Mk 10:33 - Ikan feg

³³ Wì ya ghà inɔb gha, “Mbə̀ Nḛ, tì ya anìŋ kɔ̀ʼɔ ghò a Jèrusalèm. Tì mə pè angu, mbi biri nyimi Ŋwan Wə̀d nàʼ abə itog bəd mbàn Ŋwiye tì mə̀chwitì mə̀nɔ̀ʼɔ̀. Bəd mbo̰ biri sɔb isaʼi gha mbe zweti aməd. Mbi biri ghì ane, si nàʼ aməd abə bəd mbe ne kayi mə̀Ju.

Meta’

³³ Wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d nàʼ əmbɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd. Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû.

Mk 10:33 Referans Kwoze

Matìyò 27:2

Mbɔb ya chuʼri ane, gwì aməd kɔd niŋ ghò nàʼ abə Payilèd ne ya yaʼi gɔbnà.

Mk 8:31

Yeso ya ko ni chwiti inug abə ìmbi mə̀mə̀nənùg gha, Ŋwan Wə̀d bèrì ni taŋ zə̰ ngəʼ, bəd kyen mbe inga aben tì itog bəd mbàn Ŋwiye tì mə̀chwitì mə̀nɔ̀ʼɔ̀ biri to̰ awɔb məd. Mbi biri zweti aməd. Igun aneg ne pè ane itad wì zwème ane iwu.

Matìyò 26:66

Mbə̀ kə kɔ̀ndɔ gha tì sɔb isaʼi gho̰ gha?” Inɔ̰ bəd we ya ywìtì gha, “Wì fə gùg. Ze kòʼ gha mbe zweti aməd.”

Matìyò 16:21

Ni ko ane nyùmə̀ we ne Pità ya mə̀ti wə̀d ne Yeso yaʼi ìwiwən, Yeso ya ko se mə̀tə̀ icheg ne wì mənyìʼ ghò a Jèrusalèm abə mə̀mə̀nənùg məd. Wì ya mə̀tì icheg ne wì biri zə̰ ngəʼ nɔʼ nɔʼ ikye abo abə itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀. Wì ya gha, mbi biri mənyìʼ zwèti yi, àsi igun aneg ne pè ane itad, Ŋwiye zwemni aməd ane iwu.

Jems 5:6

Mbə̰ fə sɔb isaʼi igun bəd ne yaʼi awɔb abəŋ bə̀ zwèti awɔb ne chəyi mbɔb yaya tàŋà anug ne mbə̰ mbe ghà.

Ɨ̀fàʼì 20:22

Amad anìŋ, Azwighi Ŋwiye fə ghì gha mə mə̀nyìʼ ghò a Jèrusalèm. Si ya gha, chəyi mə̀ kyeri anug ne biri ghì amə angu.

Ɨ̀fàʼì 13:27

Chəyi bəd a Jèrusalèm tì ìmbɔb itog bəd ya kyere Yeso icheg wə̀d ne pùmnə bəd. Mbɔb ya zì yaʼ isaʼi wən igun məd, niŋ isɔbi anug zwèti aməd. Ane, inug mbe ne bədkə̀n Ŋwiye ya ghum ghà, ne mbɔb yaya fɔ̀ŋɔ mà ineg àzwètì ijìm, ya dù ane tesiʼ.

Jn 19:11

Yeso ya ywìtì gha, “Chəyi tì àghò ghi aghi mɔ̀ʼɔ inum ane chəyi Ŋwiye kə̀ nàʼi ika ine. Ane, wə̀d we ne nàʼi amə ine fə ghì anug tibɔ̀ŋ ne bə̀ chè.”

Jn 18:28

Isusu izimi izimi, mə̀Ju ya niŋ Yeso abə Kayifàs ghò tì məd inga ìtɔʼ Payilèd ne yaʼi gɔbnà. Chəyi itog bəd mə̀Ju ya nyi inga ìtɔʼ ze imbə̀ʼ icheg ne mbi yaya kə̀bə̀ ni ya zḛ icheg ne mə̀nɔ̀ʼɔ̀ chwi imbə̀ʼ jəg Iteri Chègun.

Lk 23:21

Mbɔb ya chè imbìghè ni kyen gha, “Kɔ̀mbɔ aməd igun azed abaʼri! Kɔ̀mbɔ aməd igun azed abaʼri!”

Lk 9:22

Wì ya si chè imbìghè gha, “Ŋwan Wə̀d biri zə̰ ngəʼ ne nɔʼi igun isəg aŋa. Itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ biri to̰ awɔb məd. Mbi biri bə zweti aməd, si ya gha, ineg biri pè ane itad, Ŋwiye zwèmne məd ane iwu.”

Mk 15:1

Kwàʼ isusu izimi izimi, itog bəd mbàn Ŋwiye tì bəd kyen mbe inga aben tì mə̀chwitì mə̀nɔ̀ʼɔ̀ bə̀ fɔrɔ itog bəd ne sàʼa aben məjìm ya nyimi ifeti ni chuʼri anug ne mbi biri ghì tì Yeso. Mbi ya chuʼri ane, kɔd aməd, niŋ ghò nàʼ abə Payilèd.

Mk 14:64

Mbə̰ fə zug icheg ne wì zɔ̀mbi Ŋwiye. Isɔb anug ne mbə̀ nìŋə àkə gha?” Mbɔb məjìm ya gha ze kòʼ gha mbe zwete Yeso.

Mk 9:31

Wì ya ghì ane imbə̀ʼ icheg ne wì yaya chwìte inug abə ìmbi mə̀mə̀nənùg gha, “Mbi biri fèn Ŋwan Wə̀d abə bəd, mbi zweti aməd. Si ya gha, igun aneg ne pè ane itad, wì ywirì zwème ane iwu.”

Mk 9:12

Wì ya ywìtì inɔb gha, “Èlayijà bèrì ni bi yèʼe ni ywiri tangi inug ijìm icheg ne mbi ya ŋwàʼri. Aton ne mbi ŋwàʼri imbə̀ʼ Ŋwan Wə̀d gha wì biri zə̰ ngəʼ ni che ibo, mbi bə̀ ton aməd àkə gha?

Jn 18:32

Anug azo̰ ya dù anìŋ imbə̀ʼ ìngam we ne Yeso ya ghàmi, mə̀tì iku iwu ne wì biri ku, wi duwə ane tesiʼ.