Mk 16:15 - Ikan feg

¹⁵ Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Meta’

¹⁵ Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Mk 16:15 Referans Kwoze

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Mk 13:10

Mbə̀ kyeri gha mbi biri bi ghà ikən chɔm inga iben ijìm bɔŋ ìnwḭ se yèʼe.

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 20:21

Yeso ya ywìrì gha, “Mbə̀ chughi ane àbɔrɔ̀bɔd! Icheg ne ìmə Mbaʼ ya cha, mə̀ ya anìŋ bə̀ chà awən.”

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 10:18

Si ya gha, mə̀ ya anìŋ bìre gha: Àkə chəyi mbi ya zughi ikən chɔm gho̰? A ze inga Àŋwàʼrì Ŋwiye gha: “Mbi ya zug kwàʼ icheg chɔm. Mbi ya zug abə bəd mbe ne yaya chètè ikən chɔm we, ghò pè ane tibug ijìm igun isəg.”

Ɨnû 14:6

Mə ya bàd angirə̀ ndəŋ ne fìrè aton ikaŋ àbɔ̀ŋɔ. Angirə̀ we ya bèrì ikən chɔm we ne təmi ane ighə̀m imɔʼ ni ghà abə bəd mbe ne yaʼi igun isəg; abə bəd inga iben ijìm, abə bəd inga tinəbi ijìm, abə bəd inga tìngam aben tijìm bə̀ fɔrɔ abə bəd məjìm isiŋi ijìm.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

Efesùs 2:17

Ane, Kristo ya ghà ikən chɔm we ne ghìyə̀ bəd chùghə ane àbɔrɔ̀bɔd abə wə̀d ijìm. Ane, ikən we ya inən mbə̰ mbe ne kayi mə̀Ju ne chəyi mbə̀ ya bi kyèri Ŋwiye fɔrɔ inən mbə̰ mbe ne yaʼi mə̀Ju ne ya kyeri Ŋwiye.

Ɨ̀fàʼì 1:2

Mə ya mə̀tì inug mbe anene ghò pè ane aneg ze ne Ŋwiye ya niŋi aməd ikaŋ àbɔ̀ŋɔ. Bɔŋ Yeso ya se ghò ikaŋ, wì ya fə bì chè anjìm Azwighi Ŋwiye nàʼ tikə abə bədtɔm mbe ne wì ya chɔʼi.