Mk 9:24 - Ikan feg

²⁴ Kwàʼ ati ati, mbaʼ ŋwan we ya kyen ane ika gha, “Mə bḛ, si ya gha, àmə ibḛfiŋ bɔd. Wète amə ghì gha àmə ibḛfiŋ ka!”

Meta’

²⁴ Àmei əwu əwən, mbǎʼ wan we nyaʼa kyeŋ rɨkǎ ghà ni, “Mə benɨ, àyɨə mɨ ɨbenɨ ə bɔd. Weerɨ əmɨ ghɨ̀ ni wɨ kaanə!”

Mk 9:24 Referans Kwoze

Lk 17:5

Bədtɔm Kristo ya ghà abə Anɔŋisəg gha, “Ghi ìwa ibḛfiŋ we ka.”

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

2 Tès 1:11

À ya aton ne te chàʼrà Ŋwiye mà nyumə̀ ijìm imbə̀ʼ awən gha ìwa Ŋwiye ghiyə mbə̀ ya chùghə ane ikuchèg ne wì ya kàri awən gha mbə̀ chughi. Tì we bə̀ chàʼrà Ŋwiye gha, wì ghiyə mbə̀ ya fàʼà inug chɔm mbe ne mbə̀ kə̀bi ni fàʼ, bə̀ mànì àfàʼì ze ne mbə̰ mbe fàʼà anjìm ìwən ibḛfiŋ.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

2 Kɔrèn 2:4

Anyumə̀ ne mə̀ yaya ŋwàʼrà àŋwàʼrì ze inən mə yaya sɔ̀mnɔ̀, ibəʼ ya bə̀ yaʼ inum inga fìŋ, mə se dèghè. Chəyi mə̀ ya ŋwàʼri ni chìki ìtən fìŋ. Mə ya ŋwàʼrì ni chwi icheg ne mə̀ taŋ kɔ̀ŋ awən mbə̰ məjìm.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Ɨ̀fàʼì 10:31

Wì ya təm inum imbìghè ghà inum gha, ‹Kònilìyùs! Ŋwiye fə zug àze àdìghì. Wì fə bə̀ bàd ighi mbe ne àghò we nàʼà abə bəd ne chəyi àzɔb.

2 Timotì 1:4

Mə ya mə̀ kɔ̀ndi icheg ne àghò we dèghè, mə̀ ya se kə̀bə̀ ni ywìri bàd awe ni ghì gha mə̀ ywiri taŋ gyèndi.

Lk 7:44

Ane, Yeso ya si ghàbri ghà abə Sayimùn gha, “Àghò bàd àyi gho̰? Mə kə nyi ine inga nəb chəyi àghò nàʼi mənib gha mə so ighog. Àsi àyi gho̰, wè sò ìmbum ighog ane ìmbi məsi bə̀ fug ane ìti nyɔ̀ŋì atog.

Lk 7:38

Wì ya pè təm anjìm abə Yeso gùndi ibo iban aghog se dèghè. Məsi mbe ne yaya dùwə̀ ibo inga aghə ya sò ighog abə Yeso, wì se fùghə ane ìti nyɔ̀ŋì atog. Wì ya gundi nyɔŋ ighog ìmbi Yeso, bə̀ tù məwud àka inun mbe igun ighog ìmbi Yeso.

Mə̀Hibrù 12:17

Mbə̀ kyeri gha, anyumə̀ ne Esawò ya ywirì nɔ̀ʼ kə̀b ni niŋ àzi àbɔrɔ̀bɔd, mbaʼ məd ya ton imbə̀ʼ icheg ne chəyi Esawò ya ywìrì bèrì apan ni kɔpi anug ne wì ya fə ghi. Ka wì ya jiʼì dèg, nyùmə̀ ya fə chè.

Ɨ̀fàʼì 10:19

Icheg ne Pità yaya kiri kɔndɔ aton imbə̀ʼ anatì njə̀m ze, Azwighi Ŋwiye ya ghà ibo gha, “Nḛ, bəd mətad mbe kə̀bə̀ awe.

Mk 9:23

Yeso ya ghà ibo gha, “Àghò ghà gha, ‹Àmə yaʼ aghi ne tì mə ghì anug mɔ̀ʼɔ!› Kyeri gha chəyi anug mɔ̀ʼɔ ne tì ze chè wə̀d we ne beri ibḛfiŋ.”

Mk 9:25

Anyumə̀ ne Yeso ya bàri icheg ne inɔ̰ bəd yaya nòtò yèʼe fète, wì ya ghàm kyen abə azwighi tibɔ̀ŋ ze gha, “Àghò azwighi ze ne ghìyə̀ gha imbə̀ʼ wə̀d ghàm yi bə̀ ghìyə̀ gha imbə̀ʼ wə̀d zug yi anug, che dù inga ŋwan mbaŋà gho̰. Imbə̀ʼ àghò nɔ̀ʼ ywiri nyi awe inga məd.”