Rm 4:3 - Ikan feg

³ A ze inga Àŋwàʼrì Ŋwiye gha, “Abràham ya nɔ̀ŋì ibḛfiŋ igun Ŋwiye kwàʼ icheg chɔm. Ane, Ŋwiye ya niŋ aməd ane wə̀d ne təmi kòʼ ibo imbìghè.”

Meta’

³ Zɨə kɨ ɨŋga Ə̀ŋwàʼnɨ̀ ə Ŋwiə̀ ni yè ə? Ə zɨ ɨŋga ni, “Abràham nyaʼa nùŋ i fîŋ ɨgun ə Ŋwiə̀, əne Ŋwìə̀ nyaʼa ben ni məd ə təm kùʼnɨ̀.”

Rm 4:3 Referans Kwoze

Jems 2:23

Anug ne Àŋwàʼrì Ŋwiye ya gha imbə̀ʼ Abràham ya dù ane tesiʼ. Anug ze ya gha, “Abràham ya bḛ Ŋwiye, ane Ŋwiye niŋ aməd ane wə̀d ne təmi kòʼ.” Àze ya ghì Ŋwiye kàrì aməd ane ìwi ìsə̀ʼ.

Rm 4:9

Àbɔrɔ̀bɔd Ŋwiye kə məyi abə mə̀Ju kə̀ ze ya fɔrɔ abə bəd ne kayi mə̀Ju? Anug ne te ghà ya gha, Ŋwiye ya niŋ Abràham ane wə̀d ne təmi kòʼ anjìm ibḛfiŋ məd.

Rm 4:5

Si ya gha, bəd ya tə̀mə zḛ imbìghè abə Ŋwiye anjìm ìwɔb ibḛfiŋ, kayi imbə̀ʼ ìmbɔb ìfàʼì. À ya Ŋwiye we ghìyə̀ gha bəd təm kòʼ ibo imbìghè.

Rm 4:11

Àŋwerì ze ya yaʼ aneni ni chwi gha Ŋwiye niŋ aməd ane wə̀d ne təmi kòʼ anjìm ibḛfiŋ məd anyumə̀ ne chəyi mbi ya kiri ŋweri aməd. Ane, Abràham ya mbaʼ mbègtog abə bəd mbe ne nɔŋi ibḛfiŋ igun Ŋwiye ne chəyi mbi ŋweri awɔb. Ze ya yaʼ ane ni ghì gha Ŋwiye bə niŋ awɔb ane bəd ne təmi kòʼ.

Rm 11:2

Chəyi Ŋwiye ya to̰ bəd məd mbe ne wì ya fə chɔʼi bɔŋ se tànga isəg. Àkə chəyi mbə̀ kyeri anug ne Àŋwàʼrì Ŋwiye gha imbə̀ʼ Èlayijà, ane icheg ne wì ya boʼi ibo abə Ŋwiye imbə̀ʼ mə̀Izre?

Rm 10:11

Àŋwàʼrì Ŋwiye ze ghà gha, “Wə̀d ne nɔŋi ìwi ibḛfiŋ igun məd, chəyi tengàŋ biri bèrì tìnìrètog.”

Rm 9:17

A ze inga Àŋwàʼrì Ŋwiye gha, Ŋwiye ya ghà abə ifɔn Ferò gha, “Mə ya nɔ̀ŋì awe ane ifɔn ni chwi ìmə ika. Àze biri ghì bəd se chètè inug imbə̀ʼ amə inga isəg ijìm, ghà icheg ne mə̀ beri ika.”

Mk 12:10

Chəyi mbə̀ kiri fɔŋi anug azo̰ inga Àŋwàʼrì Ŋwiye gha, ‹Iteg we ne bəd ne kɔ̀rɔ nəb ya to̰ awɔb, wì fə bə̀ŋə̀ ane iteg ibog nəb.

Jems 4:5

Kə̀ mbə wa kɔ̀ndi gha ìngam we ne yaʼi inga Àŋwàʼrì Ŋwiye ya ati ako? Ìngam we ya gha, “Ŋwiye we ghə̀ʼrə̀ Azwighi məd ze ne wì ghi gha ze yaʼ inga ina.”

Matìyò 20:9

Ane, bəd mbe ne ya ko àfàʼì ane mə̀nyùmə̀ ita̰ ne achwi fə fḛ ya ghò ni gha mbe naʼa ìwɔb ikab. Mbi ya nàʼ ikab àfàʼì ane aneg afibì abə wə̀d imɔʼ imɔʼ abɔ̀ʼ inɔb.