Mk 9:32 - Ikan feg

³² Chəyi ìmbɔb itog ya zḛ imbə̀ʼ anug ze ne wì yaya ghà. Mbi ya bə̀ bɔ ni biri ibo.

Meta’

³² Chəi ɨtu mɨ̀mə̌d nyaʼa zeŋ ɨmbə̀ʼ ənû ze nɨ wɨ̀ nyaʼə ghàə̀, àyɨə mbɨ nyaʼa bɔ nɨ biirɨ ɨ bɔ.

Mk 9:32 Referans Kwoze

Lk 18:34

Mə̀mə̀nənùg məd ya jiʼì zug anug azo̰, si ya gha chəyi ìmbɔb itog ya zḛ. Ŋwiye ya nə̀m aton ane anug azo̰ inɔb. Chəyi mbɔb ya kyeri anug ze ne wì yaya ghà.

Lk 9:45

Mbɔb ya zug, si ya gha, chəyi mbɔb ya kyeri anug ne wì yaya ghà. Ŋwiye ya ghì gha imbə̀ʼ mbi kyeri awɔb aton ane ìngam gho̰ ne Yeso ghàmi. Mbɔb ya bə̀ bɔ awɔb ni biri aton ane ìngam we.

Lk 2:50

Chəyi mbɔb ya kyeri aton ane ìngam gho̰ ne wì ya ghàmi.

Jn 16:19

Yeso ya bàd awɔb kyèri àzi aghi gha mbi ya kə̀bə̀ ni biri anug azo̰ ibo. Ane, wì ya si ghà inɔb gha, “Mbə kə anìŋ bìri abə wə̀d imɔʼ imɔʼ abɔ̀ʼ inən ni kyeri aton ane ìngam gho̰ ne mə gha, ‹Chəyi mbə̀ biri ywiri bàd amə ane iki nyumə̀. Àsi ane iki nyumə̀ ndəŋ, mbə biri ywiri bàd amə›?

Jn 12:16

Chəyi atog abə mə̀mə̀nənùg məd ya zḛ imbə̀ʼ anug azo̰ ane nyumə̀ we. Si ya gha, anyumə̀ ne Ŋwiye ya zwemne Yeso iwu, ghì bəd se ghùmnə aməd, mbi ya kə wèndi gha, Àŋwàʼrì Ŋwiye ya ghà inug mbe imbə̀ʼ Yeso, ane inug mbe bə̀ dù kwàʼ icheg ne mbi ya ŋwàʼri.

Mk 9:10

Anug ze ya tèn məyi inɔb, si ya gha, mbi yaya bìre mbɔb mbɔb gha, “Ìngam we ne Yeso ya gha Ŋwan Wə̀d biri zweme ane iwu àkə gha?”

Jn 4:27

Kwàʼ anyumə̀ we ne Yeso yaya kiri ghàmà ane, mə̀mə̀nənùg məd ya bə̀ndì pè bàd icheg ne wì yaya ghàmà tì àyi Sàmarìyà we, anug chè awɔb. Si ya gha, chəyi wə̀d mɔ̀ʼɔ abɔ̀ʼ inɔb ya bèrì fìŋ ni biri gha, “Àghò kə kə̀bə̀ aghə?” kə̀ “Aton ne àghò ya ghàmà tì àyi gho̰ àkə gha?”

Lk 24:45

Yeso ya si fìʼì ìmbɔb itog ni ghì gha mbe kyeri anug ne Àŋwàʼrì Ŋwiye gha.

Mk 16:14

Yeso ya si nwḭ̀yḛ̀ chwi ìwi nyɔd abə mə̀mə̀nənùg mbe ìghum chɔ̀b imɔʼ ne mbi yaya jə̀ghə. Wì ya ghàm kyen inɔb imbə̀ʼ icheg ne chəyi mbi ya beri ibḛfiŋ bə̀ fɔrɔ imbə̀ʼ icheg ne ìtɔb fìŋ ya tu. Wì ya ghì ane imbə̀ʼ icheg ne chəyi mbi ya bḛ inug mbe ne bəd mbe ne ya bàri aməd ane wì ya fə zweme ane iwu, ya gha.

Mk 8:33

Yeso ya ghabri nèn ìmbi mə̀mə̀nənùg si ghàm kyen abə Pità gha, “Àghò Sàtàn, che nɔ̀ʼ iban inum! Chəyi àghò nɔŋi ìwe ikɔndi igun ighi mbe ne Ŋwiye kə̀bi. Àghò nɔ̀ŋì yaʼ igun ighi mbe ne bəd kə̀bi.”

Mk 7:18

Wì ya ghà inɔb gha, “Chəyi mbə̀ bə kyèri? Chəyi mbə̀ bari gha, chəyi aghi ze ne wə̀d we jə̀ghə kə̀ ne we no ze ghìyə̀ gha imbə̀ʼ wì zḛ yi?