Mə̀Hibrù 8:7 - Ikan feg

⁷ Àkə ni gha chəyi anug mɔ̀ʼɔ ya bə inga ikan mbègtog, nji chəyi ywìrè aton mɔ̀ʼɔ ane ikan ndəŋ.

Meta’

⁷ À kɨ nɨ chəi ənû ə mɔʼɔ ə nyaʼa bə ɨŋga fɨso rɨtu fe, njɨ chəi əton ənɨ fɨso fe nɨ beenɨ.

Mə̀Hibrù 8:7 Referans Kwoze

Mə̀Hibrù 7:11

Mə̀nɔ̀ʼɔ̀ Muse mbe gha wə̀d mbàn Ŋwiye mənyìʼ dù ane aghaŋ inəbi Levì. Àkə aghi ne tì àfàʼì bəd mbàn Ŋwiye ane aghaŋ inəbi Levì ghì bəd bɔ̀ŋ mànì, nji chəyi ya ywìrè aton abə wə̀d mbàn ndəŋ ne du ane iwaŋ Mèkisedèg ni yeʼe, ne kayi ane aghaŋ inəbi Eròn.

Mə̀Hibrù 7:18

Mbi ya pə̀ mə̀nɔ̀ʼɔ̀ anun chà iban imbə̀ʼ icheg ne chəyi mbi ya beri ika. Chəyi mbi ya ywìrì bèrì àfàʼì.

Gàlesìyà 3:21

Ze wa chwi anìŋ gha mə̀nɔ̀ʼɔ̀ mbe tì mbi chìkì anug ze ne Ŋwiye ya kàʼi? Indèʼ! Kayi ane ka. Àkə aghi ne nɔ̀ʼɔ̀ mɔ̀ʼɔ yaʼi angu ne nàʼà ìtḛ̀, nji bəd məjìm mbe tì mbi təm kòʼ imbìghè abə Ŋwiye anjìm icheg ne mbi zugri nɔ̀ʼɔ̀ we.

Mə̀Hibrù 8:6

Ane, àfàʼì ze ne Ŋwiye nàʼi abə Yeso ya àfàʼì ne che àze bəd mbàn Ŋwiye. À ya bə̀ icheg ne məd təmi inga ìsàn abə Ŋwiye tì bəd Ŋwiye chùʼri ikan ne faŋi chè ikan nun. Ikan we təm igun inug mbe ne bɔŋ chè, ne Ŋwiye ya kàʼi.