Rm 6:23 - Ikan feg

²³ Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Meta’

²³ ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 6:23 Referans Kwoze

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Rm 5:12

Icheg ne inug tibɔ̀ŋ ya nyi inga isəg anjìm wə̀d imɔʼ, iwu ya bə̀ nyi anjìm inug tibɔ̀ŋ. Ane, iwu ya nyi igun wə̀d ijìm imbə̀ʼ icheg ne anjìm wə̀d imɔʼ, wə̀d ijìm ya gùg anug.

Jems 1:15

Anyumə̀ ne inug tibɔ̀ŋ mbe ne wə̀d we ghə̀ʼrə̀ fə nyi chùghi ibo inga fìŋ, mbi ya ghìyə̀ gha wì ghiyə inug tibɔ̀ŋ. Anyumə̀ ne inug tibɔ̀ŋ fə ka inga wə̀d, mbi ya zwète məd.

Jn 6:40

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Rm 5:17

À ya tesiʼ gha anjìm anug tibɔ̀ŋ Adàm, iwu ya bèrì ika igun wə̀d ijìm. Si ya gha, àfàʼì ne wə̀d imɔʼ ne ya Yeso Kristo fàʼi, ze faŋ chè. Ane, bəd mbe ne niŋi ìchɔ̀mì nɔʼ nɔʼ we ne Ŋwiye nàʼi ne Ŋwiye fə bə ghì fìŋ chɔ̀m niŋ awɔb ane bəd ne ghìyə̀ inug ne təmi kòʼ, mbi biri chughi se fɔrɔ tùmbə̀ isəg tì Kristo.

Rm 6:16

Chəyi àghò kyèri gha wə̀d ne àghò də̀bi ni yaʼ ifeg ibo bə̀ zùgri aməd, àghò ya kwàʼ ifeg abə ìwe Mbaʼ we ne àghò we zùgrə aməd? À ya ane, kə̀ àkə ni yaʼ ifeg abə inug tibɔ̀ŋ, ghì inug tibɔ̀ŋ ne zwète wə̀d, kə̀ àkə ni yaʼ ifeg abə Ŋwiye, zùgrə aməd, ghì inug ne təmi kòʼ ibo imbìghè.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

1 Jɔn 2:25

Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

Gàlesìyà 3:10

Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Rm 1:32

Ka mbɔb jiʼì kyèri isɔbi anug Ŋwiye ne təmi kòʼ, gha bəd mbe ne ghìyə̀ tiku inug ìto̰ kòʼ ni ku, mbɔb ya bə̀ kiri che imbìghè ni ghì inug mbo̰ bə̀ ywìrè chɔ̀tɔ̀ bəd mbe ne ghìyə̀ tiku inug ìto̰.

Rm 6:21

Ane, chùd ne mbə̀ ya beri àkə iza? Mbə̰ ya anìŋ se bèrè tìnìrètog imbə̀ʼ inug ne mbə̀ yaya fàʼà. Chùd ane inug mbe ya iwu.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

Rm 8:13

À ya ane imbə̀ʼ icheg ne wə̀d ne ghìyə̀ inug mbe ne nyàmnyɔd məd ze ghə̀ʼrə̀, tengàŋ biri ku nim. Àsi wə̀d ne Azwighi Ŋwiye chiki ika we ne inug tibɔ̀ŋ beri igun bəd chì inga məd, tengàŋ biri jəg ìtḛ̀.

Rm 8:38

Mə kyèri kwàʼ tesiʼ gha, chəyi aghi mɔ̀ʼɔ ne tì ze ghì gha imbə̀ʼ aməd si ywiri kɔ̀ŋɔ̀ yi awa, kə̀ àkə iwu, kə̀ àkə ìtḛ̀, kə̀ àkə mbè angirə̀, kə̀ àkə tika afub te ne yaʼi ikaŋ, kə̀ àkə inug mbe ne yaʼi inga nyùmə̀ isəg gho̰, kə̀ àkə mbe ne biri ghum yeʼe,

Rm 8:39

ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.