Mk 9:25 - Ikan feg

²⁵ Anyumə̀ ne Yeso ya bàri icheg ne inɔ̰ bəd yaya nòtò yèʼe fète, wì ya ghàm kyen abə azwighi tibɔ̀ŋ ze gha, “Àghò azwighi ze ne ghìyə̀ gha imbə̀ʼ wə̀d ghàm yi bə̀ ghìyə̀ gha imbə̀ʼ wə̀d zug yi anug, che dù inga ŋwan mbaŋà gho̰. Imbə̀ʼ àghò nɔ̀ʼ ywiri nyi awe inga məd.”

Meta’

²⁵ Ənɨ Yeso nyaʼa zə ənɨ ɨnɔ̂n bə̂d nyaʼə nòrə̀ yeʼe fetɨə, wɨ̀ nyaʼa ghàm əbɔʼ əzwî rɨbɔ̀ŋ ze ni, “Àwɔ̀ əzwî ze nɨə ghɨ̀ ni tɨ wə̀d gham i bə̀ ghɨ̀ə̀ ni tɨ wɨ̀ zu i ənû, mə ghà ɨ ne ni à jwɨ̀ e rɨŋga wan mbaŋə̀ wɔ̂. Tɨrə̀ tɔ wɨrɨ nyɨ e ɨŋga məd.”

Mk 9:25 Referans Kwoze

Ɨ̀fàʼì 16:18

Wì yaya ghìyə̀ anìŋ ane ineg nɔʼ nɔʼ. Aneg mɔ̀ʼɔ, Pɔl ya gaŋ, ghàbri ghà abə Azwighi tibɔ̀ŋ ze gha, “Mə ghà ine ane ikum Yeso Kristo, che du inga ŋwan gho̰!” Azwighi tibɔ̀ŋ ze ya chè dù kwàʼ ati.

Lk 9:42

Kwàʼ icheg ne ŋwan mbaŋà we yaya kiri gho gho abə Yeso, azwighi tibɔ̀ŋ ze ya ywìrì gwì tum aseg, wì se bìnde krìg krìg krìg. Si ya gha, Yeso ya kyen abə azwighi tibɔ̀ŋ ze gha ze che du inga məd. Wì ya bə̀ ghù ŋwan we, si ghà abə mbaʼ məd gha, “Niŋ ìwe ŋwan.”

Mk 9:15

Anyumə̀ ne inɔ̰ bəd we ijìm ya bàra Yeso, mbi ya yeti chè ati, ane nòrò ghò iban məd, pè chàʼrì aməd.

Matìyò 17:18

Ane, mbi ya niŋ ŋwan we ghò nàʼ ibo. Wì ya ghàm kyen abə azwighi tibɔ̀ŋ ze, ze chè dù inga ŋwan we. Ane, Aghɔn ŋwan we ya mèg məyi kwàʼ anyumə̀ we.

Jûd 1:9

Ka bèyi Mayikə̀ ne yaʼi atog igun mbè angirə̀, anyumə̀ ne wì yaya tàŋà inug tì Debrə̀ imbə̀ʼ awu Muse, chəyi Mayikə̀ ya bi kə̀b ni zì isaʼi igun məd ni chìkì ikum məd ka. Wì ya ghà yaʼ gha, “Anɔŋisəg kyḛ awe!”

Lk 11:14

Yeso ya chì azwighi tibɔ̀ŋ inga wə̀d mɔ̀ʼɔ ne chəyi wì yaya ghàmà. Anyumə̀ ne azwighi tibɔ̀ŋ ze ya du inga wə̀d we, wì ya ko se ghàmà. Anug ya chè inɔ̰ bəd we ne ya yaʼi angu.

Lk 8:29

Wì ya dèg ane imbə̀ʼ icheg ne Yeso ya kyen abə azwighi tibɔ̀ŋ ze gha ze duwə inga məd. Mà nyumə̀ ijìm ne azwighi azo̰ nɔʼi inga məd, ka mbi kɔd ibo fɔrɔ ighog ane mə̀chen, nɔ̀ŋì wə̀d ne kyèʼè məd, wì mənyìʼ tə̀ndi mə̀chen mbe bə̀ bu. Azwighi tibɔ̀ŋ azo̰ yaya ghìyə̀ wì gho inga tibad zɔbi.

Lk 4:41

Izwighi tibɔ̀ŋ ya dù inga bəd nɔʼ nɔʼ se kyen gha, “Àghò ya Ŋwan Ŋwiye!” Wì ya kyen awɔb. Chəyi wì ya nàʼ apan inɔb ni ghàm imbə̀ʼ icheg ne mbɔb ya kyeri gha məd ya Wə̀d we ne Ŋwiye zɔ̀ʼi.

Lk 4:35

Yeso ya kyen azwighi tibɔ̀ŋ ze gha, “Chim tizi! Che dù inga məd!” Azwighi tibɔ̀ŋ ze ya ŋam wə̀d we tum aseg, si dù yi inga məd witì zì anə igun məd.

Matìyò 12:22

Bəd mɔ̀ʼɔ ya niŋ mbaŋà mɔ̀ʼɔ ne izwighi tibɔ̀ŋ ya yaʼi inga məd yèʼe abə Yeso. Mbaŋà ze ya yaʼ ifəg. Chəyi wì yaya bə̀ ghàmà. Yeso ya ghù aməd, wì ko se ghàmà bə̀ se bàrà isiŋi.

Mk 9:24

Kwàʼ ati ati, mbaʼ ŋwan we ya kyen ane ika gha, “Mə bḛ, si ya gha, àmə ibḛfiŋ bɔd. Wète amə ghì gha àmə ibḛfiŋ ka!”

Mk 9:26

Anyumə̀ ne wì ya gha ane, azwighi tibɔ̀ŋ ze ya kyen, chìʼrì ŋwan mbaŋà we kwàʼ ane ika, chè dù. Ŋwan we ya si yaʼ aseg icheg awu wə̀d. Àze ya ghì bəd nɔʼ nɔʼ se gha, “Wì fə ku!”