1 Timoteo 1:17 - Iriniane Tasorintsi

¹⁷ Irorotari maika nonkantantaigakempirira tsame ankantakanira ashineventaigakempari Tasorintsi ankantaigakerira pairo ikametivageti, irirotari Agoveenkariegite kantakanirira itimi, aikiro panirotyo ikantakara irirori itasorintsitasanotakera tera ineimatenkani, teranika inkoneatumate. Ario onkañotakempa. Amen.

1 Timoteo 1:17 Referans Kwoze

Yogikoneatimogetunkanirira Joan 19:1

Impogini nokemi ikaemavaitaiganakera enoku itovaigavagetiratyo kara ikantaigi: “¡Pairo ikametitasanoti Atinkami Tasorintsi! ¡Irirori inti Gavisaakotantatsirira pairorira ikoveenkavageti, aikiro inti gaveavagetatsirira!

Yogikoneatimogetunkanirira Joan 17:14

Impogini irirori irapatoitaigakeri maganiro intentashiigakemparira iromanaigakemparira Ovisha, kantankicha inti gaveantankitsine Ovisha, intitari Koveenkari pairorira yavisaigakeri maganiro koveenkaripage. Yogari itentaigakarira intiegi ikogakagaigakerira Tasorintsi irashintasanoigakemparira, aikiro inkematsatasanoigakerira ovashi ikantakani ikematsavageigakeri.”

Korosakunirira 1:15

Yogari Tasorintsi tera inkoneatumate, kantankicha antari ipokutira Kirishito aka kipatsiku yogikoneatimoigakai tyara ikanta, ikañotasanotakaritari irirori, intitari Itomi iketyosanorira timankitsi tekyara tatakona timumagetatsine.

Yogikoneatimogetunkanirira Joan 19:16

Antari igitsagareku ontiri ivoriku aityo otsirinkakotaka okanti: “Koveenkari pairorira yavisavageigakeri maganiro koveenkaripage.”

Iromakunirira 1:23

Tera irishineventaigempari Tasorintsisanorira gaveavagetatsirira ikantakanirira itimi, inti ishineventaigaka ipegageigakerira itasorintsiegite yovetsikaigakerira iriroegi ikañotagaigakari matsigenka neirorira igamane intiri kapankiripage intiri kamarigetatsirira intiri aikiro marankepage.

Yogikoneatimogetunkanirira Joan 19:6

Impogini nokemi kañomataka otsigempitarevagetira kareti okantira pugarara pugarara, aikiro kañomataka opoimaatira okimoagetira nia, aikiro kañoenkamataka ikaemavaitaigira tovaini matsigenkaegi ikantaigi: “¡Pairo ikametitasanoti Atinkami Tasorintsi gaveavagetatsirira! Matakatari ipegasanotaka Agoveenkariegite.

1 Joan 4:12

Tera tyani neimaterine Tasorintsi, kantankicha antavakagaigakemparika intentasanoigakae, impo ariompa antasanotantaiganakempari.

Joan 1:18

Tera tyani neimaterine Tasorintsi, kantankicha yogari Itomi panirorira tentasanotaririra yogikoneatimoigakai tyara ikanta irirori.

Mateo 6:13

Pimpampogiakoigakenara ganiri opokashigeigana garira noshintsitashigeigiro. Onti nokogaigake pishintsitagaigakenara ganiri yagaveaigaana kamagarini inkañovagetagaigaenara.’

Yogikoneatimogetunkanirira Joan 15:3

Imatikaiganake imatikane Moiseshi iromperane Tasorintsi ontiri aikiro imatikane Ovisha okanti: “Notinkami Tasorintsi, pikoveenkavagetiratyo kara. Nogavageiganake kavako noneagetakerora povetsikagetakerora posantepage. Virori vinti pairorira pagaveavageti. Aikiro vinti Igoveenkariegite maganiro matsigenkaegi. Katinka pogagetakero magatiro.

Yogikoneatimogetunkanirira Joan 7:12

ikantaigi: “¡Ario onkañotakempa maika!, inkantakanira irishineventavagetakenkani Tasorintsi inkantakenkanira: Vinti pairorira pikoveenkavageti. Vinti pairorira pogovageti. Inkantaigakempi maganiro pairo pikavintsaantavageti, aikiro impinkatsaigakempi. Vinti pairorira pagaveavageti, aikiro vinti pairorira pishintsivageti. ¡Kantanakaniroro onkañotanakempa maika! ¡Amen!”

2 Perero 3:18

Onti ariompa pinkematsatasanovageiganakeriri Atinkami Jesokirishito, aikiro pogotasanoiganakerira. ¡Tsame ashineventavageigakemparira omirinka ovashi kantanakaniroro ashineventavageigakemparira! Ario onkañotakempa. Amen. Maika intagati, Sumo Perero

1 Perero 5:11

Tsame ankantakanira ashineventaigakempari, intitari pairorira yagaveavageti. Ario onkañotakempa. Amen.

Evereoegi 11:27

Impogini iokanakero Ejipito iatakera parikoti tera impinkeri koveenkari inkisakerira, yogotaketari inti mampianakeri Tasorintsi. Ariompatyo iatanakeri kañomataka ontinirikatyo ineakeri itentanakarira.

Iromakunirira 16:27

Iroroventi maika ¡kante inkantakanityo irishineventavagetakenkani Tasorintsi panirorira ikanta irirori yogovagetira, irirotyo Jesokirishito neakagaigakerine maganiro arisano pairo yavisake ikametivagetakera! Ario onkañotakempa. Amen Maika intagati, Pavoro

Iromakunirira 11:36

Magatirotari oneagetunkanirira inti vetsikagetakero irirori, aikiro inti shintsitagagetiro, irirotari shintagetaro magatiro. Iroroventi maika ¡tsamekario ashineventaigakemparira ankantakanira ankantaigakeri: “¡Pairo pikametivageti!” Ario onkañotakempa. Amen.

Iromakunirira 2:7

Ikonogagarantaigaka matsigenka ikantakani inegintevageiga, ikogaigaketari iriaigakera enoku irishineventaigavakemparira Tasorintsi inkantaigavakerira: “Maikari maika pikematsatakenatari, taina pinkantakanira pintimake naroku pinkañotakenara naro noshimpokirerenkakera.” Maganiro kañoigacharira maika inkantaigakeri Tasorintsi inkantakanira intimaigake iriroku.

Iromakunirira 1:20

Aroegi tera aneaigavetempari Tasorintsi, kantankicha antari oneinkanira magatiro yovetsikagetakerira pairani okyasanokyara yovetsikake kipatsi ontiri aikiro magatiro timantagetarorira, ario pinkante ogotunkani inti Tasorintsisanorira pairorira yagaveavageti, nerotyo gara tyani kantumatatsi: “Narori tera nogote.”

Mateo 28:20

Pogotagaigakerira inkematsaigakenara intsatagaigakerora magatiro nokantaigakempirira. Narori nonkantakani nontentaigakempi omirinka kutagiteri ovashi ontsonkatanaempara kipatsi.

Mateo 25:34

Impogini inkantaigakeri naigankitsirira irakosanoriraku: ‘Tainaegi viroegi ikavintsajaigakerira Apa pashintaigakemparora magatiro yovetsikaigakempirira. Pairani okyasanokyara yovetsikagetake kipatsi viroegitari isariaigaka inkavintsajaigakempira.

Joan 5:44

¿Tyara pinkantaigakempara pinkematsaigakenara? Ontitari pisureigaka pishineventavakagaigakempara, tera iroro pisuretumaigempa irishineventaigakempira Tasorintsisanorira panirorira ikanta irirori.

Iromakunirira 2:10

Kantankicha yogari negintevageigacharira iriaigake enoku irishineventaigavakempari Tasorintsi inkantaigavakerira: “Maikari maika pikematsatakenatari, taina pinkantakanira pintimake naroku pinkañotakenara naro noshimpokirerenkakera, aikiro pintimagantsivagetakera kameti gara otimumatai veraakempinerira.” Ario inkañotagaigakeri maganiro irirorika jorioegi intirika terira iriroegi jorioegi.

Evereoegi 2:7

Taina pavisakagaigavetakari pisaankariite yavisaigavetakena naroegi, kantankicha pishineventaigakena pavisakagavageigakenarora