Mk 14:22 - Ikan feg

²² Anyumə̀ ne Yeso tì ìmbi mə̀mə̀nənùg yaya se jə̀ghə, wì ya niŋ chiŋ ngə̀ŋ mə̀kara, chàʼra Ŋwiye, bə̀ʼri, nàʼ abə mə̀mə̀nənùg mbe, si ghà inɔb gha, “Mbə̀ niŋ, aŋa ya ìmə nyàmnyɔd.”

Meta’

²² Ənɨ Yeso mbɨ mbi mə̀mə̀ə̀nɨ̀-ɨnû nyaʼə sɨə jɨgə, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ nàʼ əmbɨ mə̀mə̀ə̀nɨ̀-ɨnû mbe ghà ni, “Mbə̀ nɨŋ, əzɔ̂ yɨ mɨ nyamnyod.”

Mk 14:22 Referans Kwoze

Mk 14:24

Wì ya ghà inɔb gha, “Aŋa ya àmə anəm ne Ŋwiye fə niŋi sɔb ikan feg tì inən. Anəm azo̰ ya anəm ne mə̀ tuti imbə̀ʼ bəd nɔʼ nɔʼ.

Lk 24:30

Anyumə̀ ne mbi ya chughi aseg ni jəg, Yeso ya niŋ ngə̀ŋ mə̀kara, nàʼ məyakà abə Ŋwiye, si bə̀ʼri, ghàpì tì inɔb.

Jn 6:23

Ibaŋ igyi mɔ̀ʼɔ a Tìberìyàs ya ghò təm iban asiŋi ze ne Anɔŋisəg ya niŋ ngə̀ŋ nàʼ məyakà abə Ŋwiye bə̀ʼri nàʼ abə bəd mbi jəg.

Mk 6:41

Yeso ya niŋ chiŋ ngə̀ŋ mə̀kara te tita̰ tì su te tibe, nèn ikaŋ, nàʼ məyakà abə Ŋwiye, bə̀ʼri nàʼ abə mə̀mə̀nənùg məd gha mbe ghapa abə bəd. Wì ya bə̀ ghàpì su te tibe abə mə̀mə̀nənùg məd gha mbe ghapa abə bəd məjìm.

Matìyò 14:19

Wì ya ghà abə bəd gha mbe chughi aseg igun agyen. Wì ya ghà ane, si niŋ chiŋ ngə̀ŋ te tita̰ tì su te tibe, nɔ̀ atog nèn ikaŋ àbɔ̀ŋɔ, nàʼ məyakà abə Ŋwiye, si bə̀ʼri nàʼ abə ìmbi mə̀mə̀nənùg gha mbe ghapa. Ane, mə̀mə̀nənùg məd ya niŋ se ghàpà abə bəd mbe məjìm.

Gàlesìyà 4:25

Hagà təm ane iwum Sanàyì inga Àrabìyà. Məd ya Jèrusalèm gho̰ amad anìŋ imbə̀ʼ icheg ne, məd tì bɔn məd ya ìbòʼì.

1 Kɔrèn 10:4

Mbɔb mə̀jìm ya bə̀ no iku mənib ifibì ne Ŋwiye ya bə nàʼ inɔb. Mbɔb məjìm ya no mənib ne yaya dùwə̀ inga igho we ne Ŋwiye ya nàʼi inɔb. Igho we yaya yḛ̀ tì inɔb. Igho we ya yaʼ Kristo.

Mk 10:16

Anyumə̀ ne wì ya gha ane, wì ya niŋ bɔn kwa mbe, nɔŋi ìmbi ibo igun inɔb imɔʼ imɔʼ zì àbɔrɔ̀bɔd igun inɔb.

Mk 14:21

Ŋwan Wə̀d biri ku icheg ne mbi ya fə ŋwàʼri imbə̀ʼ aməd, si ya gha, ngəʼ kyen biri nyi igun wə̀d we ne fḛ aməd! Àkə aghi ne chəyi mbi ya kiri gwi tengàŋ, nji ze bɔ̀ŋ.”

Mk 14:23

Wì ya bə̀ niŋ toʼ mənoʼ, chàʼra Ŋwiye, nàʼ inɔb. Mbɔb məjìm ya niŋ no.

Lk 22:17

Icheg ne wì ya gha ane, Wì ya niŋ itoʼ mənoʼ nyimi, si nàʼ məyakà abə Ŋwiye, ghà inɔb gha, “Mbə̀ no mbə̰ məjìm.