Mk 10:18 - Ikan feg

¹⁸ Yeso ya ghà ibo gha, “Aton ne àghò kàri amə ane wə̀d chɔ̀m àkə gha? Chəyi wə̀d mɔ̀ʼɔ angu ne bɔ̀ŋi chèyi ane Ŋwiye.

Meta’

¹⁸ Yeso nyaʼa ghà ɨ bɔ ni, “À tɔŋ əmɨ ənɨ ə wə̀d chɔ̀m ɨmbə̀ʼ ə yè ə? Chəi wə̀d mɔʼɔ əŋgu nɨ bɔŋɨ chè rɨ ənɨ ə Ŋwìə̀ rə̀zìʼ wi.

Mk 10:18 Referans Kwoze

Lk 18:19

Yeso ya ywìtì gha, “Aton ne àghò kàri amə ane wə̀d chɔ̀m àkə gha? Chəyi wə̀d mɔ̀ʼɔ yaʼi wə̀d chɔ̀m. À ya məyi Ŋwiye məd imɔʼ yaʼi wə̀d chɔ̀m.

Matìyò 19:17

Yeso ya ywìtì ibo gha, “Aton ne àghò we bìre inum imbə̀ʼ anug chɔm àkə gha? À ya məyi Wə̀d imɔʼ ne bɔ̀ŋi. Àghò mə kə̀b ni jəg ìtḛ̀ ighə̀m imɔʼ, àghò nɔŋi tikə Ŋwiye.”

1 Jɔn 4:16

Ane, tè kyèri bə̀ bḛ gha Ŋwiye kɔ̀ŋ awa. Ŋwiye ya kɔ̀ŋɔ̀ bəd. Wə̀d ne kɔ̀ŋɔ̀ mə̀mbin, məd we ane anug amɔʼ tì Ŋwiye, Ŋwiye we bə̀ ane anug amɔʼ tì məd.

Rm 3:12

Bəd məjìm fə bə̀ŋì ìtɔb fìŋ to̰ awɔb Ŋwiye. Mbi fə bə̀ŋə̀ ane ati ako. Chəyi ka wə̀d ne fàʼà anug chɔm. Chəyi ka imɔʼ.

1 Jɔn 4:8

Wə̀d we ne chəyi wì ya kɔ̀ŋɔ̀ bəd, chəyi wì kyeri Ŋwiye imbə̀ʼ icheg ne Ŋwiye ya kɔ̀ŋɔ̀ bəd.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Mk 10:17

Anyumə̀ ne Yeso ya nɔ̀ʼi ni ghò igha̰, mbaŋà mɔ̀ʼɔ ya nòtò ghò pè gɔ̀m itog inwḭ ibo imbìghè, biri ibo gha, “Àchwitìnùg chɔm, mə kə anìŋ ghənə bɔŋ jəg ìtḛ̀ ighə̀m imɔʼ?”

Mk 10:19

Àghò taŋ kyèri mə̀nɔ̀ʼɔ̀ Ŋwiye ne ghà gha: Imbə̀ʼ àghò zweti awe wə̀d. Imbə̀ʼ àghò ghiyə awe anug ni nɔ̀kì àyi kə mbaŋà ndəŋ. Imbə̀ʼ àghò ji awe. Imbə̀ʼ àghò bḛ awe anug gha àghò bàd ati, ne ya anug ako. Imbə̀ʼ àghò ghiyə awe iji igun wə̀d. Àghò ghumni ìwe mbaʼ tì ìwe ngɔb.”