Mə̀Hibrù 7:14 - Ikan feg

¹⁴ Ze fə dù zen gha ìwa Anɔŋisəg ya aghaŋ inga inəbi Judà. Chəyi Muse ya bə̀ ghà anug mɔ̀ʼɔ imbə̀ʼ inəbi we imbə̀ʼ anug ni fàʼ inga mbàn Ŋwiye.

Meta’

¹⁴ Zɨə zeŋ ni a Ə̀nùŋɨ̀sɨg yɨə nyaʼa rɨŋga ɨnəbɨ Judà. Chəi Mose nyaʼa gha ənû ə mɔʼɔ ɨmbə̀ʼ bə̂d mbàn Ŋwìə̀ dè ɨnəbɨ we.

Mə̀Hibrù 7:14 Referans Kwoze

Ɨnû 5:5

Ane, wə̀d mɔ̀ʼɔ abɔ̀ʼ itog bəd mbe ya ghà inum gha, “Imbə̀ʼ àghò dèghe awe. Nḛ, wə̀d we ne yaʼi icheg Àfɔn inga inəbi Judà, ne yaʼi aghaŋ inga inəbi ifɔn Dèvid, wì fə chè ìmbi bəd ìpàb. Ane, məd kòʼ ni chì isiŋi ìnen mbe ìsàmbe, fìʼì àŋwàʼrì ze.”

Lk 3:33

ne ya ŋwan Àmìnadàb, ne ya ŋwan Ram, ne ya ŋwan Eziròn, ne ya ŋwan Perèz, ne ya ŋwan Judà.

Ɨnû 22:16

Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

Rm 2:3

Ane, wə̀d-aku icheg ine, àghò wa kɔ̀ndi gha, icheg ne àghò we sɔ̀bɔ isaʼi igun bəd mbe ne ghìyə̀ tiku inug ìto̰, bə̀ ywìrè ghìyə̀ inug angu, chəyi Ŋwiye biri ghum sɔb isaʼi igun ine?

Jn 20:28

Tòmas ya si ghà ibo gha, “Ìmə Anɔŋisəg, ìmə Ŋwiye!”

Jn 20:13

Mbè angirə̀ mbe ya biri ibo gha, “Àyi gho̰, àghò kə dèghè aghə?” Wì ya ywìtì gha, “Mbe fə niŋ awu ìmə Anɔŋisəg. Chəyi mə̀ bə kyèri asiŋi ne mbi nɔŋi angu.”

Lk 1:43

Mo kə we ne Ŋwiye ghumni, ghì gha àghò, ngɔb ìwi Anɔŋisəg yeʼe mùg amə?

Fìlipì 3:8

Kayi məyi inug mbo̰. Icheg ne Kristo fə ghi ìchɔ̀mì inum, chəyi ighi ijìm ywìrì bèrì aton inum. Anug kyen ne yaʼi inga inug mbo̰ ijìm ya icheg we ne Ŋwiye ghì ìchɔ̀mì kyen inum mə kyeri Yeso Kristo, àmə Anɔŋisəg. À ya imbə̀ʼ Kristo ne mə waʼi ighi ijìm. Mə fə niŋ gha ighi mbe ijìm ya inyɔrì ighi imbə̀ʼ yaʼ amə ane ifɔti tì Kristo.

Matìyò 2:6

‹Àghò Betèlèhem ne yaʼi inga aba aben ze a Judà, Àghò kayi asiŋi ne kə chè isiŋi ijìm mbe ne məfɔn mbe a Judà mbe tùmbə̀, imbə̀ʼ icheg ne Wə̀d ne pùmnə bəd biri dù inga ine, ne biri tùmbì ìmbum bəd mə̀Izre.› ”

Mə̀Hibrù 7:13

Ìwa Anɔŋisəg gho̰ ne mbe ghàmà inug mbo̰ imbə̀ʼ aməd ya wə̀d inga inəbi ndəŋ. Chəyi wə̀d mɔ̀ʼɔ inga inəbi we ne kiri kweʼì fàʼ icheg wə̀d mbàn Ŋwiye.

Mə̀Hibrù 7:15

Anug ne tì gha fə taŋ dù zen gha wə̀d mbàn Ŋwiye ndəŋ icheg Mèkisedèg fə yèʼe.