1 Timoteo 4:4 - Iriniane Tasorintsi

⁴ Maganirotari yovetsikagetakerira Tasorintsi gara ikantavitantagani, imirinkatari kametigetake, kantankicha agaigakemparirika ankantaigakerira Tasorintsi ashineventaigakari,

1 Timoteo 4:4 Referans Kwoze

Iromakunirira 14:20

Tsikyanira pikañovagetagaigarikari papigematsaegine ganigera ikematsaigai, onti pinkañovagetagaigakempari garira pikogaigi viroegi pampakuaigerira ivatsa pogaigarira. Kametitakeniroro pogaigakemparira posantepage ivatsapage, kantankicha antari pinkañovagetagakeririka papigematsaegine pogakarira ivatsa, ario pinkante tera onkametite pogakemparira.

1 Korintokunirira 10:25

Kametitaketyo pogaigakemparira ivatsapage ipimantaganirira anta ipimantapinitaganira ivatsa gara pikogakotagantanaigiri tyarika yagunkani ganiri pisureigaro ariorika kametitake pogakemparira ontirika tera.

Iromakunirira 14:14

Naro nokematsatasanotakeritari Atinkami Jeso nogotantakarira kametitake irogagetakenkanira posantepage ivatsa, kantankicha aiñorika kantankitsinerira: “Tera onkametite pogemparira”, garatyo yogari. Irogakemparirika onti irovetsikake terira onkametite.

1 Korintokunirira 10:23

Arisanotyo aityo posantepage terira inkantaviigavetajaero Atinkami, kantankicha tyatirika aneaigake onti ampakuakagaigakaero akematsatasanoigirira Atinkami tera onkametite avetsikaigakerora. Teratyo inkantaviigavetajaero, kantankicha tyatirika aneaigake ariorika gara oshintsitagaigiri apigematsaegine inkematsatasanoiganakera iroroventi garatyo avetsikaigiro.

Iritigankaneegi Jeso 21:25

Kantankicha yogari kematsaigankitsirira terira iriroegi jorioegi notsirinkaigakeneri karanki nokantaigiri gara yogumaigaari ivatsa ipaigavetunkanirira ipegagetaganirira tasorintsi kogapage, gara yogumaigaaro iriraapage yogagetaganirira, gara yogumaigaari ikatikagetaganirira, aikiro gara iatashitumaigairo tsinane terira iroro irashi.

1 Timoteo 4:3

Yogaegiri kañoigirorira maika ikantavitantaigiro agenkanira tsinaneegi, aikiro tsinaneegi agaigera surari. Aikiro ikantavitantaiganakeri irogakenkanira posantepage kogageripage terira inkantaviigavetajaeri Tasorintsi, yovetsikagetakeritari irogakenkanira kameti agaigakemparirika aroegi kematsaigiririra gotasanoigirorira arisanorira ashineventaigakempariniri ankantaigakerira: “Apa Tasorintsi, noshineventakempi pipakenara nogakemparira.”

Iritigankaneegi Jeso 15:29

Gara pogumaigaari ivatsa ipaigavetunkanirira ipegagetaganirira tasorintsi kogapage. Gara pogumaigaaro iriraapage yogagetaganirira. Gara pogumaigaari ikatikagetaganirira. Gara piatashitumaigairo tsinane terira iroro pashiegi. Maika intagati.

Iritigankaneegi Jeso 10:15

Iniitaarityo aikiro ikantiri: “Yogari ikantakerira Tasorintsi kametitake irogakenkanira gara pipinkiri, kametitaketyo pogakemparira, gatanika ikitsitinkumatimpi.”

Iromakunirira 14:6

Yogari kantaigatsirira aityo kutagiteri pairorira avisake okametitakera onti ikantake maika kameti irapakuakeniri yantavagetakera ompote impiriniventakerira Tasorintsi irishineventakemparira. Ario ikañoigaka aikiro gaigaririra ivatsa, yogaigari ineaigaketari iroro ikogake Tasorintsi, nerotyo omirinka isekataigara ishineventaigakari Tasorintsi iniaigakeri ikantaigakeri: “Apa Tasorintsi, noshinevageigakatyo pipaigakenarira yoka nogaigakemparira maika.” Ariotyo ikañoigaka terira irogaigempari ivatsa, ineaigi ariori tera inkoge Tasorintsi irogaigakemparira. Aikiro iriroegi omirinka isekataigara ishineventaigakari Tasorintsi ikantaigakeri: “Apa Tasorintsi, noshinevageigakatyo pipaigakenarora oka noseka nogaigakemparira maika.”

1 Korintokunirira 10:26

Magatirotari kipatsi ontiri magatiro timantagetarorira inti shintaro Atinkami.

1 Korintokunirira 10:30

Omirinkatari nogarira ivatsa noshineventari Tasorintsi noneaketari iriro pakenari, tyara onkantakempara inkantaitakenara tera onkametite nogakemparira.”