Mk 6:15 - Ikan feg

¹⁵ Mbi mɔ̀ʼɔ ya gha məd ya Èlayijà. Mbi ndəŋ bə̀ gha, à ya wə̀dkə̀n Ŋwiye icheg mbe te aneg.

Meta’

¹⁵ Mbɨ mɔʼɔ mbɨə nyaʼə ghàə̀ ni, “Məd yɨ Èlaijà.” Mbɨ cherə mbɨə nyaʼə ghàə̀ ni, “Məd yɨə wə̀d ɨ̀kə̀n Ŋwìə̀ ɨghabɨ wɨ mɔʼɔ rɨ əbɔʼ mbɨ rəŋwe.”

Mk 6:15 Referans Kwoze

Matìyò 21:11

Tinɔ̰ bəd mbe yaya se ywìtè gha, “Aŋa ya Yeso we ne yaʼi wə̀dkə̀n Ŋwiye. Wì nɔ̀ʼ a Nazarèd inga Galìli.”

Mk 8:28

Mbi ya ywìtì ibo gha, “Bəd mɔ̀ʼɔ mbe gha àghò ya Jɔn we ne yaya nàʼà mənib. Mbi ndəŋ mbe gha àghò ya Èlayijà. Mbi ndəŋ gha àghò ya wə̀d mɔ̀ʼɔ abɔ̀ʼ bədkə̀n Ŋwiye.”

Matìyò 16:14

Mbi ya ywìtì gha, “Bəd mɔ̀ʼɔ mbe gha, à ya Jɔn we ne yaya nàʼà mənib ywìrì bə̀ndì yèʼe. Mbi mɔ̀ʼɔ mbe gha, à ya Èlayijà. Mə̀mbin mbe gha, à ya Jèrìmayà kə̀ wə̀d mɔ̀ʼɔ abɔ̀ʼ bədkə̀n Ŋwiye mbe aneg.”

Jn 9:17

Mə̀farìsi mbe ya ywìrì bìri abə ifəg we ne yaya se bàrà isiŋi gha, “À ya àghò ne wì ya ghi àghò se bàrà isiŋi. Àze tì anug ne àghò beri ni ghà imbə̀ʼ aməd àkə gha?” Wə̀d we ya ywìtì gha, “Mə kyèri gha, məd ya kwàʼ wə̀dkə̀n Ŋwiye.”

Jn 7:40

Anyumə̀ ne bəd ya zughi ane, bəd mɔ̀ʼɔ inga inɔ̰ we ya gha, “Wə̀d gho̰ mənyìʼ yaʼ Wə̀dkə̀n Ŋwiye we ne te ghɔ̀mɔ̀.”

Jn 6:14

Anyumə̀ ne bəd ya bàri ayeti anug azo̰ ne Yeso ya ghi, mbi ya se gha, “Kwàʼ tesiʼ, wə̀d gho̰ ya wə̀dkə̀n Ŋwiye we ne Ŋwiye ya gha wì biri yeʼe igun isəg.”

Jn 1:25

Mbi ya bə̀ si bìri ibo gha, “Àghò mə kayi Wə̀d we ne Ŋwiye zɔ̀ʼi, kə Èlayijà, kə Wə̀dkə̀n we ne Ŋwiye ya kàʼi, aton ne àghò we se nàʼà mənib abə bəd àkə gha?”

Jn 1:21

Mbi ya si ywìrì bìri ibo gha, “Ane, àghò kə se we? Àghò kə Èlayijà?” Wì ya ywìrì ywìtì gha, “Indèʼ! Mo kayi Èlayijà.” Mbi ya ywìrì bìri ibo gha, “Àghò kə wə̀dkə̀n we ne Ŋwiye ya kàʼi ni chà?” Wì ya bə̀ gha, “Indèʼ!”

Lk 9:19

Mbi ya ywìtì ibo gha, “Bəd mɔ̀ʼɔ mbe gha àghò ya Jɔn we ne yaya nàʼà mənib. Mbi mɔ̀ʼɔ mbe bə̀ gha àghò ya Èlayijà. Mə̀mbin mbe bə̀ gha àghò ya wə̀dkə̀n Ŋwiye mɔ̀ʼɔ abɔ̀ʼ mbe te aneg ne zweme ane iwu.”

Lk 9:8

Mbi mɔ̀ʼɔ tì bəd yaya gha à ya Èlayijà ywirì yèʼe. Mə̀mbin yaya gha à ya wə̀dkə̀n abɔ̀ʼ mbe te aneg fə zweme ane iwu.

Lk 7:39

Anyumə̀ ne Farìsi we ne ya kàʼi Yeso ya bàri àfàʼì ne àyi we fàʼi, wì ya ghàm ibo inga fìŋ gha, “Wə̀d gho̰ kə kwàʼ wə̀dkə̀n Ŋwiye nji wè kyèri iku wə̀d ne àyi gho̰ ne bètè aməd yaʼi ìwiwən. Nji wè kyèri gha à ya kwàʼ àyi inug tibɔ̀ŋ.”

Lk 7:16

Anug ya chè bəd məjìm mbe ne ya yaʼi angu, mbi bɔ se ghùmnə Ŋwiye gha, “Wə̀dkə̀n Ŋwiye dù abɔ̀ʼ ina. Ŋwiye fə yeʼe ni wètì ìmbi bəd.”

Lk 1:17

Wì biri chè imbìghè abə Anɔŋisəg tì azwighi fɔrɔ ika we ne Wə̀dkə̀n Ŋwiye Èlayijà ya bèri. Wì biri ywiri fɔti mə̀mbaʼ tì bɔn. Wì biri ghì bəd tìzughə̀ bə̀ŋì fìŋ, si bèrì ikɔndi icheg bəd ne təmi kòʼ. Wì biri ghì bəd chuʼri nyɔd se ghɔ̀mɔ̀ Anɔŋisəg.”

Mk 6:16

Ane, anyumə̀ ne Erɔ̀d ya zughi inug mbo̰, wì ya gha, “Jɔn we ne mə̀ ya sɔbi atog məd we zwemni iwu!”