Rm 7:14 - Ikan feg

¹⁴ Tè kyèri gha mə̀nɔ̀ʼɔ̀ Muse ya Azwighi Ŋwiye nàʼi. Chəyi mbi beri ngəʼ. Àsi wə̀d-aku icheg inum, inug tibɔ̀ŋ fə niŋ amə ane àbòʼì.

Meta’

¹⁴ Tɨ̀ kyerɨ ni tɨkə yɨ rɨ əmbɨ Əzwî, àyɨə chəi əzwî ɨŋga num. Mbɨ fə fen əmɨ ənɨ ə̀bòʼò əmbɨ ɨnû rɨbɔ̀ŋ.

Rm 7:14 Referans Kwoze

Rm 7:18

Ane, mə kyèri gha chəyi anug chɔm mɔ̀ʼɔ ne yaʼi inga inum. À ya ikuchèg tibɔ̀ŋ yaʼi inga inum. Mə bèrì fìŋ ni ghì inug chɔm, si ya gha, chəyi tì mə ghì.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Matìyò 5:28

Anug ne mə ghà inən amad anìŋ ya gha, wə̀d mə nèn àyi ghə̀ʼrì, tengàŋ fə fànì tì àyi we ibo inga fìŋ.

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Lk 7:6

Ane, Yeso ya nɔ̀ʼ ko ghò tì inɔb. Anyumə̀ ne mbɔb ya gho se pè, atog wə̀d abə mə̀sogyì iki we ya chà mə̀sə̀ʼ məd gha mbe gho ghà abə Yeso gha, “Anɔŋisəg, imbə̀ʼ àghò nwìʼe awe ìwe nyɔd. Chəyi mə̀ koʼi ni gha àghò yeʼe inum achan.

Lk 5:8

Anyumə̀ ne Sayimùn Pità ya bàri anug azo̰, wì ya chìndì itog inwḭ aseg imbìghè abə Yeso, si ghà ibo gha, “Anɔŋisəg, nɔ̀ʼɔ awe iban inum imbə̀ʼ icheg ne mo ya wə̀d inug tibɔ̀ŋ.”

Matìyò 18:25

Icheg ne chəyi wə̀d we ya beri ikab we ni ywì ibo, mbaʼ àfàʼì məd ya gha mbe niŋ aməd tì iweg məd tì bɔn məd fɔrɔ ighi məd ijìm fèn yèʼe ywì njo ze.

Matìyò 16:23

Yeso ya ghabri ghà abə Pità gha, “Sàtàn! Nɔ̀ʼɔ inum anjìm! Àghò we kə̰ ìmə inɔnjì. Chəyi àghò nɔŋi ìwe ikɔndi igun anug ne Ŋwiye kə̀bi. Àghò nɔ̀ŋì ìwe ikɔndi yaʼ məyi igun anug ne wə̀d-aku we kə̀bə̀.”

Mə̀Hibrù 4:12

Aton ya gha, Ìngam Ŋwiye bèrì ika ni fàʼ inug mbe ne Ŋwiye we kə̀bə̀. Ìngam Ŋwiye bèrì ika. Wi ya bə̀ tɔ iba ijìm icheg ibeg ibid. Wi ya mə̀ zùm wə̀d, wì ya ghàpà nyàmnyɔd tì azwighi bə̀ ghàpà iwu tì isɔŋ. Wi bə̀ taŋ bèrì ika ni kyeri inug mbe ne bəd mbe kɔ̀ndɔ bə̀ kyèri inug mbe ne yaʼi inga fìŋ abə bəd.

Rm 3:9

Tì kə ywiri si ghà gha ane inug mbo̰ ijìm? Àkə ane ikuchèg weg ne mba mə̀Ju to bɔ̀ŋ chè bəd ne kayi mə̀Ju? Chəyi ka imbə̀ʼ icheg ne mə nèn gha bəd məjìm mbe aton ika inug tibɔ̀ŋ ne chəyi tì mbi bu, mə̀Ju fɔrɔ bəd ne kayi mə̀Ju.

Rm 6:6

Tè kyèri gha Yeso ya fə bèʼì ìwa ikuchèg anun ne ya ikuchèg tibɔ̀ŋ ku igun azed abaʼri tì ìwiwən ni chìkì ika inug tibɔ̀ŋ igun ina. Wì ya ghì ane ni gha imbə̀ʼ tì ywiri yaʼ awa məfeg abə inug tibɔ̀ŋ.

Gàlesìyà 4:3

À ya bə̀ kwàʼ ane tì ina. Anyumə̀ ne tì ya yaʼi bɔn kwa tì ya yaʼ icheg ìbòʼì abə izwighi mbe ne sàʼa isəg gho̰.