Rm 3:20 - Ikan feg

²⁰ Chəyi wə̀d mɔ̀ʼɔ angu ne təmi kòʼ imbìghè abə Ŋwiye imbə̀ʼ icheg ne we ghìyə̀ inug ne mə̀nɔ̀ʼɔ̀ gha. Mə̀nɔ̀ʼɔ̀ ya ghìyə̀ bəd kyeri gha mbɔb mbe ghìyə̀ inug tibɔ̀ŋ.

Meta’

²⁰ Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Rm 3:20 Referans Kwoze

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Ɨ̀fàʼì 13:39

Ane, Ŋwiye fə ghì wə̀d imɔʼ imɔʼ we ne bḛ Kristo wì təm kòʼ, ne chəyi tì mə̀nɔ̀ʼɔ̀ Muse ya ghì wə̀d təm kòʼ.

Rm 3:28

Tè kyèri gha wə̀d ya tə̀mə kòʼò imbìghè abə Ŋwiye ane tengàŋ beri ibḛfiŋ igun Yeso. Kayi imbə̀ʼ icheg ne wì ya ghìyə̀ inug mbe ne yaʼi inga mə̀nɔ̀ʼɔ̀ Muse.

Gàlesìyà 2:19

Anug mə̀ yaʼ àze ne zi mə̀nɔ̀ʼɔ̀ Muse, mo ya icheg awu wə̀d, awu wə̀d ne à ya mə̀nɔ̀ʼɔ̀ Muse zweti. Ane ya ni ghì gha mə̀ si yaʼ izɔm se fàʼà abə Ŋwiye.

Rm 4:15

À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Rm 9:32

Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”.

Rm 5:20

Mə̀nɔ̀ʼɔ̀ Muse ya ghì inug tibɔ̀ŋ nɔʼ. Si ya gha, asiŋi ze ne inug tibɔ̀ŋ nɔʼi ìchɔ̀mì Ŋwiye ya nɔ̀ʼɔ chè.

Rm 4:13

Kayi imbə̀ʼ icheg ne Abràham yaya nɔ̀ŋɔ̀ mə̀nɔ̀ʼɔ̀ Muse ne Ŋwiye ya kàʼi gha məd tì bɔn ane aghaŋ inəbi məd biri jəg ighi igun isəg. À ya anjìm ibḛfiŋ məd ne Ŋwiye ya niŋi aməd ane wə̀d ne təmi kòʼ.

Gàlesìyà 5:4

Wə̀d ne kə̀bə̀ gha mə̀nɔ̀ʼɔ̀ ghiyə wì təm kòʼ imbìghè abə Ŋwiye, tengàŋ kyeri gha chəyi ywìrè məd ane anug amɔʼ tì Kristo. Tengàŋ kyeri gha wì fə bə̀ to̰ yi ìchɔ̀mì we ne Ŋwiye ghi ina.

Rm 5:13

Inug tibɔ̀ŋ ya fə se yi inga isəg bɔŋ Ŋwiye ya se nàʼà mə̀nɔ̀ʼɔ̀ abə Muse. Si ya gha, chəyi mbe nyìme wə̀d gha wè gùg anug asiŋi ne chəyi mə̀nɔ̀ʼɔ̀ angu.

Rm 2:13

Chəyi wə̀d we tə̀mə kòʼò imbìghè abə Ŋwiye məyi imbə̀ʼ icheg ne we zùghə mə̀nɔ̀ʼɔ̀ Muse. Wə̀d ya tə̀mə kòʼò məyi ane we fàʼà inug mbe ne mə̀nɔ̀ʼɔ̀ mbe ghà.

Rm 7:11

Inug tibɔ̀ŋ fə chè anjìm nɔ̀ʼɔ̀ we si bèrì apan ni tambi amə bə̀ zwèti amə.

1 Kɔrèn 15:56

Ifin iwu ya inug tibɔ̀ŋ. Ika ni ghì inug tibɔ̀ŋ ya nɔ̀ʼɔ̀ ane mə̀nɔ̀ʼɔ̀.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.