nokogakagaviigakeri.”

Iritigankaneegi Jeso 9:16

Nokogake nogotagagetakerira posante tyara inkantakempa iratsipereaventavagetakenara.”

Joan 18:1

Impogini yagatanakera Jeso iniakerira Iriri itentaiganakari irogamereegi imonteaiganakarora osanteni paitacharira Sereron, iaigake pankirintsishiku nankitsirira kara.

Iritigankaneegi Jeso 8:29

Yogari Isure Tasorintsi ikantiri Jeripe: “Piate pogiatavakerira.”

Iritigankaneegi Jeso 21:4

Ario kara noneaigapaakeri kematsaigatsirira, iriroegi yagaigavakena ovashi nomagimoiganakeri patiro tominko. Antari nonaigakera kara yogari Isure Tasorintsi iniasurentaigakeri iriroegi ikantantaigavetakaririra Pavoro: “Garakari piati Jerosarenku.”

1 Timoteo 4:1

Maika nokogake nonkamantakempira yogari Isure Tasorintsi ikantake impogini agapaakempa kutagiteri intimagarantaigake irapakuaiganaero ikematsaigavetarira. Inti irogiatakoiganake matavinaigakeririra, aikiro inti inkematsaiganake kamagarinipage.