Mk 1:14 - Ikan feg

¹⁴ Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye.

Meta’

¹⁴ Ənɨ mbɨ nyaʼa yim ə Jɔ̌n wò zɨ̀ ə ndəŋ, Yeso nyaʼa wò ə Galiliî pè kɔ gha ɨkə̂n chɔ̀m ɨmbə̀ʼ ənû ɨfɔ̀n ə Ŋwìə̀.

Mk 1:14 Referans Kwoze

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Matìyò 4:12

Anyumə̀ ne Yeso ya zughi gha mbe fə zì Jɔn we ne yaya nàʼà mənib a ndəŋ, wì ya bə̀ndì ghò a Galìli.

Efesùs 2:17

Ane, Kristo ya ghà ikən chɔm we ne ghìyə̀ bəd chùghə ane àbɔrɔ̀bɔd abə wə̀d ijìm. Ane, ikən we ya inən mbə̰ mbe ne kayi mə̀Ju ne chəyi mbə̀ ya bi kyèri Ŋwiye fɔrɔ inən mbə̰ mbe ne yaʼi mə̀Ju ne ya kyeri Ŋwiye.

Lk 8:1

Chəyi agha ya sa, Yeso yaya yḛ̀ iben iben nè chètè ikən chɔm bə̀ nè ghà anug ìfɔ̀n Ŋwiye. Bədtɔm məd mbe ìghum chɔ̀b ibe yaya yḛ̀ abɔ̀ʼ məd.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Matìyò 9:35

Yeso yaya ghò inga iben ijìm, mbi kwa kwa tì mbi kyen kyen. Wì yaya yḛ̀ nè chwìte inug inga məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya bə̀ yḛ̀ nè ghùyə̀ aku aghɔn ajìm ne bəd yaya ghɔ̰̀.

Ɨ̀fàʼì 20:25

Amad anìŋ, mə kyèri gha chəyi wə̀d mɔ̀ʼɔ abɔ̀ʼ inən biri ywìri bàd amə. Mə ya ghà mbə̰ mbe ne mə̀ yaya yḛ̀ nè ghàmà anug ìfɔ̀n Ŋwiye inən.

Matìyò 14:2

Wì ya ghà abə bəd àfàʼì məd gha, “Aŋa ya Jɔn we ne yaya nàʼà mənib wì zwème iwu! À ya aton ne tika ni fàʼ iyeti inug yaʼi inga məd.”

Lk 3:20

Erɔ̀d ya gaŋ, fàʼ anug ndəŋ ne bə̀ chè, ni chà Jɔn a ndəŋ.

Matìyò 11:2

Anyumə̀ we, Jɔn we ne yaya nàʼà mənib ya yaʼ inga nəb ndəŋ . Wì ya zug inug mbe ne Yeso Kristo yaya ghìyə̀. Ane, wì ya tɔm ìmbi mə̀mə̀nənùg ibo,

Matìyò 4:17

Ni ko anyumə̀ we se ghò imbìghè, Yeso ya se ghàmà Ìngam Ŋwiye. Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.