Mə̀Hibrù 3:12 - Ikan feg

¹² Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Meta’

¹² Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Mə̀Hibrù 3:12 Referans Kwoze

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

1 Kɔrèn 10:12

Ane, wə̀d we ne kɔ̀ndɔ gha zìye təm kà, wì we yi imbə̀ʼ wì nɔ̀ʼ gùg.

Mə̀Hibrù 10:38

Àsi ìmbum bəd ne təmi kòʼ, mbɔb biri chughi izɔm anjìm ìwɔb ibḛfiŋ. Chəyi mə̀ biri gyendi tì bəd mbe ne bə̀ndə̀ anjìm.”

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

Mə̀Hibrù 3:10

Ane, mə̀ ya gaŋ abə ikəri bəd we, si gha, ‹Mbɔb mbe kà fèbè. Chəyi mbɔb mbe kə̀bə̀ ni fàʼ inug icheg ne mə gha inɔb.›

Mk 13:33

Ane mbə̀ we awən, chughi ikyèʼi imbə̀ʼ icheg ne chəyi mbə̀ kyeri nyùmə̀ we ne Ŋwan Wə̀d biri ywiri yeʼe.

Matìyò 24:4

Yeso ya ywìtì abə mə̀mə̀nənùg məd gha, “Mbə̀ chughi ikyèʼi bə̀ ghi we awən imbə̀ʼ wə̀d mɔ̀ʼɔ nɔ̀ʼ tàmbi awən.

Mk 13:9

“Si ya gha, mbə̀ we awən. Mbi biri gwi awən nàʼ abə itog bəd ne sàʼa aben. Mbi biri sɔm awən inga məchamì Ŋwiye. Mbə̰ biri təm imbìghè mə̀gɔbnà bə̀ təm imbìghè məfɔn ane ìmə ikum ni ghà ikən chɔm inɔb.

1 Tèsàlonikà 1:9

Mbɔb mbe ghàmà yète ikuchèg ne mbə̀ ya niŋi awa icheg chɔm anyumə̀ ne tì ya yeʼe inən. Mbɔb mbe bə̀ ghà icheg ne mbə̀ fə waʼi mə̀ŋwiye ako se fàʼà abə Ŋwiye tesiʼ we ne yaʼi izɔm.

Rm 11:21

Àmə chəyi Ŋwiye ya sàŋi tìtab mbègtog te gha te chughi, nji chəyi wì biri bə̀ sàŋì awən.

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Mk 13:23

Ane, mbə̀ we awən. Mə fə ghà inug ijìm inən bɔŋ nyùmə̀ we se kòʼò.”

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Kòlosè 2:8

Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:19

Ane, tè bàd gha chəyi tì mbɔb ya nyi inga asiŋi àzwètì ze imbə̀ʼ icheg ne chəyi mbi ya bḛ Ŋwiye.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Mə̀Hibrù 10:31

Anug ne wə̀d ijìm beri ni taŋ bɔ ya gha imbə̀ʼ wì nɔʼ nyi ikye abo abə Ŋwiye we ne yaʼi izɔm.

Mə̀Hibrù 12:22

Àsi mbə̰, asiŋi ne mbə̀ yeʼe angu ya ikaŋ iwum Zayɔ̀n, a Jèrusalèm we ne yaʼi ikaŋ àbɔ̀ŋɔ, aben Ŋwiye we ne yaʼi izɔm. À ya asiŋi ne mbè angirə̀ chuʼ tì chuʼ fə fete se gyènde.