Rm 2:4 - Ikan feg

⁴ Àghò we wa wèghè inug chɔm nɔʼ nɔʼ mbe ne Ŋwiye we ghìyə̀ ine anjìm fìŋ chɔm məd bə̀ fɔrɔ icheg ne Ŋwiye we nyìmbe fìŋ tì ine, icheg ne wì sàŋi gha àghò be ghìyə̀ inug mbe ne chəyi mbi koʼi? Kə̀ chəyi àghò kyèri gha Ŋwiye ya ghìyə̀ fìŋ chɔm ine, nàʼà apan ine gha àghò bəŋi fìŋ sìkì inug tibɔ̀ŋ?

Meta’

⁴ À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

Rm 2:4 Referans Kwoze

2 Pità 3:9

Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Rm 3:25

Ŋwiye ya chà aməd icheg aghi àfàtì ina atog ni ghì gha anəm məd so ìmba inug tibɔ̀ŋ. Ane ya anjìm icheg ne tì nɔŋi ìwa ibḛfiŋ igun Yeso. Ŋwiye ya chwi anjìm inyimbifiŋ gha zìye we ghìyə̀ inug ne koʼi imbə̀ʼ icheg ne anyumə̀ ne chəyi wì ya kiri naʼi mə̀nɔ̀ʼɔ̀, chəyi wì ya chə bəd mbe ne yaya bə̀ ghìyə̀ inug tibɔ̀ŋ.

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.

Rm 11:33

Weye! mbə̀ nḛ icheg ne Ŋwiye we ghìyə̀ ìchɔ̀mì abə bəd məjìm. Mbə̀ nḛ icheg ne wì beri iwe bə̀ kyèri inug ijìm! Chəyi tì wə̀d kyèri tikɔndi məd. Chəyi tì wə̀d bə kyèri tikuchèg məd.

Rm 11:22

Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

Efesùs 2:4

Si ya gha, Ŋwiye we ne dìgrè igun bəd kwàʼ icheg chɔm, ne bə̀ kɔ̀ŋɔ̀ bəd kwàʼ icheg chɔm, məd ya ghì gha,

2 Pità 3:3

Anug mbègtog ne mbə̀ beri ni wendi ya gha, inga ineg mbe ne se nwìyḛ̀, bəd ne chwìte inug ako biri yeʼe se chàpà inug tesiʼ mbe be mbə̀ nɔŋi ibḛfiŋ igun. Mbɔb biri se bène yaʼi abɔ̀ʼ inug mbe ne ìtɔb nyàmnyɔd te ghə̀ʼrə̀.

1 Pità 3:20

À ya izwighi bəd mbe te aneg, ne yaya ghìyə̀ tìzughə̀ abə Ŋwiye anyumə̀ ne Ŋwiye yaya nyìme fìŋ ghɔ̀mɔ̀ ne Nwa̰ yaya kɔ̀rɔ abaŋ. Bəd mbe ne Ŋwiye ya pumni awɔb ya məyi bəd ìfàmi mbe ne ya nyi inga abaŋ, nəŋ igun mənib.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

Fìlipì 4:19

Ìmə Ŋwiye biri nàʼ ighi ijìm mbe ne mbə̰ mbe kə̀bə̀ inən. Wì biri chè anjìm Yeso Kristo nàʼ ighi inən inga ighi nɔʼ nɔʼ mbe ne məd bèri.

Ɨnû 3:20

Nḛ, mə təm inuʼ nəb se gɔ̀ngɔ. Wə̀d ne zughi ìmə gì, fìʼì inuʼ nəb, mə biri nyi inga nəb tì se fɔrɔ jə̀ghə inɔn.

1 Timotì 1:16

Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Rm 6:15

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ icheg ne chəyi mə̀nɔ̀ʼɔ̀ ywirì bèrì ika igun ina fɔrɔ imbə̀ʼ icheg ne tì si yaʼ inga ìchɔ̀mì we ne Ŋwiye fə ghi ina? Indèʼ ka!

Rm 6:1

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ Ŋwiye che imbìghè ni ghì ìchɔ̀mì ina?

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

Efesùs 3:16

Mə we chàʼrà Ŋwiye gha, ane ifɔmi məd we ne chəyi wi biri nɔʼ mèg, wì ghiyə ìtən fìŋ təm kà anjìm ika we ne Azwighi məd ze nàʼà.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Rm 10:12

Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

2 Kɔrèn 8:2

Mbi ya chè inga ngəʼ ne taŋ kà, si ya gha, igyendi ya sweg inga ìtɔb fìŋ. Àze ya ghì gha mbɔb ya ghàpà ìmbɔb ighi, ka mbɔb ya yaʼ bəd ne chəyi àzɔb.

2 Pità 1:11

Ane, Ŋwiye biri nàʼ ika ijìm inən ni nyi inga anug ìfɔ̀n ighə̀m imɔʼ àzi ìwa Anɔŋisəg Yeso Kristo ne pùmnə awa.

Ɨnû 2:21

Mə ya nàʼ nyùmə̀ ibo gha wì bəŋə ìzi fìŋ ane ifanì inug mbe ne wì ya ghìyə̀. Si ya gha, wì ya ton yi ni bə̀ŋì.