Rm 8:35 - Ikan feg

³⁵ Wə̀d ne biri si ghì gha imbə̀ʼ Yeso chè yi imbìghè ni kɔ̀ŋ awa àkə we? Àkə ngəʼ, kə̀ àkə njèg, kə̀ àkə anug ne mbe chɔ̀ʼɔ ìmba ibɔʼì ighog, kə̀ àkə ifum, kə̀ àkə inug ne fàŋà awa, kə̀ àkə anug ni təm ichug iwu?

Meta’

³⁵ À kɨə we bɨrɨ ghabrɨ əwa tɨ ənɨ ɨchî nɨ Kristo ghaʼ əwa ə? À kɨə ŋgəʼ, kɨ̀ à kɨ ɨnû ka ka, kɨ̀ à kɨ ənû nɨ nwendɨ tɨkyerɨ-ɨwu, kɨ̀ à kɨ ə njì kǎ kǎ, kɨ̀ à kɨ ənû nɨ yen tɨ̀sɔ̀ʼ ɨkyerɨ, kɨ̀ à kɨ ənû nɨ nim, kɨ̀ à kɨ ənû nɨ kwɨ ɨchû ɨbi ə?

Rm 8:35 Referans Kwoze

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Rm 8:39

ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

1 Kɔrèn 4:11

Tì we amad anìŋ chəyi tijəg, chəyi mənib ni no. Tì we zìyè ichəʼ ndwi. Bəd mbe bə̀ sɔ̀mɔ awa. Chəyi tì bə bèrì asiŋi chughi.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Jn 13:1

À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Rm 2:9

Ŋwiye biri zì ngəʼ kyen igun wə̀d ijìm ne ghìyə̀ inug tibɔ̀ŋ. Wì biri ko ni zì ngəʼ ze igun mə̀Ju, nɔ̀ʼ ghò igun bəd ne kayi mə̀Ju. Mbi biri zə̰ ngəʼ. Ìtɔb nyàmnyɔd biri bə tɔ.

Rm 8:37

Si ya gha, inga inug mbo̰ ijìm, tì ya icheg bəd ne màʼi ibid chè anjìm Yeso Kristo ne kɔ̀ŋi awa.

1 Kɔrèn 4:12

Tì ya zìyè atog fàʼà ane ìmba ibo. Anyumə̀ ne bəd zɔmbi awa, tì ya chàʼrà Ŋwiye zìyè àbɔrɔ̀bɔd igun inɔb. Anyumə̀ ne bəd mbe chɔ̀ʼɔ ìmba ibɔʼì ighog, tì ya nyìʼè.

2 Kɔrèn 4:8

Ngəʼ ze nyḭ̀yḛ igun ina iba ijìm, si ya gha, chəyi zì zwète awa. Ìmba itog mbe bùrə̀, si ya gha, chəyi ìta fìŋ bɔri.

2 Kɔrèn 4:9

Bəd mbe chɔ̀ʼɔ ìmba ibɔʼì ighog, si ya gha, chəyi Ŋwiye waʼi awa. Bəd mbe gwìyè awa tùmə aseg, si ya gha, chəyi tì ku.

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

Efesùs 3:19

Mə we bə̀ chàʼrà Ŋwiye gha mbə̀ kyeri gha, icheg ne Kristo kɔ̀ŋi awən we chè icheg ne tì bəd kyeri. Mbə̰ mə̀ taŋ kyèri icheg ne wì kɔ̀ŋi awən, nji ìwən ikuchèg biri si yaʼ icheg ìwi Ŋwiye.