Rm 16:2 - Ikan feg

² Mbə̀ niŋ aməd ane ikum Anɔŋisəg icheg ne ze koʼi gha mbə̀ niŋ bəd Ŋwiye. Mbə̀ wete aməd ni nàʼ ighi ne wì bìri inən imbə̀ʼ icheg ne məd ini fə wètì bəd nɔʼ nɔʼ bə̀ wètì amə.

Meta’

² Mbə̀ nɨŋ əməd ənɨ ɨkum Ə̀nùŋɨ̀sɨg ɨchî nɨ zɨə kuʼ ni mbɨ nɨŋ bə̂d Ŋwiə̀. Mbə̀ bə̀ wèèrɨ̀ əməd mbɨ əghɨ ə mɔʼɔ ze nɨ wɨ̀ biirɨ ɨ nən, ɨmbə̀ʼ ɨghəm nɨ məd ziə fə wèèrɨ̀ bə̂d mɨ̀nɔnɔʼ, bə̀ wèèrɨ̀ əmɨ.

Rm 16:2 Referans Kwoze

Fìlipì 2:29

Ane, anyumə̀ ne wì yèʼe, mbə̀ niŋ aməd kwàʼ ane igyendi icheg ne mbə̰ mbe nìŋə bəd mbe ne bḛ Anɔŋisəg. Mbə̀ ya ghùmnə bəd ne yaʼi icheg məd,

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

2 Jɔn 1:10

Ane, wə̀d mɔ̀ʼɔ mə̀ yèʼe inən ne chəyi we chwìte inug mbo̰, imbə̀ʼ mbə̰ niŋ awən məd inga ìmbən ichan kə̀ bì chàʼrì aməd.

Filemɔ̀n 1:17

Ane, àghò mə kyèri gha mo ya bə̀ wə̀d àfàʼì Kristo icheg ine, àghò ywiri niŋ aməd kwàʼ icheg ne nji àghò kə̀ niŋ amə.

Filemɔ̀n 1:12

Mə ya anìŋ ywìrè chà aməd ine. Ìmə fìŋ ijìm ze igun məd.

Tayitùs 2:3

Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

2 Timotì 1:18

Anɔŋisəg Yeso wete aməd bə̀ chwi àzi àsɔ̀mnəfiŋ ibo ane aneg ze ne Anɔŋisəg biri ywiri yeʼe. Àghò kyèri awe icheg ne wì ya wèti amə a Efesùs.

1 Timotì 2:10

Mə̀yi nyimi yaʼ ikuchèg chɔm icheg bəd ne bḛ gha mbɔb mbe ghùmnə Ŋwiye.

Kòlosè 4:10

Àristakùs ne mə̀ yaʼi inga nəb ndəŋ tì məd we chàʼrà awən. Mag we ne məd tì Bànabàs yaʼi bɔn ane bɔn wə̀d ifibì we bə̀ chàʼrà awən. Mbə̰ fə zug inug imbə̀ʼ aməd. Məd mə̀ yèʼe, mbə̀ niŋ aməd kwàʼ icheg chɔm.

Efesùs 5:3

Icheg ne mbə̀ yaʼi bɔn Ŋwiye, chəyi ze bɔŋi gha afabi imbə̀ʼ inug tibɔ̀ŋ yaʼ inga ìwən ifeti icheg anug ni nɔ̀kì mə̀yi kə̀ nɔ̀kì mbaŋà abu abu kə̀ àzùnì kə̀ anug ni ghə̀ʼrə̀ ighi. Chəyi ze bɔŋi gha bəd Ŋwiye ya fàʼà tiku inug ìto̰.

Rm 16:23

Gayòs ne mə chùghə ibo inga achan tì bəd Kristo mbe ne nyìme ifeti ibo inga nəb mbe bə̀ chàʼrà awən. Èrastùs ne nɔ̀ŋɔ̀ ikab aben inga asiŋi azo̰ tì Kwatùs ne yaʼi ìwa ifi we bə̀ chàʼrì awən.

Rm 16:9

Mbə̀ chaʼra Òbanùs. Məd ya wə̀d àfàʼì Kristo abɔ̀ʼ ina. Mbə̀ chaʼra Stakìs. Məd ya ìmə ìsə̀ʼ ne mə̀ taŋ kɔ̀ŋ.

Rm 16:6

Mbə̀ chaʼra Mèri. Məd ya taŋ zì atog ni fàʼ inən ane fìŋ ijìm.

Rm 15:7

Ane, mbə̀ niŋ wə̀d imɔʼ imɔʼ icheg chɔm kwàʼ icheg ne Kristo fə niŋi awən. Mbə̀ ghiyə ane ni nàʼ ighumni abə Ŋwiye.

Ɨ̀fàʼì 9:41

Pità ya nyimi abo ibo, wètì aməd gha wì təm titighe. Anyumə̀ ne wì ya ghì ane, wì ya kàrì bəd mbe ne ya bḛ Kristo bə̀ kàrì məku àyi mbe, chwi Tàbità inɔb izɔm.

Ɨ̀fàʼì 9:39

Pità ya nɔ̀ʼ ghò abɔ̀ʼ inɔb. Anyumə̀ ne wì ya pe angu, mbi ya niŋ aməd kɔʼ ghò inga atog nəb ze ikaŋ. Məku àyi məjìm ya yaʼ itəmbi iban Pità. Mbi yaya dèghè mèʼè məchə, chwìye ndwi maʼi bə̀ chwìye ndwi ndəŋ ne Dòkas ya tangi nàʼ inɔb anyumə̀ ne wì yaya kiri izɔm.

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

Ɨ̀fàʼì 9:13

Ànàniyàs ya ywìtì gha, “Anɔŋisəg, bəd nɔʼ nɔʼ fə mə̀tì inug inum imbə̀ʼ wə̀d gho̰. Mbi fə mə̀tì icheg ne wì fə zi ngəʼ nɔʼ nɔʼ igun ìmbe bəd a Jèrusalèm.

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 16:15

Mbə̀ chaʼra Fìlologùs tì Julìyà tì Nereyùs bə̀ chàʼrì njàbi məd. Mbə̀ bə chàʼrì Òlimpàs tì bəd Ŋwiye məjìm mbe ne yaʼi abɔ̀ʼ inɔb.