Mə̀Hibrù 13:9 - Ikan feg

⁹ Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

Meta’

⁹ Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

Mə̀Hibrù 13:9 Referans Kwoze

Efesùs 4:14

Ane, chəyi tì biri ywiri yaʼ icheg bɔn kwa ne bḛ inug ijìm ne bəd inug ako mbe chwìte. Bəd inug ako mbo̰ ya chwìte inug ako tàmba bəd ni ghì gha mbe febe.

Efesùs 5:6

Imbə̀ʼ mbə̰ bḛ awən gha wə̀d mɔ̀ʼɔ tambi awən tì inug ako ka imbə̀ʼ icheg ne Ŋwiye biri gaŋ abə bəd mbe ne ghìyə̀ tìzughə̀ ibo.

Rm 14:6

Bəd mbe ne nìŋə aneg mɔ̀ʼɔ gha ze taŋ bèrì aton chè mbin tì ineg ya ghìyə̀ ane ni nàʼ ighumni abə Anɔŋisəg. Bəd mbe ne bə̀ jə̀ghə tiku ighi ijìm ya bə̀ ghìyə̀ ane ni nàʼ ighumni abə Anɔŋisəg imbə̀ʼ icheg ne mbi ya jə̀ghə̀ ane nàʼà məyakà abə Ŋwiye. Bəd mbe ne chəyi mbe jəghə tiku ighi ijìm ya bə̀ ghìyə̀ ane ni ghumni Anɔŋisəg bə̀ nàʼà məyakà abə Ŋwiye.

1 Jɔn 4:1

Ìmbum mə̀sə̀ʼ ne mə̀ taŋ kɔ̀ŋ, imbə̀ʼ mbə̰ bḛ awən wə̀d ijìm ne ghà gha Azwighi Ŋwiye ze ibo inga fìŋ. Mbə̀ bi zweʼri aməd ni kyeri gha azwighi ze ne yaʼi inga məd kə nɔ̀ʼ abə Ŋwiye? Aton ya gha, bədkə̀n nɔʼ nɔʼ ne ghà inug ako fə sàkà inga isəg.

Ɨ̀fàʼì 20:30

Bəd biri dù fɔrɔ inga inən ne biri kɔpi tesiʼ imbə̀ʼ icheg ne mbe kə̀bə̀ gha mə̀mə̀nənùg beni inɔb anjìm.

Jûd 1:12

Anyumə̀ ne tiku bəd ìto̰ chughi aseg ane iteri àkɔ̀ŋì abɔ̀ʼ inən, mbi ya icheg ànaŋ amɔʼ ne chìkə̀ aban. Mbɔb ya tàŋà ighi məyi ni zì inga àzɔb àbàn. Mbɔb ya icheg pàʼ zɔ̀bi ne afim ze chè bèʼì ne chəyi mbə̀ŋ. Mbɔb ya icheg ized ne chəyi mbe ko titam, ka bèyi abɔ̀ʼ ichi. Mbɔb ya icheg ized ne mbi fə chɔ̀ʼi kwàʼ ane ighaŋ, mbi ku.

1 Timotì 6:20

Àghò Timotì, taŋ nyìmi inug mbe ne Ŋwiye zi inga ìte tikye abo. Imbə̀ʼ àghò ziye awe atog ane tìngam te ne chəyi ti beri anug ni ghì tì Ŋwiye. Imbə̀ʼ àghò ziye awe atog igun tìngam mɔ̀ʼɔ te ne bəd mbe ne kɔ̀ŋɔ̀ ni ya tàŋà inug mbe ghà gha à ya inug iwe ne kayi inug iwe.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.

2 Tès 2:17

wì bə̀ nəri ìtən fìŋ bə̀ nàʼ ika inən ni fàʼ ìfàʼì chɔm ijìm bə̀ ya ghàmà tìngam chɔm mà nyumə̀ ijìm.

Matìyò 24:24

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Matìyò 24:4

Yeso ya ywìtì abə mə̀mə̀nənùg məd gha, “Mbə̀ chughi ikyèʼi bə̀ ghi we awən imbə̀ʼ wə̀d mɔ̀ʼɔ nɔ̀ʼ tàmbi awən.

Kòlosè 2:4

Mə ya ghà inug mbo̰ inən ni ghì gha imbə̀ʼ wə̀d mɔ̀ʼɔ nɔ̀ʼ tàmbi awən ane tìngam nəmi nəmi.

2 Kɔrèn 1:21

À ya Ŋwiye ghi gha mba tì inən tè təm kà icheg ne tì yaʼi ane ifɔti tì Kristo. À ya məd zɔ̀ʼi awa,

1 Kɔrèn 8:8

Tesiʼ ya gha, kayi tijəg te biri ghì gha tì yaʼ bəd chɔm imbìghè abə Ŋwiye. Chəyi tì biri nim aghi mɔ̀ʼɔ anyumə̀ ne chəyi tì jəghi tijəg te. Chəyi tì biri bə bèrì chùd mɔ̀ʼɔ anyumə̀ ne tì jəghi tijəg te.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 14:2

Bəd mɔ̀ʼɔ bèrì ibḛfiŋ ne nàʼà apan inɔb ni jəg tiku ighi ijìm, si ya gha, wə̀d we ne chəyi ibḛfiŋ məd taŋ kà we tì wì jəg məyi igyen icheg ton.

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

2 Tès 2:2

Imbə̀ʼ mbə̰ saŋa awən gha bəd burə ìmbən atog kə̀ chìkì ìtən fìŋ ane icheg ne mbɔb mbe ghà gha aneg ze ne Anɔŋisəg biri ywiri yeʼe fə pè. Imbə̀ʼ mbə̰ bḛ awən tikən mɔ̀ʼɔ, kə̀ inug chete mɔ̀ʼɔ, kə̀ ìŋwàʼrì mɔ̀ʼɔ imbə̀ʼ anug azo̰ gha à ya mba cha, ne kayi mba.

1 Kɔrèn 6:13

Wə̀d ndəŋ we tì wì gha, “Ighijəg mbe ne bəd mbe jə̀ghə ya chè ghò inga fibum imbə̀ʼ icheg ne fibum ya abə ighijəg.” Tesiʼ ne angu ya gha, Ŋwiye biri zì ìnwḭ ane ighi mbo̰ ibe. Chəyi Ŋwiye ya tangi nyàmnyɔd wə̀d gha mbi ŋa fànà. Tì kòʼ ni niŋ ìta nyàmnyɔd fàʼ abə Ŋwiye. À ya Anɔŋisəg we kyèʼrè ìta nyàmnyɔd.

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Lk 5:38

Ane, mbi ya zìyè mənoʼ zù inga aghi mənoʼ feg.