Mk 1:35 - Ikan feg

³⁵ Isusu abɔ̀ʼ, ne chəyi ituʼ ya kiri taŋ chəg, Yeso ya nɔ̀ʼ dù ghò a asiŋi ne chəyi wə̀d mɔ̀ʼɔ ya yaʼi angu. Wì ya ghò chàʼra Ŋwiye tèzìʼì.

Meta’

³⁵ À nyaʼa ɨsɔsɔ ənɨ chəi ɨtuʼ nyaʼa kɨrɨ jeŋgɨ chɨg, Yeso nyaʼa jwɨ̀ wò əsɨ nɨ chə nyaʼa i bə̂d əŋgu. Wɨ̀ nyaʼa wò kɔŋgɨ ə Ŋwiə̀ tə̀zìʼ wi.

Mk 1:35 Referans Kwoze

Lk 6:12

Aneg mɔ̀ʼɔ, Yeso ya kɔʼ ghò ikaŋ iwum mɔ̀ʼɔ ni chàʼra Ŋwiye. Wì ya chughi angu chàʼra Ŋwiye anene ituʼ chəg.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Lk 5:16

Si ya gha, Yeso yaya kɔ̀ŋɔ̀ anug ni ghò a asiŋi ne chəyi bəd angu ni ghò chàʼra Ŋwiye.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Jn 6:15

Yeso ya kyeri ìtɔb tikɔndi gha mbɔb mbe kə̀bə̀ ni yeʼe gwì aməd ane ika zɔʼ ane ifɔn. Ane, wì ya ywìrì nɔ̀ʼ kɔʼ ghò yi ikaŋ iwum tèzìʼì.

Matìyò 14:23

Anyumə̀ ne Yeso ya fə cha bəd mbe mbi ghò inga ìmbɔb ichan, wì ya kɔʼ ghò ikaŋ iwum ni chàʼra Ŋwiye məd tèzìʼì. Ikwikwiri we, məd ya yaʼ angu tèzìʼì.

Fìlipì 2:5

Mbə̀ ghiyə ìwən ikuchèg yaʼ icheg ìwi Yeso Kristo.

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Matìyò 14:13

Anyumə̀ ne Yeso ya zughi anug ne ya du tì Jɔn we ne yaya nàʼà mənib, wì ya nɔ̀ʼ anjìm anjìm nyi inga abaŋ igyi ghò a asiŋi mɔ̀ʼɔ tèzìʼì. Inɔ̰ bəd ne ya zughi gha Yeso fə nɔ̀ʼ ane asiŋi ze, ya nɔ̀ʼ inga iben ndan ndàn yḛ̀ ighog ghò abɔ̀ʼ məd.

Mk 1:36

Sayimùn tì bəd mbe ne ya yaʼi tì məd ya dù ghò kə̀bə Yeso.