Mk 4:34 - Ikan feg

³⁴ Chəyi wì yaya ghà anug mɔ̀ʼɔ abə bəd ne chəyi wì zi ìngam məgri abɔ̀ʼ. Si ya gha, anyumə̀ ne wì ya chughi yi tèzìʼì tì ìmbi mə̀mə̀nənùg, wì ya tòʼrì inug ijìm inɔb.

Meta’

³⁴ Chəi wɨ̀ nyaʼa gha ənû ə mɔʼɔ əmbɨ ə bə̂d nɨ chəi wɨ̀ zɨ ənû ə mɨgɨ əbɔʼ. Àyɨə ənɨ wɨ̀ nyaʼa chub i tə̀zìʼ wi mbɨ mbi mə̀mə̀ə̀nɨ̀-ɨnû, wɨ̀ nyaʼa tòʼrɨ̀ ɨnû jìm əmbɨ mɨ̀mə̌d.

Mk 4:34 Referans Kwoze

Jn 16:25

Yeso ya chè imbìghè ni ghà inɔb gha, “Ka mə jiʼì ghà inug mbo̰ inən ane ìngam məgri, mbə̀ kyeri gha, nyùmə̀ we yèʼe ne chəyi mə̀ biri ywiri ghàm inən ane ìngam məgri. Mə biri ghà inug inən asaŋ asaŋ imbə̀ʼ ìmə Mbaʼ.

Mk 4:10

Anyumə̀ ne Yeso ya yaʼi yi tèzìʼì, bəd mɔ̀ʼɔ abɔ̀ʼ mbe ne ya yaʼi inga inɔ̰ we ne ya che kad aməd tì mə̀mə̀nənùg məd mbe ìghum chɔ̀b ibe ya ghà ibo gha wì toʼro tìngam məgri te.

Lk 24:27

Wì ya si ko ane mə̀nɔ̀ʼɔ̀ Muse ghò ane ìŋwàʼrì bədkə̀n Ŋwiye tòʼrì inug ijìm ni Ìngam Ŋwiye ya ghàmi imbə̀ʼ aməd.

Matìyò 13:34

Yeso ya ghà inug mbo̰ ijìm abə inɔ̰ bəd we inga tìngam məgri. Chəyi wì ya kweʼè ghàmà inɔb witì wì ghàm inga ìngam məgri.

Mk 4:33

Yeso ya ghàm Ìngam Ŋwiye abə bəd ane tìngam məgri nɔʼ nɔʼ icheg ìto̰. Wì yaya ghàmà ane icheg ne tì bəd zug kyèri.

Jn 10:6

Yeso ya ghàm ìngam məgri gho̰ inɔb, si ya gha, chəyi ìmbɔb itog ya zḛ ane anug ne wì yaya ghà inɔb.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.