Rm 6:21 - Ikan feg

²¹ Ane, chùd ne mbə̀ ya beri àkə iza? Mbə̰ ya anìŋ se bèrè tìnìrètog imbə̀ʼ inug ne mbə̀ yaya fàʼà. Chùd ane inug mbe ya iwu.

Meta’

²¹ Mbə nyaʼa jɨg ye tɨ ənɨ ɨnû mbe nɨ mbə ɨtu ə nìd ɨmbə̀ʼ mbɨwən tɨ̀nîn ə? Ɨnwǐ rɨ ənɨ ɨnû mbe yɨ ɨvɨ.

Rm 6:21 Referans Kwoze

Rm 1:32

Ka mbɔb jiʼì kyèri isɔbi anug Ŋwiye ne təmi kòʼ, gha bəd mbe ne ghìyə̀ tiku inug ìto̰ kòʼ ni ku, mbɔb ya bə̀ kiri che imbìghè ni ghì inug mbo̰ bə̀ ywìrè chɔ̀tɔ̀ bəd mbe ne ghìyə̀ tiku inug ìto̰.

Rm 7:5

Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

Mə̀Hibrù 6:8

Àsi ìseg ze ne məyi agyen njəŋ tì agyen tibɔ̀ŋ ya kwèghe igun ya ati ako abə wə̀d mben. Ŋwiye biri zì ndɔ̀n igun ìseg ze. Ane, Iywid biri tɔ̀n asiŋi ìseg ze.

Rm 8:13

À ya ane imbə̀ʼ icheg ne wə̀d ne ghìyə̀ inug mbe ne nyàmnyɔd məd ze ghə̀ʼrə̀, tengàŋ biri ku nim. Àsi wə̀d ne Azwighi Ŋwiye chiki ika we ne inug tibɔ̀ŋ beri igun bəd chì inga məd, tengàŋ biri jəg ìtḛ̀.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

Ɨnû 20:14

Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe.

Ɨnû 16:6

Bəd tibɔ̀ŋ ya tùti anəm ìmbe bəd fɔrɔ àzi ìmbe bədkə̀n. Ane, àghò fə nàʼ anəm inɔb gha mbe no. À ya aghi ne kòʼi ni nàʼ inɔb!”

1 Pità 4:17

Nyùmə̀ kòʼ ne Ŋwiye biri ko ni saʼ bəd. Wì biri ko ni saʼ bəd igun bəd ne yaʼi inga inəbi bəd Ŋwiye. Ŋwiye kə mə ko ni saʼ bəd igun ina, mbə̀ si kɔ̀ndi gha ìnwḭ bəd mbe ne chəyi mbe zùgrə ikən chɔm ne Ŋwiye gha kə ghùm si yaʼ iye?

Jems 5:20

Mbə̀ wendi gha, wə̀d ne wèti wə̀d ne fèbè, wì biri chì aməd ichug iwu. Ane, Ŋwiye biri waʼ inug tibɔ̀ŋ nɔʼ nɔʼ abə wə̀d we ne kə̀ febe.

Jems 1:15

Anyumə̀ ne inug tibɔ̀ŋ mbe ne wə̀d we ghə̀ʼrə̀ fə nyi chùghi ibo inga fìŋ, mbi ya ghìyə̀ gha wì ghiyə inug tibɔ̀ŋ. Anyumə̀ ne inug tibɔ̀ŋ fə ka inga wə̀d, mbi ya zwète məd.

Mə̀Hibrù 10:29

Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye?

2 Kɔrèn 7:11

Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

Rm 5:12

Icheg ne inug tibɔ̀ŋ ya nyi inga isəg anjìm wə̀d imɔʼ, iwu ya bə̀ nyi anjìm inug tibɔ̀ŋ. Ane, iwu ya nyi igun wə̀d ijìm imbə̀ʼ icheg ne anjìm wə̀d imɔʼ, wə̀d ijìm ya gùg anug.

Rm 6:16

Chəyi àghò kyèri gha wə̀d ne àghò də̀bi ni yaʼ ifeg ibo bə̀ zùgri aməd, àghò ya kwàʼ ifeg abə ìwe Mbaʼ we ne àghò we zùgrə aməd? À ya ane, kə̀ àkə ni yaʼ ifeg abə inug tibɔ̀ŋ, ghì inug tibɔ̀ŋ ne zwète wə̀d, kə̀ àkə ni yaʼ ifeg abə Ŋwiye, zùgrə aməd, ghì inug ne təmi kòʼ ibo imbìghè.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.