Iritigankaneegi Jeso 10:27 - Iriniane Tasorintsi

²⁷ Iroro iniakerira itentanakari ikiaiganakera tsompogi. Yogari Perero ineaigapaakeri patovageigamataka,

Iritigankaneegi Jeso 10:27 Referans Kwoze

2 Korintokunirira 2:12

Antari nogonkevetapaakara Toroashiku nonkenkitsatakotakerimera Kirishito aiñoegi tovaini kogaigankitsirira inkemisantaigakenara nonkenkitsatimoigakerira, intitari kogakagaigakeri Atinkami.

Iritigankaneegi Jeso 10:24

Okutagitetanaira aikiro yogonkeigapaaka Sesareaku. Ario inake Koronerio intiegiri iitanepage intiegiri aikiro iamigoegite itentaigakari yogiaigakerira Perero.

Joan 4:35

Viroegi pikantaigi: ‘Maika pitepagenivani kashiri osampatanakera turigo agakenkanira’, kantankicha naro nonkantaigakempi atsi gaigeratyo kavako neaigeroratyo turigoshi mataka sampatake.

1 Korintokunirira 16:9

Noneavetakatyo aiño tovaini kisaigakenarira kantankicha aikiro aiñotyo tovaini kematsaigankitsirira. Ario okañotaka aikiro aiño tovaini kogaigankitsirira nonkenkitsatimoigakerira.

Iritigankaneegi Jeso 14:27

Impo yogonkeigapaakara ikaemaigapaakeri maganiro irapigematsaegine ikamantaigapaakerira magatiro yagaveakagageigakerira Tasorintsi. Aikiro ikamantaigakeri tyara ikanta Tasorintsi ikavintsajaigakerira terira iriroegi jorioegi kameti inkemakoigakeriniri iriroegi aikiro Jesokirishito inkematsaigakerira.

Korosakunirira 4:3

Aikiro nokogaigake piniaventaigakenara naroegi. Yogari Tasorintsi ikogakagaigakena nonkenkitsatakoigakerira Kirishito nonkamantaigakerira maganiro terira ogovetenkani pairani, irorotari yashitakoviitakena. Maika niaventaigena intimaigakeniri kogaigankitsinerira inkemisantaigakenara kameti nogikoneatasanoigakenerira tyara ikanta Kirishito yogavisaakotantira.

Irokashi 24:14

Impo antari iaiganakera avotsiku iniavageiganake iniakoigakerira Jeso tyara ikantunkani yogunkanira.